মায়া (২০০১ চনৰ চলচ্চিত্ৰ)

মায়া হৈছে ২০০১ চনৰ হিন্দী চলচ্চিত্ৰ, যাক দিগ্বিজয় সিঙে পৰিচালনা কৰিছিল। নিত্যা শেট্টী, মিতা বশিষ্ঠ, অনন্ত নাগ আৰু নিখিল য়াদৱে মুখ্য ভূমিকাত অভিনয় কৰিছিল।

কাহিনী

সঞ্জয় (নিখিল য়াদৱ) আৰু তেওঁৰ বাইদেউ মায়া (নিত্যা শেট্টী) দুয়োজনে এখন গাঁৱৰ ১২ বছৰীয়া নিস্পাপ ল’ৰা-ছোৱালী। তেওঁলোকে দিনটো খেলা-ধুলা, দুষ্টামি, আৰু মিঠাই চুৰি কৰি কটায়। সঞ্জয়ৰ মাক (মিতা বশিষ্ঠ) আৰু দেউতাকে (অনন্ত নাগ) তেওঁলোকক মৰমেৰে লালন-পালন কৰে, যদিও কেতিয়াবা নম্ৰভাৱে গালি দিয়ে। তেওঁলোকৰ জীৱন শান্ত আৰু সুখ-সমৃদ্ধ।

কিন্তু মায়াই কৈশোৰত ভৰিৰ লগে লগে তেওঁৰ জীৱন একেবাৰে সলনি হৈ পৰে। তেওঁ প্ৰথমবাৰৰ বাবে ঋতুমতী হোৱাত, পৰিয়ালৰ সকলোৱে তেওঁৰ জন্ম গাঁৱলৈ যায়, য’ত তেওঁৰ “কৈশোৰত উত্তৰণ” উপলক্ষে এটি গুপ্ত আচাৰ-পদ্ধতি সম্পন্ন হ’ব। মায়াই এই আয়োজনটোৰ অৰ্থ অলপ অলপ বুজিব পাৰে; তেওঁক কোৱা হয় যে এতিয়া তেওঁ শিশু নহয়, আৰু আগৰ দৰে সঞ্জয়ৰ সৈতে খেলিব নোৱাৰিব।

সঞ্জয়ে এই আকস্মিক পৰিবৰ্তন বুজিব নোৱাৰি, মায়াৰ পৰা দূৰ হোৱাৰ প্ৰতিবাদ কৰে। তাৰ ফলত তেওঁৰ দেউতাকে ক্ৰোধ প্ৰকাশ কৰে। অবশেষত, সেই বিশেষ দিনটো আহে, আৰু ভীত-সন্ত্ৰস্ত সঞ্জয়ৰ প্ৰচণ্ড প্ৰতিবাদ সত্ত্বেও, মায়াক সমাজৰ নিষ্ঠুৰ আচাৰৰ সম্মুখীন হ’ব লগা হয়, যি অত্যন্ত শিহৰণকাৰী।^১২৩

অভিনয়

• মায়াৰ চৰিত্ৰত নিত্যা শেট্টী
• মায়াৰ ভাতৃ সঞ্জয়ৰ চৰিত্ৰত নিখিল যাদৱ
• মায়াৰ পিতৃ অৰুণৰ চৰিত্ৰত অনন্ত নাগ
• মায়াৰ মাতৃ লক্ষ্মীৰ চৰিত্ৰত মিতা বশিষ্ঠ
• পুৰোহিতৰ চৰিত্ৰত বীৰেন্দ্ৰ ছাক্সেনা
• গণেশৰ চৰিত্ৰত মুকেশ ভাট
• মৃদুৰ চৰিত্ৰত শিল্পা নৱলকাৰ
• কেণ্ডিমেনৰ চৰিত্ৰত শ্ৰীচন্দ মাখিজা

বাহ্যিক সংযোগ

• Review at DVDTalk
• Kundalini Pictures