স্বৰ্ণা আক্তাৰ

স্বৰ্ণ আক্তাৰ (ইংৰাজী: Shorna Akter) (জন্ম: ১ জানুৱাৰী, ২০০৭) এগৰাকী বাংলাদেশী ক্ৰিকেটাৰ। তেওঁ বাংলাদেশ ৰাষ্ট্ৰীয় মহিলা ক্ৰিকেট দলৰ হৈ সোঁহতীয়া লেগ স্পিন বলাৰ আৰু সোঁহতীয়া বেটছমেন হিচাপে খেলে।^১২

আন্তৰ্জাতিক কেৰিয়াৰ

২০২২ চনৰ ডিচেম্বৰ মাহত তেওঁ ২০২৩ আইচিচি অনুৰ্দ্ধ-১৯ মহিলা টি২০ বিশ্বকাপৰ বাবে বাংলাদেশ জাতীয় অনুৰ্দ্ধ-১৯ মহিলা ক্ৰিকেট দলত নিৰ্বাচিত হয়।^৩৪ সেই শৃংখলাত তেওঁ এটা অৰ্ধ-শতক সহ (৫০*) ৫১.০০ গড় হিচাপে ১৫৩ ৰাণ কৰে। তেৱেঁই একমাত্ৰ বাংলাদেশী খেলুৱৈ যি শৃংখলাটোত দলৰ হৈ স্থান লাভ কৰে।^৫

২০২৩ চনৰ জানুৱাৰী মাহত তেওঁক ২০২৩ আইচিচি মহিলা টি২০ বিশ্বকাপৰ বাবে বাংলাদেশৰ টি-টুৱেণ্টি দলত ৰখা হয়।^৬৭ ২০২৩ চনৰ ১২ জানুৱাৰীত শ্ৰীলংকাৰ বিপক্ষে টি২০ বিশ্বকাপত তেওঁৰ টুৱেণ্টি২০ আন্তৰ্জাতিক অভিষেক ঘটে। ^৮ সেই শৃংখলাটোত ৰ্তেওঁ ৫৯ ৰাণ কৰে আৰু ২ উইকেট লাভ কৰে।

২০২৩ চনৰ এপ্ৰিল মাহত শ্ৰীলঙ্কাৰ বিপক্ষে খেলা চিৰিজৰ বাবে বাংলাদেশৰ টি-টুৱেণ্টি আৰু এদিনীয়া দলত স্বৰ্ণাৰ নাম অন্তৰ্ভুক্ত কৰা হয়।^৯১০

২০২৩ চনৰ জুলাই মাহত ভাৰতৰ বিৰুদ্ধে খেলা শৃংখলাৰ বাবে আক্তাৰে বাংলাদেশৰ এদিনীয়া দলত স্থান লাভ কৰে।^১১১২ ১৬ জুলাই, ২০২৩-ত ভাৰতৰ বিপক্ষে আক্তাৰৰ এদিনীয়া আন্তৰ্জাতিক ক্ৰিকেটত অভিষেক ঘটে। ^১৩ কিন্তু এপেণ্ডিচাইটিছৰ বিষৰ বাবে তেওঁ বেটিং কৰিব পৰা নাছিল।[[^১৪

২০২৩ চনৰ আগষ্ট মাহত আক্তাৰে ২০২২ এছিয়ান গেমছৰ বাবে বাংলাদেশ দললৈ নিৰ্বাচিত হয়।^১৫ সেই প্ৰতিযোগিতাত তেওঁ ব্ৰঞ্জৰ পদক বিজয়ী বাংলাদেশ দলৰ অংশ আছিল।^১৬১৭

২০২৩ চনৰ অক্টোবৰ মাহত তেওঁ পাকিস্তানৰ বিৰুদ্ধে টি-টুৱেণ্টি চিৰিজত অল ৰাউণ্ডাৰ হিচাপে খেলে আৰু বাংলাদেশক পাকিস্তানৰ বিৰুদ্ধে প্ৰথম টি-টুৱেণ্টি চিৰিজ জয়লাভ কৰাৰ ক্ষেত্ৰত সহায় আগবঢ়ায়।^১৮ ২০২৩ চনৰ ৩ ডিচেম্বৰত বাংলাদেশে দক্ষিণ আফ্ৰিকা ভ্ৰমণ কৰাৰ সময়ত দক্ষিণ আফ্ৰিকাৰ বিৰুদ্ধে টি-২০ত প্ৰথমবাৰৰ বাবে তেওঁ মেইডেন পাঁচ উইকেট (৪ অভাৰত ৫/২৮) লাভ কৰে।^{১৯২০২১}

২০২৪ চনৰ আই চি চি মহিলা টি-২০ বিশ্বকাপৰ বাবে বাংলাদেশ দলত আক্তাৰে স্থান লাভ কৰে।^২২