১৯৯৮ৰ ভাৰতৰ সাধাৰণ নিৰ্বাচন

১৯৯৮ৰ ভাৰতৰ সাধাৰণ নিৰ্বাচন ইন্দৰ কুমাৰ গুজৰাল চৰকাৰৰ পতন আৰু ১৯৯৬ চনত গঠন কৰা দ্বাদশ লোকসভাৰ ভঙ্গ হোৱাৰ পিছত অনুষ্ঠিত হৈছিল। জৈন কমিচনৰ প্ৰতিবেদনত ৰাজীৱ গান্ধী হত্যা ষড়যন্ত্ৰত দ্ৰাবিড়া মুন্নেত্ৰা কাঝাগম জড়িত বুলি উল্লেখ থকাৰ অভিযোগ উঠে। সেই আচিলাতে প্ৰধানমন্ত্ৰী গুজৰালক ভাৰতীয় জাতীয় কংগ্ৰেছে ডি এম কেক মন্ত্ৰীসভাৰ পৰা অপসাৰণ কৰিবলৈ হেঁচা দিয়ে। সংযুক্ত মৰ্চা এই হেঁচাত সৈমান নহ'ল আৰু ২৮ নবেম্বৰ ১৯৯৭ত গুজৰালে ৰাষ্ট্ৰপতিৰ ওচৰত পদত্যাগ পত্ৰ দাখিল কৰিলে। ৪ ডিচেম্বৰ ১৯৯৭ত ১১শ লোকসভা ভঙ্গ কৰি দিয়া হ'ল^১২ নতুন নিৰ্বাচনৰ ফলাফল আছিল এখন ওলোমা সংসদ। কোনো এটা দলেই বা মৰ্চাই নিৰংকুশ সংখ্যাগৰিষ্ঠতা নাপালে যদিও ভাৰতীয় জনতা পাৰ্টিয়ে ২৮৬জন সাংসদৰ সমৰ্থনত অটল বিহাৰী বাজপায়ীয়ে ২য় বাৰৰ বাবে প্ৰধানমন্ত্ৰীৰ শপত গ্ৰহণ কৰিলে। কিন্তু নিম্ন সদনত ১৮খন আসন থকা অল ইণ্ডিয়া দ্ৰাবিড়া মুন্নেত্ৰা কাঝাগমে সমৰ্থন উঠাই লোৱাত এই চৰকাৰখনৰো ১৯৯৮ৰ শেষৰপিনে পতন ঘটে; যাৰ পৰিণতিত ১৯৯৯ত পুনৰ নতুন নিৰ্বাচন পাতিবলগীয়া হ'ল। লক্ষণীয় য়ে স্বাধীনতাৰ পিছত কংগ্ৰেছ দলে প্ৰথমবাৰৰ বাবে ক্ৰমাগত দুটা নিৰ্বাচনত পৰাজয় বৰণ কৰিলে।

ফলাফল

সংক্ষিপ্ত ফলাফল