আশা নেগী

আশা নেগী ( Asha Negi; জন্ম: ২৩ আগষ্ট ১৯৮৯) এগৰাকী ভাৰতীয় অভিনেত্ৰী যিয়ে হিন্দী ভাষা টেলিভিছন প্ৰডাকচনৰ কামৰ বাবে পৰিচিত। জি টিভিৰ ছ’প অপেৰা পবিত্ৰ ৰিষ্টাত পূৰৱী দেশমুখ কিৰ্লোস্কৰ আৰু অল্ট বালাজীৰ ৱেব চিৰিজ বাৰীশত গৌৰৱী কৰ্মৰকাৰৰ চৰিত্ৰত অভিনয় কৰি তেওঁ বেছিকৈ পৰিচিত। ৰিয়েলিটি শ্ব' ফিয়াৰ ফেক্টৰ: খাট্ৰন কে খিলাৰী ৬ত অংশগ্ৰহণৰ বাবেও তেওঁ পৰিচিত।^১

২০১০ চনত নেগীয়ে সপোনো ছে ভৰে নাইনাত মধুৰাৰ চৰিত্ৰত অভিনয় কৰি টেলিভিছনত অভিষেক ঘটায় আৰু পিছলৈ ২০১১ চনত চনী টিভিত একতা কাপুৰৰ বদে আচ্ছে লগা হেইত অপেক্ষা মালহোত্ৰাৰ চৰিত্ৰত অভিনয় কৰে।^২ তেখেতে ২০১১ চনৰ পৰা ২০১৪ চনলৈকে পূৰৱী দেশমুখৰ চৰিত্ৰত অভিনয় কৰা ছ'প অপেৰা পবিত্ৰ ৰিষ্টাত তেওঁৰ ব্ৰেকথ্ৰু অভিনয় লাভ কৰে।^৩৪

২০১৩ চনত তেওঁ পবিত্ৰ ৰিষ্টাৰ সহ অভিনেতা আৰু সংগী ঋত্বিক ধনজনীৰ সৈতে নৃত্য ৰিয়েলিটি শ্ব' নাচ বল্লীয়ে ৬ত জয়ী হয়। তেওঁৰ আন ভূমিকা আছিল জি টিভিত চুহানা/কল্পনাৰ চৰিত্ৰত এক মুঠি আছমান আৰু ষ্টাৰপ্লাছত কয়লৰ চৰিত্ৰত কুচ তোহ হাই তেৰে মেৰে দাৰমিয়ানত। পিছলৈ তেওঁ কালাৰ্ছ টিভিত ফিয়াৰ ফেক্টৰ: খাট্ৰন কে খিলাদি ৬ত অংশগ্ৰহণ কৰে।^৫ ২০১৯ চনত তেওঁক ৱেব ছিৰিজ বাৰীশত গৌৰৱী কৰ্মকাৰৰ চৰিত্ৰত অভিনয় কৰা হয়।^৬ অনুৰাগ বাসুৰ পৰিচালক লুডো (চলচ্চিত্ৰ)ৰ জৰিয়তে হিন্দী চলচ্চিত্ৰত অভিষেক ঘটায়, য'ত তেওঁ সহযোগী চৰিত্ৰত অভিনয় কৰে। কলাৰ বম ছবিতো অভিনয় কৰিছিল।

প্ৰাথমিক জীৱন

উত্তৰাখণ্ডৰ দেৰাডুনত এল. নেগী আৰু বীনা নেগী ঘৰত আশা নেগীৰ জন্ম হৈছিল। ২০০৯ চনত তেওঁক মিছ উত্তৰাখণ্ড ২০০৯ৰ মুকুট পিন্ধোৱা হয়।^৭ অৱশেষত তেওঁ অভিনয় কেৰিয়াৰ গঢ়িবলৈ মুম্বাইলৈ গুচি যায়।

ব্যক্তিগত জীৱন

নেগীয়ে ২০১৩ চনত তেওঁৰ পবিত্ৰ ৰিষ্টাৰ কষ্টাৰ ঋত্বিক ধনজনীৰ সৈতে সম্পৰ্ক আৰম্ভ কৰে।^৮ পিছলৈ ৭ বছৰ ডেটিং কৰাৰ পিছত ২০২০ চনত তেওঁলোকৰ মাজত বিচ্ছেদ ঘটে।

বঁটা আৰু মনোনয়ন