লীতুল গগৈ

মেজৰ লীতুল গগৈ ভাৰতীয় সেনাৰ এগৰাকী বিষয়া, যিয়ে জম্মু আৰু কাশ্মীৰত সংঘটিত দুটা বিতৰ্কিত ঘটনাৰ পিছত ব্যাপকভাৱে চৰ্চিত হৈছে। তেওঁ ২০১৭ চনৰ মানৱ ঢালৰ ঘটনা আৰু ২০১৮ চনৰ এটি হোটেল-ঘটনাত জড়িত আছিল, য'ত এজন অপ্ৰাপ্তবয়স্ক কাশ্মীৰী ছোৱালী যোগদান কৰিছিল বুলি অভিযোগ উঠিছিল।^১২৩

কৰ্মজীৱন

মেজৰ লীতুল গগৈৰ জন্ম গুৱাহাটী, অসমত। তেওঁ ভাৰতীয় সেনাত যোগদান কৰি ৰাষ্ট্ৰীয় ৰাইফলচ বিভাগত সেৱা আৰম্ভ কৰে।^৪ ২০১৭ চনৰ মানৱ সৰবৰাহ ঘটনাৰ লগত তেওঁ জড়িত থকাৰ কথাই সংবাদ-মাধ্যমত ব্যাপকভাৱে আলোচনা সৃষ্টি কৰিছিল। ভোট গ্ৰহণৰ সময়ত শিলগুটি নিক্ষেপ ৰোধ কৰিবলৈ ফাৰুক আহমেদ ডাৰ নামৰ এজন সাধাৰণ নাগৰিকক জীপৰ আগত বান্ধি ঘূৰাই নিয়া হৈছিল। এই কাৰ্যৰ বাবে তেওঁ সেনা মুখ্য জেনাৰেল বিপিন ৰাৱতৰপৰা প্ৰশংসাপত্ৰ লাভ কৰিছিল।^৫৬

২০১৭ চনৰ কাশ্মীৰৰ উপ-নিৰ্বাচনৰ সময়ত ৰক্তপাত নোহোৱাকৈ জটিল পৰিস্থিতি চম্ভালি লোৱাৰ বাবে তেওঁক প্ৰশংসা কৰাৰ বিপৰীতে মানৱ অধিকাৰ কৰ্মী আৰু বিচ্ছিন্নতাবাদীসকলেও তেওঁক সমালোচনা কৰিছিল। ২০১৭ চনৰ ২২ মে'ত মেজৰ গগৈক "সন্ত্ৰাসবাদ বিৰোধী অভিযানত অবিৰত প্ৰচেষ্টা"ৰ বাবে তেওঁক সেনাবাহিনীৰ মুৰব্বী প্ৰশংসা কাৰ্ড প্ৰদান কৰা হয়। এই পদকটো সেনাধ্যক্ষই নিজেই প্ৰদান কৰে। কিছুদিন পূৰ্বে সেনাই মানৱ ঢালৰ গোচৰৰ তদন্ত সম্পূৰ্ণ কৰি তদন্তৰ পিছত মেজৰ লিতুল গগৈক সন্মান জনোৱাৰ সিদ্ধান্ত লয়। তেওঁ এই পদক লাভ কৰে। মেজৰ গগৈ এগৰাকী সেনা সেৱা কৰ্পছৰ বিষয়া। তেওঁ জম্মুৰ ৫৩ নং ৰাষ্ট্ৰীয় ৰাইফলছত পোষ্ট কৰিছে৷ মেজৰ গগৈ অসমৰ আহোম জনগোষ্ঠীৰ অন্তৰ্গত, যাক অত্যন্ত সাহসী, নিৰ্ভীক, আৰু গৌৰৱান্বিত বুলি গণ্য কৰা হয়। পঞ্জাৱৰ মুখ্যমন্ত্ৰী কেপ্তেইন অমৰিন্দৰ সিঙে সেনা প্ৰধানৰ এই সিদ্ধান্তক তীব্ৰ আদৰণি জনায় আৰু প্ৰাক্তন জেনেৰেল ভি.পি. মালিকে মেজৰ গগৈৰ সাহস আৰু দূৰদৰ্শিতাৰ প্ৰশংসা কৰে।

মানৱ ঢালৰ ঘটনা

২০১৭ চনৰ এপ্ৰিল মাহত অনুষ্ঠিত উপ-নিৰ্বাচনত মেজৰ গগৈ এজন সাধাৰণ নাগৰিক ফাৰুক আহমেদ ডাৰক সামৰিক জীপৰ আগত বান্ধি বিভিন্ন গাঁৱে ঘূৰাই নিয়াৰ ঘটনাত জড়িত আছিল।^৭৮ ভিডিঅ’টো ভাইৰেল হোৱাৰ পিছত ঘটনা আন্তৰ্জাতিক স্তৰতেও সমালোচিত হয়।^৯ তথাপি সেনাই তেওঁৰ পদক্ষেপক সমৰ্থন কৰে, আৰু জেনাৰেল ৰাৱতে এক “উদ্ভাৱনীমূলক” কৌশল বুলি অভিহিত কৰিছিল।^১০

অপ্ৰাপ্তবয়স্ক সম্বন্ধীয় হোটেল ঘটনা

২০১৮ চনৰ মে' মাহত মেজৰ লীতুল গগৈ কাশ্মীৰৰ শ্ৰীনগৰস্থিত এটা হোটেলত এজনী ১৭বছৰীয়া কাশ্মীৰী ছোৱালীৰ সৈতে উপস্থিত হোৱা পিছত আৰক্ষীয়ে তেওঁক আটক কৰে।^{১১১২১৩} তদন্তত প্ৰকট হয় যে মেজৰ গগৈ ফেইচবুকত ‘‘উবাইদ আৰমান’’ নামৰ মুছলিম পৰিচয় ব্যৱহাৰ কৰি ছোৱালীজনীৰ সৈতে যোগাযোগ কৰিছিল, আৰু তেওঁৰ সৈতে অন্য এজন সৈনিক সামিৰ মাল্লাও উপস্থিত আছিল।^১৪১৫ পাছত আৰক্ষীয়ে কৈছিল যে ছোৱালীজনী ১৯ বছৰীয়া; যদিও তেওঁৰ পিতৃ-মাতৃয়ে তেওঁক অপ্ৰাপ্তবয়স্ক বুলি দাবী কৰিছিল।^১৬১৭