হেলী শ্বাহ

হেলী শ্বাহ (ইংৰাজী ভাষা: Helly Shah; জন্ম: ৭ জানুৱাৰী ১৯৯৬) এগৰাকী ভাৰতীয় অভিনেত্ৰী আৰু মডেল যিয়ে মূলতঃ হিন্দী ভাষা টেলিভিছনত কাম কৰে। ২০১০ চনত জিন্দগী কা হৰ ৰং...গুলালত টলীৰ চৰিত্ৰত অভিনয় কৰি তেওঁ অভিনয় জীৱনৰ পাতনি মেলে। তেওঁ বিশেষকৈ স্বৰাগিনীত স্বৰা বসু মহেশ্বৰী আৰু দেৱাংশীত দেৱাংশী বক্সীৰ চৰিত্ৰত কৰা অভিনয়ৰ বাবে পৰিচিত।^১

চুফিয়ানা প্যাৰ মেৰাত ছালতানাত আৰু কায়ানাত শ্বাহৰ দ্বৈত চৰিত্ৰ আৰু ইস্ক মেঁ মৰজাৱা ২ তথা ৱেব ধাৰাবাহিক ইস্ক মেঁ মৰজাৱা ২: নয়া চফৰত ৰিদ্ধিমা ৰায়সিংহানিয়াৰ চৰিত্ৰত অভিনয় কৰি শ্বাহে ব্যাপক স্বীকৃতি লাভ কৰে।^২

প্ৰাৰম্ভিক জীৱন

১৯৯৬ চনৰ ৭ জানুৱাৰীত শ্বাহৰ জন্ম হৈছিল।^৩ তেওঁ আহমেদাবাদৰ এগৰাকী গুজৰাটী^৪ আৰু এগৰাকী নিৰামিষভোজী।^৫

কেৰিয়াৰ

শ্বাহে অষ্টম শ্ৰেণীত পঢ়ি থকাৰ পৰাই অভিনয় জীৱন আৰম্ভ কৰিছিল।^৬ তেওঁৰ কেৰিয়াৰ ষ্টাৰ প্লাছৰ ধাৰাবাহিক গুলালৰ জৰিয়তে আৰম্ভ হৈছিল।^৪ ২০১১ চনত তেওঁ দিয়া ঔৰ বাতী হামত শ্ৰুতিৰ চৰিত্ৰত অভিনয় কৰিছিল। ইয়াৰ পিছত তেওঁ লাইফ ওকে (Life OK)-ৰ অলক্স্মী - হমাৰী ছুপাৰ বহুত অলক্স্মীৰ চৰিত্ৰত অভিনয় কৰে।^৪ পিছলৈ তেওঁ খেলতী হ্যৈ জিন্দগী আঁখ মিচোলীত অমীৰ চৰিত্ৰত অভিনয় কৰিছিল।^৭ ইয়াৰ পিছত তেওঁ ছনী পালৰ খুচিয়ো কি গুল্লক আশীত অভিনয় কৰিছিল।^৮

২০১৫ চনৰ মাৰ্চ মাহৰ পৰা ২০১৬ চনৰ ডিচেম্বৰ মাহলৈকে শ্বাহে স্বৰাগিনীত স্বৰা মহেশ্বৰীৰ চৰিত্ৰত অভিনয় কৰিছিল।

২০১৬ চনত শ্বাহে কালাৰ্ছ টিভিৰ ঝলক দিখলা যা (ছিজন ৯)-ত অংশগ্ৰহণ কৰিছিল। ২০১৭ চনত তেওঁ দেৱাংশীত দেৱাংশী উপাধ্যায়/বক্সীৰ চৰিত্ৰত অভিনয় কৰিছিল।

২০১৯ চনত তেওঁ ষ্টাৰ ভাৰতৰ চুফিয়ানা প্যাৰ মেৰাত ছালতানাত শ্বাহ আৰু কায়ানাত শ্বাহৰ দ্বৈত চৰিত্ৰত অভিনয় কৰিছিল।^৯ ইয়াৰ পিছত তেওঁ ষ্টাৰ প্লাছৰ য়ে ৰিস্তে হ্যৈ প্যাৰ কেত নেহা হিচাপে অভিনয় কৰে।^১০

