সমাপ্তি চেটাৰ্জী

সমাপ্তি চেটাৰ্জী (Samapti Chatterjee, জন্ম ১৩ ডিচেম্বৰ ১৯৫৮) পশ্চিমবংগ, ভাৰতৰ কলকাতা উচ্চ ন্যায়ালয়ৰ প্ৰাক্তন ন্যায়াধীশ। বিধাননগৰ, পশ্চিমবংগৰ মেয়ৰৰ বিৰুদ্ধে গৃহীত হোৱা শুনানিৰ সময়ত তেওঁ জনসাধাৰণৰ দৃষ্টি আকৰ্ষণ কৰে, যাৰ ফলত তেওঁ চৰকাৰী অধিবক্তাৰ দ্বাৰা অস্থায়ী বৰ্জনৰ সন্মুখীন হয়।^১

জীৱন

চেটাৰ্জীয়ে গোখলে মেম’ৰিয়েল কলেজৰ পৰা কলা স্নাতক আৰু কলকাতা বিশ্ববিদ্যালয়ৰ পৰা আইনৰ ডিগ্ৰী লাভ কৰে।^২

কৰ্মজীৱন

১৯৮৫ চনত চেটাৰ্জীয়ে পশ্চিম বংগৰ বাৰ কাউন্সিলত নামভৰ্তি কৰে আৰু কলকাতা উচ্চ ন্যায়ালয়, লগতে অন্যান্য আদালত আৰু ন্যায়াধিকৰণত আইন চৰ্চা কৰে। ২০১৩ চনৰ ৩০ অক্টোবৰত কলিকতা উচ্চ ন্যায়ালয়ৰ অতিৰিক্ত ন্যায়াধীশ হিচাপে নিযুক্তি দিয়া হয়, আৰু ২০১৬ চনৰ ১৪ মাৰ্চত তেওঁৰ নিযুক্তি স্থায়ী কৰা হয়।^২

২০১৪ চনত চেটাৰ্জীৰ বাহনখন যান-জঁটত অটোৰিক্সায়ে খুন্দা মাৰে। চালকজনৰ বিৰুদ্ধে আৰক্ষীয়ে এজাহাৰ দাখিল কৰে যদিও কলিকতা উচ্চ ন্যায়ালয়ত নিজৰ ব্যক্তিগত চেম্বাৰত চালকজনক হাজিৰ কৰিবলৈও আৰক্ষীক নিৰ্দেশ দিয়ে। তেওঁ কলকাতা আৰক্ষীক চালকজনৰ বিৰুদ্ধে কিছুমান ব্যৱস্থা ল’বলৈ নিৰ্দেশ দিলে, কিন্তু আৰক্ষীয়ে আইন অনুসৰি জামিনত চালকজনক মুকলি কৰি দিলে।^৩৪

২০১৯ চনৰ জুলাই মাহত চেটাৰ্জীয়ে বিধাননগৰৰ মেয়ৰ সব্যসাচী দত্তৰ বিৰুদ্ধে জাৰি কৰা অবিশ্বাসৰ প্ৰস্তাৱৰ জাননীৰ বৈধতা সম্পৰ্কীয় এটা গোচৰ শুনানি গ্ৰহণ কৰে। শুনানিৰ সময়ত চেটাৰ্জীয়ে ভাৰতীয় জনতা পাৰ্টী আৰু তৃণমূল কংগ্ৰেছৰ মাজত ৰাজনৈতিক হিংসাৰ বিষয়টো উত্থাপন কৰি তৃণমূল কংগ্ৰেছক সমালোচনা কৰে। ইয়াৰ উত্তৰত চেটাৰ্জীৰ অধিবক্তাই তেওঁক ন্যায়াধীশ হিচাপে নিযুক্তি দিয়াৰ ওপৰত প্ৰশ্ন উত্থাপন কৰে, আৰু আৰ্থিক অনিয়মৰ সম্ভাৱনাৰ পৰামৰ্শ দিয়ে। এই অভিযোগ চেটাৰ্জীয়ে অস্বীকাৰ কৰে৷ পিছত অধিবক্তাগৰাকীয়ে ব্যক্তিগতভাৱে চেটাৰ্জীৰ এই মন্তব্যৰ বাবে ক্ষমা বিচাৰিলে। এই কথা-বতৰা ৰাষ্ট্ৰীয় সংবাদ মাধ্যমত বহুলভাৱে প্ৰকাশ পাইছিল।^১৫৬ শুনানিৰ সময়ছোৱাত পশ্চিম বংগ চৰকাৰক প্ৰতিনিধিত্ব কৰা কেইবাজনো অধিবক্তাই তেওঁৰ আদালত বৰ্জন কৰে যদিও অৱশেষত বৰ্জন বাতিল কৰা হয়।^৭৮৯ অৱশেষত চেটাৰ্জীয়ে অনাস্থা প্ৰস্তাৱটো অবৈধভাৱে গৃহীত হোৱা বুলি ধৰি লৈ বাতিল কৰাৰ ৰায় দিয়ে।^১০১১তেওঁ ১২ ডিচেম্বৰ ২০২০ তাৰিখে অৱসৰ গ্ৰহণ কৰিছিল।