মুনীন বৰকটকীৰ প্ৰসঙ্গ সমালোচনা (গ্ৰন্থ)

মুনীন বৰকটকীৰ প্ৰসঙ্গ সমালোচনা অসমীয়া ভাষাৰ সমালোচনামূলক এখন গ্ৰন্থ৷ গ্ৰন্থখনত মুনীন বৰকটকীৰ সমালোচনামূলক কিছু প্ৰবন্ধৰ একত্ৰ কৰি প্ৰকাশ কৰা হৈছে৷ গ্ৰন্থখনৰ ভূমিকা লিখিছে নলিনীধৰ ভট্টাচাৰ্যই৷ প্ৰকাশক হৈছে-ষ্টুডেণ্টচ্ ষ্ট’ৰচ্, প্ৰথম প্ৰকাশকাল-ডিচেম্বৰ, ১৯৯৬৷ মূল্য ৫০ টকা৷ গ্ৰন্থখনত মুঠ ৬ টা অধ্যায়ত প্ৰবন্ধবোৰ ভাগ কৰা হৈছে আৰু সমগ্ৰ গ্ৰন্থখনত মুঠ ৩৫ টা প্ৰবন্ধ আছে৷ ^১ উল্লেখ্য যে মুনীন বৰকটকী আছিল অসমৰ এগৰাকী লেখক, সমালোচক। তেখেতে গল্প, কবিতা লিখিছে যদিও এজন সমালোচক হিচাবেহে তেওঁ পৰিচয় লাভ কৰিছে।^২ বৰকটকীয়ে অসমৰ স্থানীয় আৰু ৰাষ্ট্ৰীয় কাকতত নিয়মীয়া কলম লিখিছিল। বৰকটকী কেন্দ্ৰীয় চৰকাৰৰ তথ্য আৰু অঁনাতাৰ বিভাগৰ উৰ্দ্ধতন বিষয়া হিচাবে কৰ্মৰত আছিল আৰু ১৯৬৫ চনৰপৰা ১৯৭০ চনলৈ তেখেতে প্ৰেছ ইনফৰমেশ্যন ব্যুৰ' আৰু আকাশবাণীৰ বাৰ্তাবাহক ৰূপে কাৰ্যনিৰ্বাহ কৰিছিল। ^৩