আলি হাইদৰ

আলি হাইদৰ (Ali Haidar) এজন অসমীয়া নাট্যকাৰ আৰু নাট পৰিচালক। আলি হাইদৰে ১৯৫১ চনত লখিমপুৰ জিলাত জন্ম লাভ কৰে। ১৯৬৩ চনত ১৩ বছৰ বয়সত তেখেতে উপলদ্ধি নামৰে এখন একাঙ্কিকা নাট ৰচনা কৰি নাট্য জগতত প্ৰৱেশ কৰে। তাৰ পৰৱৰ্তী চাৰিটা দশকত প্ৰায় ষাঠিখন নাটক ৰচনা কৰে। পেচাত তেওঁ আছিল অসম চৰকাৰৰ গড়কাপ্তানী বিভাগৰ কাৰ্য্যালয় সহায়ক।^১

তেখেতে লখিমপুৰ জিলাত নৱাৰুণ নামৰ নাট্য সংগঠনৰ জন্ম দিয়ে।এই সংঘৰ বাবে আলি হাইদৰে নাটক লিখবলৈ লয়। ১৯৮৩ চনত নৱাৰুণক সম্প্ৰসাৰণ ঘটাই নাট্য বিকাশ কেন্দ্ৰ, চমুকৈ নাবিকৰ জন্ম দিয়ে। ১৯৮৭ চনত তেখেতে নাবিক ত্যাগ কৰি নট সৈনিক নামৰ নাট্য সংগঠন গঢ়ি তোলে। মৃত্যুলৈকে তেওঁ এই অনুষ্ঠানৰ লগত জড়িত আছিল। তেখেতে জীৱন কালত নাট সম্পৰ্কে বহুতো পৰীক্ষা নিৰীক্ষা চলাইছিল। তেওঁৰ অহৈতুকী স্বদেশ প্ৰীতি নাটকত মুকাভিনয়ৰ সাৰ্থক পৰীক্ষা চলাইছিল।^২

আলি হাইদৰৰ প্ৰধান নাট সমূহ

অন্যান্য নাট সমূহ

• এখন নিলাজ মানুহৰ দেশ
• কাৰ্টুজ নাই, পুৱাৰ হাঁহি
• ৰঙা পাহাৰ (শিশু নাট)
• একুৰি পাঁচ
• টেকেলি
• বিমূৰ্ত সন্ধান
• গৌতম
• ৰুস্তম আৰু.....
• নয়নৰ মণি
• নেপথ্য
• মায়া-মমতা^৩