আশিকা ৰংগনাথ

আশিকা ৰংগনাথ (ইংৰাজী ভাষা: Ashika Ranganath; জন্ম ৫ আগষ্ট ১৯৯৬) এগৰাকী ভাৰতীয় অভিনেত্ৰী। তেওঁ মূলতঃ কন্নড় ভাষা আৰু তেলুগু ভাষা ভাষাৰ চলচ্চিত্ৰত অভিনয় কৰে।^১ ২০১৬ চনত কন্নড় চলচ্চিত্ৰ ক্ৰেজী বয়ৰ জৰিয়তে তেওঁ অভিনয় জীৱনৰ আৰম্ভণি কৰে।^২ তেওঁ মধগজা (২০২১) আৰু অ’ টু (২০২৫) চলচ্চিত্ৰত অভিনয়ৰ বাবে কন্নড় ভাষাৰ শ্ৰেষ্ঠ অভিনেত্ৰীৰ সিমা বঁটা লাভ কৰে।^৩

প্ৰাৰম্ভিক জীৱন

আশিকা ৰংগনাথৰ জন্ম ৫ আগষ্ট ১৯৯৬ তাৰিখে কৰ্ণাটকৰ টুমকুৰ জিলাত কন্নড় ভাষাভাষী ৰংগনাথ আৰু সুধা ৰংগনাথ দম্পতীৰ ঘৰত হয়।^৪ তেওঁৰ এগৰাকী ডাঙৰ ভগ্নী অনুষা ৰংগনাথ আছে। আশিকাই টুমকুৰৰ বিশপ ছাৰ্জেণ্ট স্কুলত পঢ়া-শুনা আৰম্ভ কৰে।

তাৰ পিছত তেওঁ প্ৰাক-বিশ্ববিদ্যালয় শিক্ষাৰ বাবে বেংগালুৰুলৈ গৈ জ্যোতি নিবাস কলেজত নামভৰ্তি কৰে।^৫ পাছলৈ তেওঁ এম ই এছ কলেজ অৱ আৰ্টছ, কমাৰ্চ এণ্ড ছায়েন্সৰ পৰা বাণিজ্য বিষয়ত স্নাতক ডিগ্ৰী লাভ কৰে। অভিনয়ৰ উপৰিও তেওঁ ফ্ৰীষ্টাইল, বেলী আৰু পশ্চিমীয়া নৃত্যত প্ৰশিক্ষিত।

কেৰিয়াৰ

২০১৬ চনত আশিকা ৰংগনাথে মহেশ বাবুৰ পৰিচালনাত নিৰ্মিত কন্নড় চলচ্চিত্ৰ ক্ৰেজী বয়ৰ জৰিয়তে অভিনয় জীৱনৰ আৰম্ভণি কৰে। এই চলচ্চিত্ৰখনৰ বাবে তেওঁ কন্নড় ভাষাৰ শ্ৰেষ্ঠ নবাগত অভিনেত্ৰীৰ সিমা বঁটাৰ মনোনয়ন লাভ কৰে।^৬

২০১৭ চনত তেওঁ মাছ লিডাৰ আৰু মুগুলু নাগে চলচ্চিত্ৰত অভিনয় কৰে, যিবোৰ বাণিজ্যিকভাৱে সফল হয়।^৭

২০১৮ চনত তেওঁ ৰাজু কন্নড় মিডিয়াম, থায়িগে ঠক্ক মাগা আৰু ৰাম্বো টু চলচ্চিত্ৰত অভিনয় কৰে। ৰাম্বো টু চলচ্চিত্ৰখনৰ বাবে তেওঁ কন্নড় ভাষাৰ শ্ৰেষ্ঠ অভিনেত্ৰীৰ সিমা বঁটা লাভ কৰে।

২০২১ চনত মধগজা চলচ্চিত্ৰত অভিনয় কৰি তেওঁ পুনৰবাৰ সিমা বঁটা লাভ কৰে। ২০২৫ চনত মুক্তিপ্ৰাপ্ত অ’ টু চলচ্চিত্ৰত অভিনয়ৰ বাবেও তেওঁ সমালোচকৰ প্ৰশংসা লাভ কৰে।

মিডিয়া প্ৰতিচ্ছবি

টাইমছ অৱ ইণ্ডিয়াৰ “বেংগালুৰু টাইমছ মোষ্ট ডিজায়াৰেবল ৱমেন” তালিকাত আশিকা ৰংগনাথ একাধিকবাৰ স্থান লাভ কৰিছে।^৮