যুক্তি থৰেজা

যুক্তি থৰেজা (ইংৰাজী ভাষা: Yukti Thareja; জন্ম: ৫ জানুৱাৰী ২০০২) এগৰাকী ভাৰতীয় মডেল আৰু অভিনেত্ৰী। ২০১৯ চনত তেওঁ এমটিভি ছুপাৰমডেল অফ দ্য য়েৰ নামৰ ৰিয়েলিটি শ্ব’ত অংশগ্ৰহণ কৰিছিল।^১ ইয়াৰ উপৰি তেওঁ ৰংগাবলী (২০২৩) আৰু মাৰ্কো (২০২৪) বোলছবিত অভিনয় কৰিছে।^২৩

প্ৰাৰম্ভিক জীৱন

থৰেজাৰ জন্ম ২০০২ চনৰ ৫ জানুৱাৰীত হৈছিল। দিল্লীৰ শ্ৰী গুৰু গোবিন্দ সিং কলেজ অফ কমাৰ্চৰপৰা স্নাতক ডিগ্ৰী লাভ কৰি থকাৰ সময়তে তেওঁ "অ’প’ দিল্লী টাইমছ ফ্ৰেছ ফেচ ২০১৭"ৰ জৰিয়তে মডেলিং কেৰিয়াৰ আৰম্ভ কৰিছিল।^৪৫

কৰ্মজীৱন

২০১৯ চনত তেওঁ এমটিভি ছুপাৰমডেল অফ দ্য য়েৰত অংশগ্ৰহণ কৰিছিল,^৬ য’ত তেওঁ চতুৰ্থ স্থান লাভ কৰি প্ৰতিযোগিতাৰপৰা বাহিৰ হৈছিল।^১ ২০২০ চনত তেওঁ এমটিভি এছ দ্য কোৱাৰেণ্টাইনত অংশ লয়।^৭ ২০২১ চনত জুবিন নৌটিয়ালে কণ্ঠদান কৰা টি-চিৰিজৰ সংগীত ভিডিঅ’ "লুট গয়ে"ত থৰেজা ইমৰাণ হাছমীৰ বিপৰীতে অভিনয় কৰে।^৮ এই ভিডিঅ’টোৱে ইউটিউবত ১.১ বিলিয়নতকৈও অধিক দৰ্শন (views) লাভ কৰিছে।^৯

২০২৩ চনত তেওঁ নগা সৌৰ্যৰ বিপৰীতে ৰংগাবলী বোলছবিৰ জৰিয়তে তেলেগু চলচ্চিত্ৰ জগতত আত্মপ্ৰকাশ কৰে।^১০ সেই একে বছৰতে তেওঁক নন্দমুৰী কল্যাণ ৰামৰ অভিনীত ডেভিল: দ্য ব্ৰিটিছ ছিক্ৰেট এজেণ্টৰ মুখ্য অভিনেত্ৰী হিচাপে নিৰ্বাচিত কৰা হৈছিল। পিছলৈ তেওঁৰ ঠাইত সংযুক্তা মেননক কাষ্ট কৰা হয়।^১১

২০২৪ চনত তেওঁ উন্নি মুকুন্দনৰ বোলছবি মাৰ্কোৰ সৈতে জড়িত হয় আৰু ইয়াৰ জৰিয়তে মালয়ালম চলচ্চিত্ৰ জগতত খোজ পেলায়।^১২ এইখন তেওঁৰ সৰ্বাধিক উপাৰ্জনকাৰী ছবি হিচাপে পৰিগণিত হয়।^১৩ ২০২৫ চনত তেওঁক জিঅ’হটষ্টাৰৰ সংগীতমণ্ডিত ড্ৰামা ছিৰিজ হ্যেয় জুনুন! ড্ৰিম. ডেয়াৰ. ডমিনেট.ত দেখা যায়।^১৪ একে বছৰতে তেওঁ কিৰণ আব্বাভৰমৰ বিপৰীতে কে-ৰেম্প নামৰ এখন ৰোমাণ্টিক কমেডী ছবিত অভিনয় কৰে।^১৫

থৰেজাৰ আগন্তুক তেলেগু বোলছবিসমূহৰ ভিতৰত দীক্ষিত চেট্টীৰ বিপৰীতে কিং জেকী কুইন আৰু নিখিল কুমাৰস্বামীৰ বিপৰীতে এখন নাম স্থিৰ নোহোৱা ছবি উল্লেখযোগ্য।^১৬১৭