সুশীল কৌৰ

চৰ্দাৰনী বিবি সুশীল কৌৰক মাতা সুশীল কৌৰ বুলিও কোৱা হয়৷ জন্ম তাৰিখ অজ্ঞাত৷ তেওঁৰ মৃত্যু হয় ১৭১৬ চনত৷ তেওঁ প্ৰথম শিখ ৰাজ্য প্ৰতিষ্ঠা কৰা শিখ সেনা জেনেৰেল বান্দা সিং বাহাদুৰৰ পত্নী আৰু তেওঁ একমাত্ৰ পুত্ৰ অজয় সিঙৰ মাতৃ।^১ সুশীল কৌৰ চাম্বাৰ মহাৰাজা উদয় সিংহৰ একমাত্ৰ কন্যা আছিল।

প্ৰাৰম্ভিক জীৱন আৰু বিবাহ

সুশীল কৌৰৰ জন্ম হৈছিল চাম্বাৰ ৰজা মহাৰাজা উদয় সিঙৰ ঘৰত, ৰাজকুমাৰী সুশীল কানৱাৰ নামেৰে। সেই সময়ৰ আন আন ৰাজকুমাৰীসকলৰ দৰেই তেৱোঁ তৰোৱাল যুদ্ধ, অশ্বাৰোহণৰ লগতে কলা আৰু শিল্পৰ প্ৰশিক্ষণ লাভ কৰিছিল; তেওঁ চাম্বা ৰুমালৰ এম্ব্ৰয়ডাৰী হস্তশিল্পত তেওঁ পাকৈত আছিল।^২ তেওঁৰ পৰিচিত শাৰীৰিক আৰু ব্যক্তিগত বৈশিষ্ট্যসমূহে তেওঁ অত্যন্ত সুন্দৰী, ৰূপৱতী আৰু মনোমোহা শৰীৰৰ আছিল বুলি বুজা যায়।^৩ মেক্স আৰ্থাৰ মেক'লিফে তেওঁক "প্ৰেমৰ দেৱী" বুলি বৰ্ণনা কৰিছে।^৪৩

মহাৰাজা উদয় সিঙে বান্দা সিংহক চাম্বালৈ নিমন্ত্ৰণ কৰি আনে আৰু ভাতৃ লক্ষ্মণ সিঙে দিয়া পৰামৰ্শ অনুসৰি তেওঁৰ আগত বৈবাহিক সম্পৰ্কৰে মিত্ৰতাৰ প্ৰস্তাৱ দিয়ে।^৩ বান্দা সিঙে এই কথাত সন্মতি প্ৰকাশ কৰে আৰু ১৭১১ চনৰ মাৰ্চ মাহত তেওঁৰ ৰাজকুমাৰীৰ সৈতে বিয়াখন অনুষ্ঠিত হয়।^৫ “সহজধাৰী’’ হিচাপে ডাঙৰ-দীঘল হৈ ৰাজকুমাৰী চাম্বাই বান্দা সিংহৰ সৈতে বিবাহপাশত আৱদ্ধ হোৱাৰ লগে লগে সুশীল কৌৰ হৈ পৰে।^৬৭ ১৭১২ চনত তেওঁলোকৰ পুত্ৰ অজয় সিংহৰ জন্ম হয়।^৮

গুৰুদাস নংগলৰ কব্জা আৰু বন্দীত্ব

সুশীল কৌৰ আৰু তেওঁৰ কেঁচুৱা পুত্ৰৰ সৈতে বান্দা সিঙে সৈন্যৰ সৈতে গুৰদাস নংগললৈ যোৱাৰ সময়ত তেওঁৰ লগত গৈছিল।^৯ শিখসকলে ৮ মাহ ধৰি দুৰ্গটো ৰক্ষা কৰিছিল যদিও অৱশেষত ১৭১৫ চনৰ ৭ ডিচেম্বৰত মোগল সেনাই আব্দ আল-ছামাদ খানৰ অধীনত দুৰ্গটো ঘেৰাও কৰি বান্দা সিং, সুশীল কৌৰ আৰু পুত্ৰ অজয়ৰ সৈতে অন্য শিখসকলক বন্দী কৰি লৈ যায়।^১০১১ বান্দা সিঙক লোহাৰ পিঞ্জৰাত আৱদ্ধ কৰা হৈছিল আৰু বাকী শিখসকলক শিকলিৰে বান্ধি দিল্লীলৈ লৈ যোৱা হৈছিল।^১২ দিল্লীত সুশীল কৌৰক স্বামী আৰু পুত্ৰৰ পৰা পৃথক কৰি কাৰাগাৰলৈ লৈ যোৱা হৈছিল।^১৩ কিন্তু তেওঁক যিমানেই ধন-সম্পত্তিৰ প্ৰলোভন দিয়া নহওক কিয়, ঠিক আন আন শিখ বন্দীসকলৰ দৰেই তেৱোঁ নিজৰ দৃঢ় বিশ্বাসৰ ওপৰত স্থিৰ হৈ থাকিল৷ ৭ দিনত প্ৰতিটো দিনতেই ১০০ জনকৈ শিখ সৈনিকক দুৰ্গৰ পৰা উলিয়াই আনি ৰাজহুৱা স্থানত নিৰ্মম ভাৱে হত্যা কৰা হৈছিল।^১৪ ১৭১৬ চনৰ ৯ জুনত তেওঁৰ চাৰি বছৰীয়া পুত্ৰ অজয় আৰু স্বামী বান্দা সিঙক নিষ্ঠুৰভাৱে মৃত্যুদণ্ড দিয়া হয়। অজয় সিঙৰ কলিজাটো ঘুকুটি পেলোৱা হৈছিল আৰু পিতৃৰ কোলালৈ দলিয়াই দিয়া হৈছিল। বান্দা সিঙৰ শৰীৰৰ অংগ-প্ৰত্যংগত আঘাত কৰি, চকু উলিয়াই, ছাল বখলিয়াই, অংগ কাটি আৰু তাৰ পিছত মূৰটো কাটি পেলোৱাৰ সময়তে অজয় সিঙৰ পিতৃৰ কোলাত মৃত্যু হয়।^১৫ শেহতীয়া গৱেষণা আৰু ৰয়েল চাম্বা পৰিয়ালত মজুত থকা তথ্যত উল্লেখ আছে যে, ১৭১৬ চনৰ ২০ জুন মাহত স্বামী আৰু পুত্ৰক নিষ্ঠুৰভাৱে মৃত্যুদণ্ড দিয়াৰ পিছত সুশীল কৌৰে নিজে আত্মহত্যা কৰিছিল। দৰবাৰৰ সাংবাদিক মহম্মদ ছুফীৰ মতে, তেওঁ নিজকে ছুৰীৰে আঘাত কৰি হত্যা কৰিছিল।