আঁচল ঠাকুৰ

আঁচল ঠাকুৰ (Aanchal Thakur, জন্ম: ২৮ আগষ্ট ১৯৯৬) এগৰাকী ভাৰতীয় মহিলা আলপাইন স্কিয়াৰ।^১ তেওঁ বিভিন্ন আন্তঃৰাষ্ট্ৰীয় স্কিকিং প্ৰতিযোগিতাত ভাৰতক প্ৰতিনিধিত্ব কৰিছে। আন্তঃৰাষ্ট্ৰীয় স্কিয়িং প্ৰতিযোগিতাত পদক অৰ্জন কৰা তেওঁ হৈছে প্ৰথম ভাৰতীয় স্কিয়াৰ।^২

প্ৰাৰম্ভিক জীৱন

আঁচল ঠাকুৰৰ জন্ম হয় ভাৰতৰ হিমাচল প্ৰদেশ ৰাজ্যৰ মনালীৰ বুৰুৱা নামৰ এখন সৰু গাঁৱত।^২ তেওঁ প্ৰথমে তেওঁৰ দেউতাকৰ পৰা স্কিকিং শিকিছিল। পাছলৈ তেওঁ এগৰাকী প্ৰাক্তন অলিম্পিয়ান হীৰা লালৰ অধীনত প্ৰশিক্ষণ লয়।^২

কেৰিয়াৰ

ইন্সব্ৰুকত অনুষ্ঠিত হোৱা ২০১২ চনৰ শীতকালীন যুৱ অলিম্পিকত আঁচল ঠাকুৰে ভাৰতক প্ৰতিনিধিত্ব কৰে।^৩ ২০১২ চনৰ শীতকালীন যুৱ অলিম্পিকত তেওঁ আলপাইন স্কিয়িং - ছোৱালীৰ স্লাল'ম আৰু ছোৱালীৰ জায়েণ্ট স্লাল'ম ইভেণ্টত অংশগ্ৰহণ কৰিছিল।^৪

২০১৭ এছিয়ান শীতকালীন ক্ৰীড়াৰ বাবে আঁচল ঠাকুৰক ২০১৭ চনৰ ফেব্ৰুৱাৰীত ভাৰতীয় দলত স্থান দিয়া হৈছিল।^৫ ২০১৮ চনত তেওঁ তুৰস্কত অনুষ্ঠিত হোৱা আৰু আন্তঃৰাষ্ট্ৰীয় স্কি ফেডাৰেচনৰ দ্বাৰা আয়োজিত ২০১৮ আলপাইন এজডাৰ ৩২০০ কাপত তেওঁ ব্ৰঞ্জৰ পদক জয় কৰে।^২৬৭৮ ফলস্বৰূপে তেওঁ আন্তঃৰাষ্ট্ৰীয় স্কিয়িং ইভেণ্টত পদক অৰ্জন কৰা প্ৰথম ভাৰতীয় স্কিয়াৰ ৰূপে পৰিগণিত হয়।^{৯১০১১}