সন্দলী সিংহ

সন্দলী সিংহ (ইংৰাজী ভাষা: Sandali Sinha; জন্ম: ১১ জানুৱাৰী ১৯৭৩) এগৰাকী প্ৰাক্তন ভাৰতীয় বলিউড অভিনেত্ৰী আৰু মডেল। ২০০১ চনৰ ৰোমাণ্টিক ছবি তুম বিনত পিয়া চৰিত্ৰত কৰা অভিনয়ৰ বাবে তেওঁ বিশেষভাৱে পৰিচিত।^১ হিন্দী ভাষাৰ উপৰিও তেওঁ তেলুগু ভাষা চলচ্চিত্ৰ ওৰে পাণ্ডুত অভিনয় কৰিছে।

প্ৰাৰম্ভিক জীৱন

তেওঁৰ পিতৃ এজন বিষয়া আছিল আৰু কৰ্তব্যৰত অৱস্থাতে তেওঁৰ মৃত্যু হৈছিল। তেওঁৰ মাতৃয়ে দিল্লীত সন্দলীসহ তিনিটা সন্তানক ডাঙৰ-দীঘল কৰিছিল। তেওঁ এয়াৰ ফৰ্চ বাল ভাৰতী স্কুলৰপৰা স্কুলীয়া শিক্ষা সমাপ্ত কৰে আৰু দিল্লীৰ জিছাছ এণ্ড মেৰী কলেজৰপৰা স্নাতক ডিগ্ৰী লাভ কৰে। সিংহই কিশোৰ নামিত কাপুৰ এক্টিং ইনষ্টিটিউটত অভিনয় শিকিছিল। পাইলট আৰু চিকিৎসকৰ পৰিয়ালত জন্মগ্ৰহণ কৰা সিংহ এগৰাকী চিকিৎসক হোৱাৰ প্ৰতি আগ্ৰহী আছিল। কিন্তু এটা এমেচাৰ ফেশ্বন শ্ব’ত অংশ লোৱাৰ অভিজ্ঞতাই তেওঁক মডেলিং জগতলৈ আকৰ্ষিত কৰে।^২

কেৰিয়াৰ

বাণিজ্য শাখাৰ স্নাতক সিংহই উন্নত সুযোগৰ সন্ধানত মুম্বাইলৈ স্থানান্তৰিত হয়। কম সময়ৰ ভিতৰতে তেওঁ এগৰাকী মডেল হিচাপে পৰিচিত হয়।^৩ অনুভৱ সিংহৰ পৰিচালনাত নিৰ্মিত সোনু নিগমৰ মিউজিক ভিডিঅ' "দীৱানা"ৰ জৰিয়তে তেওঁ প্ৰথম জনপ্ৰিয়তা লাভ কৰে। এই মিউজিক ভিডিঅ’টোৱে তেওঁক অনুভৱ সিংহৰ পৰিচালনাত নিৰ্মিত প্ৰথম ছবি তুম বিনত অভিনয়ৰ সুযোগ দিলে। এই ছবিত সিংহই পিয়া নামৰ এগৰাকী নিৰ্দোষী মহিলাৰ চৰিত্ৰত অভিনয় কৰিছিল।

ব্যক্তিগত জীৱন

সিংহই ২০০৫ চনৰ নৱেম্বৰ মাহত ব্যৱসায়ী কিৰণ ছালাস্কাৰৰ সৈতে বিবাহপাশত আবদ্ধ হয় আৰু তেওঁলোকৰ দুটি সন্তান আছে।^৪৫৬৭

চলচ্চিত্ৰপঞ্জী

টেলিভিছন

চলচ্চিত্ৰ

বাহ্যিক সংযোগ

• সন্দলী সিংহ SeasonsIndia.com ত