মোহনা সিং জিতৰৱাল

স্কোয়াড্ৰন নেত্ৰী মোহনা সিং জিতাৰৱাল (Mohana Singh Jitarwal; জন্ম ২২ জানুৱাৰী ১৯৯২) ভাৰতৰ প্ৰথম মহিলা যুঁজাৰু পাইলটসকলৰ ভিতৰত অন্যতম।^১২৩ তেওঁৰ দুজন দল ভাৱনা কান্থ আৰু অৱনী চতুৰ্বেদীৰ সৈতে তেওঁক প্ৰথম মহিলা যুদ্ধ পাইলট হিচাপে ঘোষণা কৰা হয়। তিনিওগৰাকী মহিলা পাইলটকে ২০১৬ চনৰ জুন মাহত ভাৰতীয় বায়ুসেনাৰ যুঁজাৰু স্ক্ৱাড্ৰনত অন্তৰ্ভুক্ত কৰা হয়। ভাৰত চৰকাৰে পৰীক্ষামূলক ভিত্তিত ভাৰতীয় বায়ুসেনাত মহিলাসকলৰ বাবে যুঁজাৰু বিমানৰ ধাৰা মুকলি কৰাৰ সিদ্ধান্ত লোৱাৰ পিছত এই তিনিগৰাকী মহিলাক প্ৰথমে এই কাৰ্যসূচীৰ বাবে নিৰ্বাচিত কৰা হয়।^৪

জীৱনী

মোহনা সিঙে নতুন দিল্লীৰ দ্য এয়াৰ ফৰ্চ স্কুল আৰু পঞ্জাৱৰ গ্ল'বেল ইনষ্টিটিউট অৱ মেনেজমেণ্ট এণ্ড ইমাৰ্জিং টেকন'লজিছ, অমৃতসৰৰ পৰা ইলেক্ট্ৰনিক্স এণ্ড কমিউনিকেচনত বিটেক সম্পূৰ্ণ কৰে। তেওঁৰ দেউতাক মাষ্টাৰ ৱাৰেণ্ট অফিচাৰ প্ৰতাপ সিং (অৱসৰপ্ৰাপ্ত) ভাৰতীয় বায়ুসেনাৰ এজন সেৱা আগবঢ়োৱা জোৱান আৰু মাতৃ মঞ্জু সিং এগৰাকী শিক্ষয়িত্ৰী।^৫ মোহনাই ৰোলাৰ স্কেটিং, বেডমিণ্টন আৰু গায়ন আৰু চিত্ৰকলাৰ দৰে অন্যান্য কাৰ্য্যকলাপৰ প্ৰতি আকৰ্ষিত আছিল।^৬

কৰ্মজীৱন

২০১৯ চনৰ জুন মাহত তেওঁ ভাৰতীয় বায়ুসেনাৰ প্ৰথমগৰাকী মহিলা যুঁজাৰু পাইলট হিচাপে পৰিগণিত হয় যিয়ে বিদাৰ বায়ুসেনা ষ্টেচনত হক Mk.132 এডভান্স জেট ট্ৰেইনাৰৰ জৰিয়তে দিনত সম্পূৰ্ণৰূপে কাৰ্যক্ষম হৈ পৰে। ২০১৯ চনত এয়াৰ-টু-এয়াৰ আৰু এয়াৰ-টু-গ্ৰাউণ্ড দুয়োটা যুঁজৰ প্ৰশিক্ষণ লৈ হক Mk.132 ত ৩৮০ ঘণ্টাৰো অধিক সময় ধৰি অঘটনমুক্ত উৰণ সম্পূৰ্ণ কৰিছিল।^৭৮

ছিং ৩ নং স্কোয়াড্ৰন কব্ৰাৰ অংশ যিয়ে এন এ এল বায়ুসেনা ষ্টেচন, বিকানেৰত মিগ-২১ উৰুৱাইছে।^৯

বঁটা

২০২০ চনৰ ৯ মাৰ্চত ৰাষ্ট্ৰপতি ৰামনাথ কোবিন্দৰ দ্বাৰা নাৰী শক্তিৰ সন্মানেৰে সন্মানিত কৰা হয়।^১০১১