শ্ৰীজনা ৰেগ্মী

শ্ৰীজনা ৰেগ্মী (श्रीजना रेग्मी) (জন্ম: ২৮ ডিচেম্বৰ ১৯৯২) এগৰাকী নেপালী গায়িকা-গীতিকাৰ, মডেল, আৰু অভিনেত্ৰী।^১ তেওঁ মিছ নেপাল ২০১৬ প্ৰতিযোগিতাত শীৰ্ষ পাঁচজন ফাইনেলিস্টৰ অন্যতম আছিল আৰু মিছ গ্ৰেণ্ড ইণ্টাৰনেচনেল ২০১৪-ত নেপালক প্ৰতিনিধিত্ব কৰিছিল।^২

শ্ৰীজনাই কাঠমাণ্ডু কলেজ অফ মেনেজমেণ্টৰ পৰা ব্যৱসায় শিক্ষাত স্নাতক ডিগ্ৰী লাভ কৰিছিল।^৩

কৰ্মজীৱন

শ্ৰীজনাই ২০ বছৰ বয়সত মডেলিং আৰম্ভ কৰিছিল, যেতিয়া তেওঁ প্ৰথমবাৰৰ বাবে "The Joy Papaya Glam Hunt" প্ৰতিযোগিতাত অংশগ্ৰহণ কৰিছিল আৰু মুখ্য খিতাপ জয় কৰিছিল। তাৰ পিছত তেওঁ নেপালৰ হৈ মিছ গ্ৰেণ্ড ইণ্টাৰনেচনেল ২০১৪-ত সুখোথাই, থাইলেণ্ডত প্ৰতিযোগিতা কৰিছিল।^৪৫

শ্ৰীজনাই নেপাল ফেশ্বন উইকত ২০১৪-২০১৬ লৈকে ৰেম্পত খোজ দিছিল আৰু "Wave", "Nari", "Navyata", "TNM Magazine", "Movers & Shakers Nepal" আদি নেপালী ফেশ্বন আলোচনীত উপস্থিত হৈছিল।^৬

সংগীত

অক্টোবৰ ২০২৩ লৈকে তেওঁৰ প্ৰথম সংগীত এলবাম "Dreams Under A Rhododendron Tree"ৰ তিনিটা গীত মুক্তি দিয়া হৈছে।^৭ তেওঁ ইউটিউব আৰু স্পটিফাইযোগে সংগীত মুক্তি দিয়ে।

বাহ্যিক সংযোগ

• ৰাষ্ট্ৰীয় মিছ নেপাল ৱেবচাইট
• "Dreams Under A Rhododendron Tree" এলবাম

তথ্যসূত্ৰ

• "Asmi Shrestha won Miss Nepal 2016" Lagatar.com. Retrieved 8 April 2016.