মোজেজা আশ্ৰফ মনালিছা

মোজেজা আশ্ৰফ মনালিছা (বঙালী ভাষা: মোজেজা আশব়ফ মোনালিসা; জন্ম: ৫ অক্টোবৰ ১৯৮৪) এগৰাকী বাংলাদেশী মডেল, অভিনেত্ৰী আৰু নৃত্যশিল্পী। তেওঁ ২০০০ চনত মিছ ফটোজেনিক খিতাপ লাভ কৰে। ২০০২ আৰু ২০০৭ চনত বাংলালিংক দেশ টু বিজ্ঞাপনত অভিনয় কৰাৰ বাবে তেওঁ দুইবাৰ Meril-Prothom Alo Awards-ৰ তাৰকা জৰিপত শ্ৰেষ্ঠ মহিলা মডেল হিচাপে পুৰস্কাৰ লাভ কৰে।^১

প্ৰাথমিক জীৱন

মনালিছাৰ জন্ম ১৯৮৪ চনৰ ৫ অক্টোবৰ তাৰিখে ঢাকাত হৈছিল।^২ তেওঁৰ পিতৃ আশ্ৰফ হোচেন আৰু মাতৃ মমতাজ বেগম। ১৯৯৯ চনত তেওঁৰ পিতৃ মৃত্যুবৰণ কৰে। তিনিগৰাকী ভগ্নীৰ মাজত মনালিছা আটাইতকৈ সৰু। তেওঁৰ ডাঙৰ দুইগৰাকী ভগ্নীৰ নাম মুনিৰা আৰু মাৰিয়া।^৩

কৰ্মজীৱন

মনালিছাৰ সংস্কৃতি জগতত পদাৰ্পণ হয় ১০ বছৰ বয়সত নৃত্য আৰু মডেলিংৰ জৰিয়তে। নৃত্যশিল্পী হিচাপে তেওঁ চৰকাৰী সফৰত তুৰস্কলৈ গৈছিল।^৪

মডেলিংত তাৰিক আনাম খান পৰিচালিত Fair & Lovely বিজ্ঞাপনৰ জৰিয়তে তেওঁ প্ৰথমে সকলোৰে দৃষ্টি আকৰ্ষণ কৰে।^৫

মডেলিংৰ উপৰি তেওঁ টেলিভিছন নাটকত অভিনয় আৰম্ভ কৰে। তেওঁৰ উল্লেখযোগ্য নাটকৰ ভিতৰত আছে বয়স যখন একুশ আৰু কাগজেৰ ফুল। পিছত তেওঁ হুমায়ূন আহমেদ পৰিচালিত তৃষ্ণা নাটকত অভিনয় কৰে।^৬

২০১১ চনত তেওঁ বাজি, একটু ভালোবাসা, বান্দুলুম, ৰোমিওৰা নাটক আৰু ধাৰাবাহিক নাটক অল ৰাউণ্ডাৰ আৰু ভালো থেকো ফুল মিষ্টি বকুলত অভিনয় কৰে।^৭

২০১২ চনত ঈদ উপলক্ষ্যে চম্পাকলি নাটকত অভিনয় কৰে আৰু সাগৰ জাহান পৰিচালিত সিকান্দাৰ বক্স এখন বিৰাট মডেল মিনি ধাৰাবাহিকত মোশাৰৰফ কৰিমৰ বিপৰীতে অভিনয় কৰে।^৮

তেওঁ মাহফুজ আহমেদৰ সৈতে Fizz Up বিজ্ঞাপনতো কাম কৰে।^৯

বিয়াৰ পাছত ২০১৩ চনত তেওঁ স্বামীৰ সৈতে নিউ ইয়ৰ্কলৈ যায়। তাত তেওঁ যুক্তৰাষ্ট্ৰ-ভিত্তিক বাংলা টেলিভিছন চেনেল Time Television-ত অনুষ্ঠান প্ৰধান হিচাপে কাম কৰে।^১০

তিনিবছৰ পাছত তেওঁ পুনৰ দেশলৈ উভতি আহি মডেলিং আৰু অভিনয়ত পুনৰ ব্যস্ত হৈ পৰে।^১১

ব্যক্তিগত জীৱন

২০১৮ চনৰ আগষ্ট মাহৰপৰা তেওঁ আমেৰিকা যুক্তৰাষ্ট্ৰত বাস কৰি আছে।

টেলিভিছন নাটক

• বাজি (২০১১)
• একটু ভালোবাসা (২০১১)
• বান্দুলুম (২০১১)
• ৰোমিওৰা (২০১১)
• অল ৰাউণ্ডাৰ (২০১১)
• ভালো থেকো ফুল মিষ্টি বকুল (২০১১)
• চম্পাকলি (২০১২)
• সিকান্দাৰ বক্স এখন বিৰাট মডেল (২০১২)
• অ্যাভাৰেজ আসলাম (২০১৬)
• ডিড সোলায়মান (২০১৬)
• চিৰকুট (২০১৬)
• মিষ্টাৰ পাৰফেকশনিষ্ট (২০১৬)
• আন্তৰ্জাতিক মামা (২০১৬)
• ফিনিক্স ফ্লাই (২০১৬)
• আমি তুমি ও সে (২০১৬)

পুৰস্কাৰ

• মিছ ফটোজেনিক (২০০০)
• BAEMA Awards
• Channel i Performance Award
• Meril-Prothom Alo Awards (২০০২, ২০০৭)
• Dhallywood Award
• Bangladesh Reporters Association Award