আয়েশা টাকিয়া

আয়েশা টাকিয়া (Ayesha Takia; জন্ম ১০ এপ্ৰিল ১৯৮৬) এগৰাকী ভাৰতীয় অভিনেত্ৰী। তেওঁ মূলতঃ বলিউডত অভিনয় কৰে। ১৫ বছৰ বয়সত 'কমপ্লান'ৰ বিজ্ঞাপন^১ আৰু তাৰ পাছত ফাল্গুনী পাঠকৰ গীতকে^২ ধৰি কেইটামান মিউজিক ভিডিঅ'ত অভিনয় কৰাৰ পাছত টাৰজান: দ্য ৱণ্ডাৰ কাৰ বোলছবিৰে তেওঁ বলিউডত আত্মপ্ৰকাশ কৰে। এইখন বোলছবিৰ বাবে তেওঁ ২০০৪ চনত ফিল্মফেয়াৰ শ্ৰেষ্ঠ নৱাগতা অভিনেত্ৰীৰ সন্মান লাভ কৰে।^৩ তেওঁৰ আন উল্লেখযোগ্য বোলছবিসমূহ হ'ল দ'ৰ (২০০৬), চলাম-এ-ইস্ক (২০০৭) আৰু ৱাণ্টেড (২০০৯)। ৱাণ্টেড হৈছে তেওঁৰ কেৰিয়াৰৰ আটাইতকৈ বেছি বাণিজ্যিকভাৱে সফল বোলছবি।^৪

প্ৰাৰম্ভিক জীৱন

গুজৰাটী নৃগোষ্ঠীৰ আয়েশা টাকিয়াৰ জন্ম হয় ভাৰতৰ মহাৰাষ্ট্ৰৰ মুম্বাইত, তেওঁৰ পিতৃ হিন্দু আৰু মাতৃ মুসলিম আছিল।^৫ তেওঁ এগৰাকী কেথলিক, চেম্বুৰৰ চেণ্ট এণ্ঠনী বালিকা উচ্চ বিদ্যালয়ৰ প্ৰাক্তন ছাত্ৰী আছিল।^৬ ২০০৯ চনৰ ১ মাৰ্চত সমাজবাদী পাৰ্টিৰ নেতা আবু আজমীৰ পুত্ৰ ফাৰহান আজমীৰ সৈতে তেওঁৰ বিয়া হয়।^৭ স্বামী ফাৰহান আজমীৰ সৈতে তেওঁ এটি সন্তানৰ মাতৃ।^৮৯

চলচ্চিত্ৰ পুৰস্কাৰ