সৰ্বানী বসু

সৰ্বানী বসু এগৰাকী ভাৰতীয় জ্যোতিৰ্পদাৰ্থবিজ্ঞানী আৰু ইয়েল বিশ্ববিদ্যালয়ৰ অধ্যাপিকা৷ তেখেতে এছ'চিয়েচন অৱ ইউনিভাৰ্চিটিজ ফৰ ৰিচাৰ্চ ইন এষ্ট্ৰ'নমিৰ পৰিচালনা সমিতিৰ সদস্য আৰু আমেৰিকান এছ'চিয়েচন ফৰ দ্য এডভান্সমেণ্ট অৱ চাইন্সৰ ফেলো।

শিক্ষা

১৯৮৬ চনত মাদ্ৰাজ বিশ্ববিদ্যালয়ৰ পৰা বসুৱে স্নাতক ডিগ্ৰী লাভ কৰে।^১ তেখেতে সাবিত্ৰীবাই ফুলে পুনে বিশ্ববিদ্যালয় আৰু মুম্বাই বিশ্ববিদ্যালয়ত স্নাতক অধ্যয়ন সম্পূৰ্ণ কৰি ১৯৯৩ চনত পি এইচ ডি লাভ কৰে।^১

গৱেষণা

১৯৯৩ চনত বসুয়ে লণ্ডনৰ কুইন মেৰী বিশ্ববিদ্যালয়ত পোষ্ট ডক্টৰেট গৱেষক হিচাপে যোগদান কৰে, তাৰ পিছত আৰহাছ বিশ্ববিদ্যালয়লৈ যায়।^১ ১৯৯৬ চনত তেখেতে ভাৰতীয় জ্যোতিৰ্বিজ্ঞান সমিতিৰ পৰা এম কে ভাইনু বাপ্পু স্বৰ্ণ পদক লাভ কৰে৷^২ ১৯৯৭ চনত তেখেতে প্ৰিন্সটন বিশ্ববিদ্যালয়ত ইনষ্টিটিউট ফৰ এডভান্সড ষ্টাডিৰ সদস্য হিচাপে যোগদান কৰে।^১৩৪ ২০০০ চনত তেখেতক ইয়েল বিশ্ববিদ্যালয়ৰ সহকাৰী অধ্যাপিকা হিচাপে নিযুক্তি দিয়া হয় আৰু ২০০৫ চনত তেওঁক অধ্যাপিকালৈ পদোন্নতি দিয়া হয়।^১ ২০০২ চনত তেখেতে হেলমেন ফেমিলি ফেকাল্টি ফেল’শ্বিপ লাভ কৰে। সূৰ্য্যৰ গঠন আৰু গতিবিদ্যাৰ প্ৰতি তেখেত আগ্ৰহী আছিল, আৰু নক্ষত্ৰীয় দোলন ব্যৱহাৰ কৰি সেইবোৰ অধ্যয়ন কৰিছিল।^৫৬ হেলিঅ’ছিছমিক ওলোটাবোৰ নিৰীক্ষণ কৰি বসুয়ে সূৰ্য্যৰ ভিতৰত কি কি প্ৰক্ৰিয়া সংঘটিত হয় সেইটো নিৰ্ধাৰণ কৰে।^৭৮ তেখেতে হেলিঅ'ছিছম'লজীৰ ওপৰত এখন কিতাপৰ অধ্যায় লিখিছে৷^৯

বসুৱে সমনীয়াৰ দ্বাৰা পৰ্যালোচিত বৈজ্ঞানিক আলোচনীত ২০০ খনতকৈও অধিক গৱেষণা পত্ৰ প্ৰকাশ কৰিছে আৰু ইয়াত ৮২ টা H-index আছে।^১০ তেখেতে বিদ্যালয়লৈ গৈ যুৱক-যুৱতীসকলৰ সৈতে তেখেতৰ গৱেষণাৰ বিষয়ে আলোচনা কৰে। ^১১১২

সন্মান আৰু পুৰস্কাৰ

২০১৫ চনত বসু আমেৰিকান এছ'চিয়েচন ফৰ দ্য এডভান্সমেণ্ট অৱ চাইন্সৰ ফেলো নিৰ্বাচিত হয়।^১৩ ২০১৭ চনত তেখেতে উইলিয়াম চেপলিনৰ সৈতে "এষ্টেৰ'ইজমিক ডাটা এনালাইছিছ ফাউণ্ডেশ্যন এণ্ড টেকনিকছ" প্ৰকাশ কৰে।^১৪ সূৰ্য্যৰ আভ্যন্তৰীণ গঠনৰ বিষয়ে আমাৰ বুজাবুজিৰ ক্ষেত্ৰত আগবঢ়োৱা অৱদানৰ বাবে ২০১৮ চনত তেখেতে আমেৰিকান এষ্ট্ৰ’নমিকেল ছ’চাইটিৰ জৰ্জ এলেৰী হেল বঁটা লাভ কৰে।^{১৫১৬১৭} ভাৰ্জিনিয়াত অনুষ্ঠিত হোৱা ত্ৰিবাৰ্ষিক পৃথিৱী-সূৰ্য্য শীৰ্ষ সন্মিলনত তেখেতক এই বঁটা প্ৰদান কৰা হয়।^১৮ তেখেত ২০২০ চনত আমেৰিকান এষ্ট্ৰ'নমিকেল ছ'চাইটিৰ লেগেচি ফেলো নিৰ্বাচিত হয়।^১৯