শ্বাহে ৰাহুল সুধীৰ আৰু বিশাল বশিষ্ঠৰ বিপৰীতে ইস্ক মেঁ মৰজাৱা ২ত ৰিদ্ধিমা ৰায়সিংহানিয়াৰ চৰিত্ৰত অভিনয় কৰিছিল।^২১১ যিখন ধাৰাবাহিক ২০২০ চনৰ ১৩ জুলাইৰ পৰা ২০২১ চনৰ ১৩ মাৰ্চলৈকে কালাৰ্ছ টিভিত সম্প্ৰসাৰিত হৈছিল। অনুষ্ঠানটো শেষ হোৱাৰ পিছত ১৫ মাৰ্চৰ পৰা 'ভুট চিলেক্ট' (Voot Select)-ত ইস্ক মেঁ মৰজাৱা ২: নয়া চফৰ শীৰ্ষক নতুন ছিজন আৰম্ভ হয়, য’ত শ্বাহে পুনৰ ৰিদ্ধিমাৰ চৰিত্ৰটো ৰূপায়ণ কৰিছিল।^১২

২০২২ চনৰ ১৮ মে’ত তেওঁ কান চলচ্চিত্ৰ মহোৎসৱৰ (Cannes Film Festival) ৰেড কাৰ্পেটত খোজ দি আত্মপ্ৰকাশ কৰে।^১৩১৪ ২১ মে’ত কান চলচ্চিত্ৰ মহোৎসৱত তেওঁৰ প্ৰথম ছবি কায়া পলটৰ পোষ্টাৰ উন্মোচন কৰে।^১৫১৬ অভিনেত্ৰীগৰাকীয়ে লৰিয়েল পেৰিছৰ হৈও কানৰ ৰেড কাৰ্পেটত খোজ দিছিল; এনেদৰে তেওঁ লৰিয়েল পেৰিছৰ দৰে ইভেণ্ট স্পনছৰৰ হৈ ৰেড কাৰ্পেটত খোজ দিয়া প্ৰথমগৰাকী ভাৰতীয় টেলিভিছন অভিনেত্ৰী হিচাপে পৰিগণিত হয়।^১৭ ২০২৪ চনৰ মাৰ্চ মাহৰ পৰা তেওঁ এখন তেলুগু ছবিতো কাম কৰি আছে।

২০২৫ চনৰ মাৰ্চৰ পৰা জুন মাহলৈকে তেওঁ কালাৰ্ছ টিভিৰ জ্যাদা মত উড়ত শেহজাদ শ্বেখৰ বিপৰীতে কাজল ঠাকুৰৰ চৰিত্ৰত অভিনয় কৰিছিল।^১৮

সংবাদ মাধ্যমত

২০২০ চনৰ 'ইষ্টাৰ্ন আই'ৰ শীৰ্ষ ৫০ গৰাকী এছীয় তাৰকাৰ তালিকাত শ্বাহে ৪৭তম স্থান লাভ কৰিছিল। সেই একে বছৰতে ইষ্টাৰ্ন আইৰ "দশকৰ ডাইনেমিক ডজন" (Dynamic dozen for the decade) তালিকাত তেওঁ চতুৰ্থ স্থানত আছিল।^১৯২০ ২০২১ চনত তেওঁ ইষ্টাৰ্ন আইৰ "৩০ অনুৰ্ধ বিশ্বজনীন এছীয় তাৰকা" (Top 30 under 30 Global Asian Stars)ত স্থান লাভ কৰিছিল।^২১ ২০২৩ চনত তেওঁ 'টাইমছ নাউ'ৰ "জনপ্ৰিয় টেলিভিছন অভিনেত্ৰী"ৰ তালিকাত তৃতীয় স্থান লাভ কৰিছিল।^২২