মানসী মোঘে

মানসী মোঘে (Manasi Moghe; জন্ম ২৯ আগষ্ট ১৯৯১) এগৰাকী ভাৰতীয় অভিনেত্ৰী আৰু সৌন্দৰ্য্য প্ৰতিযোগিতাৰ খিতাপধাৰী যিয়ে ২০১৩ চনৰ মিছ ডিভা ইউনিভাৰ্ছৰ মুকুট পিন্ধিছিল।^১ আৰু ২০১৩ চনৰ ৯ নৱেম্বৰত ৰাছিয়াৰ মস্কোত অনুষ্ঠিত হোৱা মিছ ইউনিভাৰ্ছ ২০১৩ত ভাৰতক প্ৰতিনিধিত্ব কৰিছিল।^২ শেষত শীৰ্ষ ১০ গৰাকী চূড়ান্ত প্ৰতিযোগীৰ ভিতৰত স্থান লাভ কৰে।

প্ৰাথমিক জীৱন

ভাৰতৰ মধ্য প্ৰদেশৰ ইন্দোৰত মাৰাঠী পৰিয়ালত জন্মগ্ৰহণ কৰিছিল মানসী মোঘে। ইন্দোৰৰ শ্ৰী সত্য সাই বিদ্যা বিহাৰৰ পৰা স্কুলীয়া শিক্ষা সমাপ্ত কৰিছিল।

পেজেণ্ট্ৰি

মিছ ইউনিভাৰ্ছ ২০১৩

মিছ ইউনিভাৰ্ছ ২০১৩ পেজেণ্ট ক্ৰ'কাছ চিটি হল, মস্কো, ৰাছিয়াত অনুষ্ঠিত হৈছিল। ফাইনেল ২০১৩ চনৰ ৯ নৱেম্বৰত হৈছিল আৰু মানসী মোঘে পঞ্চম ৰানাৰ্ছ আপ হিচাপে শীৰ্ষ ১০ ফাইনেলিষ্টৰ ভিতৰত স্থান লাভ কৰিছিল।

মিছ দিভা - ২০১৩

৫ ছেপ্টেম্বৰ ২০১৩ তাৰিখে বৃহস্পতিবাৰে নিশা হোটেল ৱেষ্টিন মুম্বাই গাৰ্ডেন চিটিত অনুষ্ঠিত হোৱা মিছ ডিভা - ২০১৩ ফাইনেলত মানসী মোঘেকে ধৰি ১৪ গৰাকী চূড়ান্ত প্ৰতিযোগীয়ে ইজনে সিজনৰ বিৰুদ্ধে প্ৰতিযোগিতাত অংশগ্ৰহণ কৰি খিতাপ দখল কৰে।

মানসী মোঘেক ২০১৩ চনৰ মিছ ডিভা ইউনিভাৰ্ছ হিচাপে অভিষিক্ত কৰা হয়, আনহাতে গৰ্লিন গ্ৰেৱালক ২০১৩ চনৰ মিছ ডিভা ইণ্টাৰনেশ্যনেল হিচাপে ঘোষণা কৰা হয় আৰু সৃষ্টি ৰানাক মিছ ডিভা এছিয়া পেচিফিক ৱৰ্ল্ড ২০১৩ হিচাপে ঘোষণা কৰা হয়।

তাৰ পিছত মানচিয়ে মস্কোৰ মিছ ইউনিভাৰ্ছ ২০১৩ত প্ৰতিযোগিতাত অংশগ্ৰহণ কৰে আৰু শীৰ্ষ ১০ ৰ ভিতৰত অন্ত পেলায়।

ফেমিনা মিছ ইণ্ডিয়া ২০১৩

মানসী ফেমিনা মিছ ইণ্ডিয়া ২০১৩ৰ ২১ গৰাকী চূড়ান্ত প্ৰতিযোগীৰ ভিতৰত অন্যতম আছিল। পেজেণ্টত ৱাইল্ড কাৰ্ড এণ্ট্ৰি লাভ কৰে য’ত তেওঁ মিছ এক্টিভ উপ-খিতাপ লাভ কৰে।

চলচ্চিত্ৰ কেৰিয়াৰ

২০১৪ চনত মাৰাঠী ভাষা ছবিৰ শিৰোনাম বুগাদী মাজী সান্দলি গাত চিনেমাৰ ৰূপত আত্মপ্ৰকাশ কৰে মানসীয়ে। সতীশ ৰাজৱাড়ৰ পৰিচালিত আগন্তুক মাৰাঠী ছবিত ছুপাৰষ্টাৰ অংকুশ চৌধাৰীৰ বিপৰীতে অভিনয় কৰা ছবিখনত তেওঁ অভিনয় কৰিছে।^৩

ফিল্মগ্ৰাফী