সাতপখলী

সাতপখলী (Satpakhali) অসমৰ কামৰূপ জিলাৰ পলাশবাৰী সমষ্টিৰ অন্তৰ্গত এখন আদৰ্শ গাঁও।^১ ২০১৪ চনত গুৱাহাটী লোকসভা সমষ্টিৰ তেতিয়াৰ সাংসদ বিজয়া চক্ৰৱৰ্তীয়ে সাংসদ আদৰ্শ গ্ৰাম যোজনাৰ অধীনত সাতপখলীক এখন আদৰ্শ গাঁও হিচাপে নিৰ্বাচন কৰে।^২ জনশ্ৰুতিমতে, গাঁওখনৰ দক্ষিণে বৰভিঠা নামেৰে ঠাইত সাতটা পখলী আছিল। সেই পখলী সাতোটাৰ নাম অনুসৰি গাঁওখনৰ নাম সাতপখলী হয়।^৩ ২০১১ চনৰ লোকপিয়ল অনুসৰি গাঁওখনৰ মুঠ পৰিয়ালৰ সংখ্যা ৯৪৬ আৰু মুঠ জনসংখ্যা ৪,৫৯৭ জন। মুঠ জনসংখ্যাৰ ২৫.২১ শতাংশ অনুসূচীত জাতি আৰু ০.০৭ শতাংশ অনুসূচীত জনজাতিৰ অন্তৰ্গত। সাক্ষৰতাৰ হাৰ ৮১.১৬ শতাংশ।^৪ গাঁওখনৰ মুঠ মাটিকালি ৩৭৬.৯২ হেক্টৰ।^১