মাটি কাঞ্চন

মাটি কাঞ্চন, বগা কাঞ্চন, মাটি কঁটৰা বা শ্বেত কাঞ্চন (: Dwarf White Bauhinia, White Orchid-tree আৰু Snowy Orchid-tree) (বৈজ্ঞানিক নাম: Bauhinia acuminata) হৈছে Fabaceae পৰিয়ালৰ এবিধ গুল্মৰ প্ৰজাতি। ইয়াৰ বিস্তৃত খেতিৰ বাবে আদি নিবাস গম পোৱা নেযায় যদিও ই মালয়েছিয়া, ইণ্ডোনেছিয়া (জাভা, বোৰ্নিও, কালিমাণ্টান, লেছাৰ ছোন্দা দ্বীপ), আৰু ফিলিপাইনৰ পৰা আহিছে বুলি ভবা হয়।^১

বিৱৰণ

মাটি কাঞ্চন ৩ মিটাৰ পৰ্যন্ত ওখ পৰ্ণপাতী উদ্ভিদ। পাত ১০-১৫ চেমি দীঘল আৰু ৭-১২ চেমি বহল। পাতৰ আগ দুভাগত বিভক্ত, মসৃণ, তলৰ শিৰা সামান্য ওলোৱা। বসন্তৰ শেষৰ পৰা শৰত পৰ্যন্ত ফুল হয়। পাতৰ কাষত এটা থোকাত কেইবাপাহো ফুল ফুলে, বগা, গন্ধহীন, ৫ চেমি বহল, পাহিৰ সংখ্যা পাঁচটা আৰু পাহী মুক্ত। ফল চিৰা, চিৰা চেপেটা, বিদাৰী আৰু ধুসৰ, কেইবাটাও বীজ থাকে।