মালাবাৰ জালুক

ভাৰতৰ কেৰালা ৰাজ্যৰ বৰ্তমানৰ মালাবাৰ অঞ্চলত পোৱা এবিধ ক’লা জালুকেই হৈছে মালাবাৰ জালুক। এই অঞ্চলত ইয়াৰ উৎপত্তি আকস্মিকভাবে এটা পুলিৰপৰা হৈছিল আৰু ই ৰোমান আৰু আৰব ব্যৱসায়ীসকলৰ সৈতে আৰু পিছলৈ ইউৰোপীয় নাৱিকসকলৰ সৈতে ব্যৱসায় কৰা মচলাবোৰৰ অন্যতম হৈ পৰিছিল।^১ এই জাতৰ জালুক উৎপাদনৰ ক্ষেত্ৰ মালাবাৰ উপকূল, পশ্চিম তামিলনাডু আৰু দক্ষিণ কৰ্ণাটক উল্লেখযোগ্য।^১

২০০৭–০৮ চনত ইয়াক ভৌগোলিক ইংগিতৰ প্ৰদানৰ কথা ঘোষণা কৰা হয়।^২ পঞ্জীয়নৰ বাবে ভাৰত চৰকাৰৰ বাণিজ্য আৰু উদ্যোগ মন্ত্ৰ্যালয়ৰ স্পাইচ ব'ৰ্ডে আবেদন কৰিছিল।^৩

বিৱৰণ

এই উদ্ভিদ (Piper nigrum) পাইপেৰাচিয়া পৰিয়ালৰ এবিধ ফুলৰপৰা হোৱা ফল, ইয়াৰ বাবে খেতি কৰা হয়। ফলটো পূৰঠ হ’লে সাধাৰণতে শুকুৱাই মচলা আৰু সোৱাদ হিচাপে ব্যৱহাৰ কৰা হয়। শুকুৱাই ল'লে জালুকৰ গুটি বুলি জনাজাত এই ফলটো পাঁচ মিলিমিটাৰ ব্যাসৰ সৰু ড্ৰুপ, সম্পূৰ্ণ পূৰ্ণবয়স্ক হ'লে গাঢ় ৰঙা, ইয়াত এটা গুটি থাকে।^৪ মালাবাৰ জালুকক দুটা গ্ৰেডৰ অধীনত ভাগ কৰা হয় যাক গাৰ্বলড আৰু অন-গাৰ্বলড বুলি জনা যায়। বিকৃত জাতটোৰ ৰং ক’লা প্ৰায় গোলাকাৰ আৰু ইয়াৰ পৃষ্ঠভাগ সোঁতোৰা-সোতৰ। অবিকৃত জাতটোৰ পৃষ্ঠভাগ সোঁতমোচ খোৱা আৰু ৰং গাঢ় বাদামীৰপৰা ক'লালৈকে হয়।^১