ছাদিয়া খত্ৰী

ছাদিয়া খত্ৰী (Sadia Khatri) হৈছে কৰাচীত বাস কৰা এগৰাকী পাকিস্তানী লেখিকা, ফটোগ্ৰাফাৰ আৰু নাৰীবাদী। তেওঁ ডন আৰু দ্য কাঠমাণ্ডু পোষ্টত সাংবাদিক হিচাপে কাম কৰিছিল আৰু পেপাৰকাটছ মেগাজিনৰ ৰিপ'ৰ্টেজ সম্পাদক হিচাপে কাম কৰিছিল।.^১ খত্ৰী Girls at Dhabas-ৰ অন্যতম প্ৰতিষ্ঠাপক।.^২

প্ৰাৰম্ভিক জীৱন আৰু শিক্ষা

সদিয়া খত্ৰীয়ে আমেৰিকাৰ মেছাচুচেটছৰ মাউণ্ট হলিয়ক কলেজৰ পৰা স্নাতক ডিগ্ৰী লাভ কৰে।^৩ তেওঁ জ্যোতিৰ্বিজ্ঞান আৰু পদাৰ্থ বিজ্ঞানৰ মেজৰ হিচাপে আৰম্ভ কৰিছিল আৰু পিছলৈ তেওঁ সাংবাদিকতা আৰু সংবাদ মাধ্যম অধ্যয়নত যোগ দিছিল।^৪

আমেৰিকালৈ অহাৰ আগতে খত্ৰীয়ে ফটোগ্ৰাফীক চখ হিচাপে লৈছিল। শিল্প আৰু ফটোগ্ৰাফীৰ প্ৰতি তেওঁৰ আগ্ৰহ কৰাচীৰ শিল্প আৰু সংস্কৃতিৰ দৃশ্যপটত কৰা দুঃসাহসিক অভিযানৰ পৰাই উদ্ভৱ হৈছে। তেওঁ প্ৰায়ে তেওঁৰ ভগ্নী ফিজা খত্ৰীৰ সৈতে কনচাৰ্ট, সাহিত্যিক বক্তৃতা আৰু সামূহিক কলা প্ৰদৰ্শনীত অংশগ্ৰহণ কৰিছিল, যিয়ে মাউণ্ট হলিয়ক কলেজতো পঢ়িছিল।^৫ আমেৰিকাৰ "হিউমেনছ অৱ নিউয়ৰ্ক" ব্লগটোৰ দৰেই খত্ৰীয়ে আমেৰিকাত কলেজৰ পৰা স্নাতক হোৱাৰ সময়ছোৱাত "হিউমেনছ অৱ পাইয়নিয়াৰ ভেলী" বিষয়বস্তুৰ ওপৰত ব্লগ লিখিছিল।

২০১১ চনত খত্ৰীয়ে কৰাচীৰ বাণিজ্যিক এলেকাত পথৰ কাষত থাকি বেছিভাগ সময় কটোৱা শিশুৰ ফটো তুলিছিল। এই ফটোসমূহ কৰাচীৰ এখন প্ৰদৰ্শনীত প্ৰদৰ্শিত হৈছিল। প্ৰতিখন ফটোৰ তলত সংশ্লিষ্ট ৰাজপথৰ শিশুটিৰ এটা উক্তি আছিল যাতে তেওঁলোকে নিজৰ শব্দৰ জৰিয়তে জীৱনৰ প্ৰতি তেওঁলোকৰ দৃষ্টিভংগী প্ৰকাশ কৰিব পাৰে।^৬