ৰিচাৰ্ড ৰবছন

ৰিচাৰ্ড ৰবছন (Richard Robson;জন্ম: ৪ জুন ১৯৩৭) এজন ব্ৰিটিছ আৰু অষ্ট্ৰেলিয়ান ৰসায়নবিদ আৰু মেলবৰ্ণ বিশ্ববিদ্যালয়ৰ ৰসায়ন বিজ্ঞানৰ অধ্যাপক।^১ ৰবছনে সমন্বয় পলিমাৰ, বিশেষকৈ ধাতু-জৈৱিক কাঠামোৰ বিশেষজ্ঞ।^২ তেওঁক "সংক্ৰমণ ধাতুৰ সৈতে জড়িত স্ফটিক অভিযান্ত্ৰিকীৰ অগ্ৰণী" বুলি বৰ্ণনা কৰা হৈছে।^৩৪২০২৫ চনত তেওঁক ধাতু-জৈৱিক কাঠামোৰ বিকাশৰ বাবে চুছুমু কিটাগাৱা আৰু ওমৰ এম য়াঘীৰ সৈতে ৰসায়ন বিজ্ঞানৰ নোবেল বঁটা প্ৰদান কৰা হয়।^৫

প্ৰাৰম্ভিক জীৱন আৰু শিক্ষা

১৯৩৭ চনৰ ৪ জুনত ইংলেণ্ডৰ পশ্চিম ইয়ৰ্কশ্বাৰৰ (বৰ্তমান নৰ্থ ইয়ৰ্কশ্বাৰ)^৬ গ্লাছবাৰ্নত জন্মগ্ৰহণ কৰা ৰবছনে^৭ অক্সফৰ্ডৰ ব্ৰাচেন’জ কলেজত ৰসায়ন বিজ্ঞান পঢ়ে, ১৯৫৯ চনত কলাৰ স্নাতক ^৬পঢ়ি ১৯৬২ চনত ডক্তৰেট ডিগ্ৰী লাভ কৰে।^{৮ ৯}ডাইছন পেৰিন্স লেবৰেটৰীৰ জে এ বাৰ্লট্ৰপৰ তত্বাৱধানত তেওঁৰ ডক্টৰেট ডিগ্ৰীৰ গৱেষণাত জৈৱিক অণুৰ আলোক ৰসায়ন বিজ্ঞানৰ ওপৰত গুৰুত্ব আৰোপ কৰা হৈছিল।^১০১১

গৱেষণা

ৰিচাৰ্ড ৰবছনৰ যুগান্তকাৰী গৱেষণাই সমন্বয় পলিমাৰৰ ক্ষেত্ৰত মূল নীতিসমূহ প্ৰতিষ্ঠা কৰে, বিশেষকৈ অসীম পলিমেৰিক কাঠামোৰ বাবে—তাক পিছলৈ ধাতু–জৈৱিক কাঠামো (MOF) বুলি কোৱা হয়।^২১২ ১৯৭৪ চনত প্ৰথম বৰ্ষৰ ৰসায়ন বিজ্ঞানৰ বক্তৃতাৰ বাবে স্ফটিকীয় গঠনৰ বৃহৎ কাঠৰ আৰ্হি নিৰ্মাণ কৰাৰ সময়তে এই ক্ষেত্ৰখনৰ প্ৰতি তেওঁৰ আগ্ৰহৰ সৃষ্টি হয়।^১৩

১৯৯০ চনত ৰবছনে সমন্বয় পলিমাৰৰ এক নতুন শ্ৰেণী সৃষ্টি কৰে যিয়ে ৰসায়ন বিজ্ঞানৰ এক সমগ্ৰ আধুনিক ক্ষেত্ৰৰ আধাৰত থিয় দিছিল।^১৪ তেওঁৰ উদ্ভাৱনী পদ্ধতিত তাম(I) ব্যৱহাৰ কৰা হৈছিল, যি টেট্ৰাহেড্ৰেল জ্যামিতিৰ অনুকূল৷ তেওঁ নিজৰ ইচ্ছানুযায়ী ডিজাইন কৰা টেট্ৰানাইট্ৰাইল জৈৱিক লিংকাৰৰ সৈতে সংযুক্ত কৰে।^১৪ এই পদ্ধতিত হীৰা সদৃশ গঠনৰ স্ফটিকীয় scaffold-ৰ সৃষ্টি কৰা হৈছিল৷।^১৪

সন্মান আৰু স্বীকৃতি

• ১৯৯৮ চনত ৰবছনে দ্য ৰয়েল অষ্ট্ৰেলিয়ান কেমিকেল ইনষ্টিটিউটৰ অজৈৱিক বিভাগৰ পৰা বাৰ'ছ বঁটা লাভ কৰে৷
• ২০০০ চনত অষ্ট্ৰেলিয়ান একাডেমী অৱ চাইন্সৰ ফেলো নিৰ্বাচিত হয়।^১৫ ২
• ২০২২ চনত তেওঁ ৰয়েল ছ'চাইটিৰ ফেলো নিৰ্বাচিত হয়।^১৬
• ২০২৫ চনত ৰসায়ন বিজ্ঞানত ন'বেল লাভ কৰে৷ তেওঁক ধাতু-জৈৱিক কাঠামোৰ বিকাশৰ বাবে চুছুমু কিটাগাৱা আৰু ওমৰ এম য়াঘীৰ সৈতে এই বঁটা প্ৰদান কৰা হয়।

নিৰ্বাচিত গ্ৰন্থপুঞ্জী

• Hoskins, Bernard F.; Robson, Richard. (1989). Infinite polymeric frameworks consisting of three dimensionally linked rod-like segments. Journal of the American Chemical Society. পৃ. 5962–5964
• Hoskins, B. F.; Robson, Richard. (1990). Design and construction of a new class of scaffolding-like materials comprising infinite polymeric frameworks of 3D-linked molecular rods. A reappraisal of the zinc cyanide and cadmium cyanide structures and the synthesis and structure of the diamond-related frameworks (N(CH3)4)(CuIZnII(CN)4) and CuI(4,4',4,4'-tetracyanotetraphenylmethane)BF4.xC6H5NO2. Journal of the American Chemical Society. পৃ. 1546–1554
• Batten, Stuart R.; Robson, Richard. (19 June 1998). Interpenetrating Nets: Ordered, Periodic Entanglement. Angewandte Chemie International Edition. পৃ. 1460-1494

বাহ্যিক সংযোগ

উৎস: www.nobelprize.org/prizes/about/prize-announceme