মলি কিলি

মলি ম'ড কিলি ( Molly Maud Kiely; জন্ম: ১০ অক্টোবৰ, ১৯৬৯)^১২ এগৰাকী কানাডিয়ান-আমেৰিকান কাৰ্টুনকাৰ যি ইৰ'টিকাৰ বাবে বেছিকৈ পৰিচিত।^৩ তেওঁৰ কাম ফেণ্টাগ্ৰাফিকছ/ইৰ'ছ কমিক্সৰ দ্বাৰা প্ৰকাশিত আৰু ই জেছ ফিংকৰ দৰে আন শিল্পীকো প্ৰভাৱিত কৰিছে।^৪

কিলিৰ জন্ম হৈছিল অণ্টাৰিঅ'ৰ ব্ৰেচব্ৰিজত, ডাঙৰ-দীঘল হৈছিল কিচেনাৰত আৰু তেওঁ ৱাটাৰলু বিশ্ববিদ্যালয়ত পঢ়িছিল।^৫ তেওঁ গোটেই জীৱন অংকন কৰি ভাল পাই আহিছে,^৬ আৰু ক্ৰেজি কেট আৰু লি'ল এবনাৰৰ জৰিয়তে কমিকছ চৰিত্ৰ আৱিষ্কাৰ কৰিছে।^৭ ১৯৯১ চনত ছান ডিয়েগো কমিক-কনত তেওঁ প্ৰথম মিনিকমিক সৃষ্টি কৰে। ১৯৯২ চনত কানাডা এৰি ছান ফ্ৰান্সিস্কোলৈ যায়।^১

তেওঁৰ প্ৰথম কমিক কমিউনিয়ন আছিল জে হেগীৰ সৈতে সহযোগিতা কৰা, যিটো “ওৱান নাইট ষ্টেণ্ড’’ৰ বিষয়ে লিখা এটা ষ্ট্ৰিম অৱ চেতনাৰ কবিতাৰ আধাৰত নিৰ্মিত আছিল।^৭ ১৯৯২ চনত ফেণ্টাগ্ৰাফিকছৰ ইৰ'ছ কমিক্স ইম্প্ৰিণ্টে ইয়াক প্ৰকাশ কৰে।^৮ ১৯৯৩ চনত ৱুলী কমিক্সে তেওঁক মাৰ্কিছ ডি ছেডৰ উপন্যাস ফিল'চফি ইন দ্য বেডৰুমৰ কমিক অভিযোজন কৰিবলৈ নিযুক্তি দিয়ে।^৮

তেওঁৰ কামক "ক্লিন লাইন ষ্টাইল" বুলি বৰ্ণনা কৰিছে যাক অব্ৰি বিয়াৰ্ডছলি আৰু জেইম হাৰ্নাণ্ডেজৰ সৈতে তুলনা কৰা হৈছে।^৫

তেওঁৰ কামৰ পৰ্ণগ্ৰাফিক প্ৰকৃতিয়ে কেতিয়াবা নাৰীবাদীসকলৰ পৰা বিচাৰ আকৰ্ষণ কৰে যিসকলে তেওঁক পুৰুষক নাৰীক শোষণ কৰাত সহায় কৰা বুলি ভাবে।^৯ কানাডাৰ ফৌজদাৰী আইনৰ উপধাৰা ১৬৩ৰ অধীনত ১৯৯৫ চনত কানাডাৰ শুল্ক আৰু ডাকঘৰে মাজে মাজে কিলিৰ কাম জব্দ কৰিছিল যেতিয়া তেওঁ আৰু ইৰ'ছৰ মাজত মেইল কৰা হৈছিল।^৮

তেওঁ বিবাহিতা আছিল আৰু ২০০৭ চনত তেওঁৰ এগৰাকী কন্যা সন্তান জন্ম হয়^৭ আৰু ২০১৫ চনত বিধৱা হয়।^২ আনুমানিক ২০১৭ চনৰ পৰা কিলিয়ে নিজৰ কন্যাৰ সৈতে এৰিজোনাৰ টাচনত বাস কৰে।^১২