মিৰিয়া লালাগুনা

মিৰিয়া লালাগুনা ৰয়ো (জন্ম: ২১ নৱেম্বৰ ১৯৯২) এগৰাকী স্পেনীছ ভাষা অভিনেত্ৰী, মডেল আৰু সৌন্দৰ্য ৰাণী। তেওঁ মিছ ৱৰ্ল্ড ২০১৫ ৰ মুকুট লাভ কৰিছিল আৰু মিছ ৱৰ্ল্ড খিতাপ জয় কৰা স্পেইনৰ প্ৰথমগৰাকী মহিলা হিচাপে পৰিগণিত হৈছিল। ইয়াৰ পূৰ্বে তেওঁ মিছ ৱৰ্ল্ড স্পেইন ২০১৫ হিচাপেও মুকুট পিন্ধিছিল।

প্ৰাৰম্ভিক জীৱন আৰু শিক্ষা

লালাগুনাৰ জন্ম ১৯৯২ চনৰ ২১ নৱেম্বৰত বাৰ্চিলোনাত হৈছিল। তেওঁ স্পেইনৰ বাৰ্চিলোনা বিশ্ববিদ্যালয়ৰপৰা ফাৰ্মাচী বিষয়ত স্নাতক আৰু স্নাতকোত্তৰ ডিগ্ৰী লাভ কৰিছিল। লালাগুনা কেটালান, স্পেনিছ, ফৰাচী আৰু ইংৰাজী ভাষাত সাৱলীল।^১২৩৪

কৰ্মজীৱন

লালাগুনাই ২০১৪ চনত সৌন্দৰ্য প্ৰতিযোগিতাত ভৰি দিছিল। তেওঁ মিছ আটলাণ্টিকো ইণ্টাৰনেচনেল ২০১৪ প্ৰতিযোগিতাত স্পেইনক প্ৰতিনিধিত্ব কৰিছিল আৰু অৱশেষত বিজয়ী ঘোষিত হৈছিল।^৫৬

মিছ ৱৰ্ল্ড স্পেইন

লালাগুনাই ২০১৫ চনৰ ২৪ অক্টোবৰত মালাগা চহৰত অনুষ্ঠিত মিছ ৱৰ্ল্ড স্পেইনৰ তৃতীয় সংস্কৰণত বাৰ্চিলোনাক প্ৰতিনিধিত্ব কৰিছিল।^৭ অনুষ্ঠানৰ শেষত তেওঁক পূৰ্বৰ খিতাপধাৰী লুৰ্ডেছ ৰড্ৰিগেজে মিছ ৱৰ্ল্ড স্পেইন ২০১৫ হিচাপে মুকুট পিন্ধায়।^৮

মিছ ৱৰ্ল্ড ২০১৫

লালাগুনাই ২০১৫ চনৰ ১৯ ডিচেম্বৰত চীনৰ ছানিয়াত অনুষ্ঠিত মিছ ৱৰ্ল্ড ২০১৫ প্ৰতিযোগিতাত স্পেইনক প্ৰতিনিধিত্ব কৰিছিল।^৯ চূড়ান্ত পাঁচ গৰাকীৰ মাজত স্থান পোৱাৰ পিছত তেওঁক সোধা হৈছিল, "আপুনি কিয় মিছ ৱৰ্ল্ড ২০১৫ জিকা উচিত বুলি ভাবিব?" ইয়াৰ উত্তৰত তেওঁ কৈছিল:

মই ভাবো মই পৰৱৰ্তী মিছ ৱৰ্ল্ড হোৱা উচিত কাৰণ মই শক্তিশালী মহিলাৰ ওপৰত বিশ্বাস কৰোঁ। লগতে, মই সদায় মোৰ শ্ৰেষ্ঠখিনি দিবলৈ চেষ্টা কৰোঁ। মই উদ্দেশ্যপূৰ্ণ সৌন্দৰ্যত বিশ্বাস কৰোঁ আৰু ইয়াৰ উত্তৰাধিকাৰী আগুৱাই নিব পাৰোঁ। মই বিশ্বক কেনেকৈ ভাল পাব লাগে আৰু ভগাই ল’ব লাগে, কেনেকৈ নিজৰ শ্ৰেষ্ঠখিনি দিব লাগে আৰু ইজনে সিজনক সহায় কৰাৰ মাজত কেনেকৈ সুখ বিচাৰি পাব লাগে তাক দেখুৱাব বিচাৰো।^১০১১

অনুষ্ঠানৰ শেষত দক্ষিণ আফ্ৰিকাৰ খিতাপধাৰী ৰোলিন ষ্ট্ৰাউছে লালাগুনাক মিছ ৱৰ্ল্ড ২০১৫ ৰ মুকুট পিন্ধায়। ১৯৫১ চনত প্ৰতিযোগিতাখন আৰম্ভ হোৱাৰ পিছত এয়া আছিল স্পেইনৰ বাবে প্ৰথমটো মিছ ৱৰ্ল্ড খিতাপ।^{১২১৩১৪}