ৰীণা চৌধুৰী

ৰীনা চৌধুৰী (Reena Choudhary; জন্ম: ২ জুন ১৯৬৮) এগৰাকী ৰাজনৈতিক আৰু সমাজকৰ্মী৷ তেওঁ ভাৰতৰ উত্তৰ প্ৰদেশ ৰাজ্যৰ মোহনলালগঞ্জ সমষ্টিৰ পৰা নিৰ্বাচিত হোৱা সংসদৰ সদস্য আৰু সমাজবাদী পাৰ্টিৰ প্ৰাৰ্থী।^১

প্ৰাথমিক জীৱন

১৯৬৮ চনৰ ২ জুনত শ্ৰী ভাগৱতী প্ৰসাদ আৰু চন্দ্ৰ ৱাটিৰ পৰিয়ালত, উত্তৰ প্ৰদেশৰ গোৰখপুৰত শ্ৰীযুত শ্ৰীমতী ৰীণাৰ জন্ম হয়৷ তেওঁ বিবাহিত আৰু তেওঁৰ এজন পুত্ৰ আছে।^১

শিক্ষা

ৰীণাই বানাস্থলী বিদ্যাপীঠ(ৰাজস্থান) আৰু লক্ষ্ণৌ বিশ্ববিদ্যালয়ৰ পৰা শিক্ষা সমাপ্ত কৰে। ৰীণাই স্নাতকোত্তৰ আৰু এল এল বি সম্পূৰ্ণ কৰে।^১

কৰ্মজীৱন

১৯৯৮ চনত দ্বাদশ লোকসভালৈ নিৰ্বাচিত ৰীণা চৌধুৰী নিৰ্বাচিত হয়৷ ১৯৯৮–৯৯ চনৰ ভিতৰত তেওঁ কাৰ্যনিৰ্বাহ কৰা পদসমূহ হৈছে-

১. প্ৰতিৰক্ষা সমিতি আৰু ইয়াৰ উপ-সমিতি-IIৰ সদস্য।

২. সদস্য, সংসদৰ সদস্যসকলক কম্পিউটাৰ প্ৰদান সমিতি

৩. সদস্য, পৰামৰ্শদাতা সমিতি, তীখা আৰু খনি মন্ত্ৰালয়^১

১৯৯৯ চনত পুনৰ ২য় কাৰ্যকালৰ বাবে তেওঁ ত্ৰয়োদশ লোকসভালৈ নিৰ্বাচিত হয়। ১৯৯৯–২০০০ চনৰ ভিতৰত তেওঁ কাৰ্যনিৰ্বাহ কৰা পদসমূহ হৈছে-

১.পৰিবহণ আৰু পৰ্যটন সমিতিৰ সদস্য

২. সদস্য, সংসদৰ সদস্যসকলক কম্পিউটাৰ প্ৰদান সমিতি

৩. ২০০০–২০০৪ চনৰ ভিতৰত তেওঁ অসামৰিক বিমান পৰিবহণ মন্ত্ৰালয়ৰ পৰামৰ্শদাতা সমিতিৰ সদস্যও আছিল।^১

২০০৪ চনত তেওঁক দলৰ টিকটৰ পৰা বঞ্চিত কৰা হয় আৰু সেয়েহে তেওঁ দলৰ প্ৰাথমিক সদস্যপদৰ পৰা পদত্যাগ কৰে। সমষ্টিটোত বহিঃৰাজ্যৰ মানুহ এজনক জোৰ কৰি সমাজবাদী পাৰ্টিয়ে অঞ্চলটোৰ ৰাইজৰ স্বাৰ্থৰ সৈতে আপোচ কৰা বুলিও তেওঁ অভিযোগ উত্থাপন কৰে। তেখেতে দাবী কৰে যে চাণ্ডাউলীৰ পৰা আন দুজন জ্যেষ্ঠ দলৰ নেতা জৱাহৰ জয়ছৱাল আৰু ফুলপুৰৰ ধৰাম ৰাজ পেটেল – দুয়োজনেই ভংগ হোৱা লোকসভাৰ সদস্যও টিকট অস্বীকাৰ কৰাত অসন্তুষ্ট।^২

২০০২ চনত ৰীণা নিজৰ বাসগৃহত হোৱা দুৰ্ঘটনাৰ বাবে ১৫% জুইত দগ্ধ হয়। আৰক্ষী বিষয়াসকলে বিশ্বাস কৰিছিল যে এল পি জি চিলিণ্ডাৰ আৰু ৰন্ধন গেছ সংযোগী পাইপত লিক হোৱাৰ বাবেই এই জুই সংঘটিত হৈছে।^৩