ৰেউট নগৰ

ৰেউট নগৰ (Reut Naggar) এগৰাকী ইজৰাইলী প্ৰযোজক, সাংস্কৃতিক উদ্যোগী আৰু সামাজিক কৰ্মী, যি মূলতঃ এলজিবিটি আৰু মহিলাৰ অধিকাৰৰ ওপৰত গুৰুত্ব আৰোপ কৰে। নগৰ এলজিবিটি নিউজ চাইট ডব্লিউডিজিৰ প্ৰতিষ্ঠাপক আৰু থিয়েটাৰ প্ৰডাকচন "লেচবিহনেষ্ট"ৰ প্ৰযোজক। তেওঁ টেল আভিভ জাফা চহৰ পৰিষদৰ সদস্য।^১

প্ৰাৰম্ভিক জীৱন

টেল আভিভত জন্মগ্ৰহণ কৰা নগৰ আছদোদত ডাঙৰ-দীঘল হৈছিল। ২০০১–২০০৪ চনৰ ভিতৰত আইডিএফত লজিষ্টিক ইউনিটত অপাৰেচন অফিচাৰ হিচাপে বাধ্যতামূলক সামৰিক সেৱা আগবঢ়াইছিল। সেনাবাহিনী সেৱাৰ পিছত নগৰে বৰ ইলান বিশ্ববিদ্যালয়ৰ পৰা ৰসায়ন বিজ্ঞান আৰু আভ্যন্তৰীণ চিকিৎসা বিষয়ত বি এছ চি ডিগ্ৰী লাভ কৰে। ছাগট কলেজত কেপিটেল মাৰ্কেটছ আৰু বিজ্ঞাপন বিদ্যালয় "আবুদি" কলেজত ক্ৰিয়েটিভ ৰাইটিং অধ্যয়ন কৰে। পঢ়া-শুনাৰ পিছত নগৰে Saatchi & Saatchiকে ধৰি কেইবাটাও বিজ্ঞাপন কোম্পানীত কাম কৰিছিল।

কৰ্মজীৱন

২০১৪ চনত নগৰে লেচবিয়ান বাৰ আমাজনাৰ সহ-প্ৰতিষ্ঠা কৰে,^২য'ত তেওঁ এলজিবিটি সাংস্কৃতিক অনুষ্ঠানৰ প্ৰযোজনা কৰে। ২০১৫ চনত তেওঁ আন্তঃৰাষ্ট্ৰীয় এলজিবিটি চলচ্চিত্ৰ মহোৎসৱ টিএলভিফেষ্ট"^৩ প্ৰযোজনা কৰে আৰু মিফাল হাপাইছৰ "য়েমেই টাৰবুট" প্ৰকল্পৰ প্ৰযোজক আছিল।

জৰ্জ আভনিৰ সৈতে মিলি নগৰে ৱেবছাইট WDG.co.il – ইজৰাইলৰ একমাত্ৰ স্বতন্ত্ৰ এলজিবিটি বাতৰি ৱেবছাইট তৈয়াৰ কৰিছিল। ইজৰাইলৰ এলজিবিটি সম্প্ৰদায়ক ৰাজনৈতিক কণ্ঠস্বৰ প্ৰদান কৰিবলৈ আৰু ইজৰাইল আৰু বিশ্বৰ পৰা নিজৰ ভাষাত সম্প্ৰদায়টোলৈ খবৰ আনিবলৈ এই চাইটটো সৃষ্টি কৰা হৈছিল।^৪ ৱেবছাইটটোৱে বাস্তৱৰ বৈচিত্ৰ্য প্ৰতিফলিত কৰে, কু-সংস্কাৰসমূহ ভাঙি পেলায় আৰু ইয়াত কাৰ্য্যৰ আহ্বান, ব্যক্তিগত প্ৰবন্ধ, আৰু সম্প্ৰদায়ৰ বাবে অনুষ্ঠান আৰু কাৰ্য্যকলাপৰ বিষয়ে আপডেট অন্তৰ্ভুক্ত কৰা হয়।