ৰণুৱা

ৰণুৱা (Ronuwa- Who Never Surrender) হৈছে ২০২১ চনত মুক্তি লাভ কৰা এখন অসমৰ চলচ্চিত্ৰ। অসমীয়া চলচ্চিত্ৰৰ এগৰাকী জনপ্ৰিয় চলচ্চিত্ৰ নিৰ্মাতা তথা পৰিচালক চন্দ্ৰ মুদৈৰ দ্বাৰা পৰিচালিত 'ৰণুৱা' নামৰ অসমীয়া ছবিখনে ২০২১ চনত ৬৭ সংখ্যক ৰজকমল বঁটা লাভ কৰিছে।^১২ চিনেমাখন প্ৰযোজনা কৰিছে বৰ্ণালী ক্ৰিয়েটিভ ভিজন এণ্টাৰটেইনমেণ্টে।^২

কাহিনী

‘ৰণুৱা’ চিনেমাখনৰ কাহিনীটো গুৱাহাটী চহৰত হোৱা কৃত্ৰিম বানপানীৰ ওপৰত আধাৰিত। অত্যধিক বৰষুণৰ বাবে গুৱাহাটী নগৰত সঘনে হোৱা কৃটিম বানপানীত মানুহে কেনেকৈ কষ্ট পায় চিনেমাখনত তাক দেখুওৱা হৈছে।^৩

এজন ৰিক্সাচালক, যাদৱে তেওঁৰ পৰিয়ালটো পোহপাল দিবলৈ কোনোমতে কেইটকামান উপাৰ্জন কৰে। তাৰে তেওঁ আৰু তেওঁৰ পত্নী মাকনে তেওঁলোকৰ সন্তানক সুশিক্ষিত ৰূপত চাবলৈ বিচাৰে যাতে তেওঁলোকৰ সপোনবোৰ সিহঁতে পূৰণ কৰিব পাৰে। কিন্তু, গুৱাহাটীত হোৱা বানপানীয়ে তেওঁলোকৰ জীৱনলৈ ধ্বংস মাতি আনে। চমুকৈ এয়াই হৈছে ৰণুৱা চিনেমাখনৰ কাহিনী।^৪

অভিনয় শিল্পী

• ৰাজীৱ ক্ৰ’
• প্ৰণামী বৰা
• বৰ্ণালী দত্ত
• ৰ’দালি বৰা

বাহ্যিক সংযোগ

• ৱৰ্ল্ড প্ৰিমিয়াৰ, ৰণুৱা, ইউটিউব