ছফী লেবেল

ছফী লেবেল ( Sophie Labelle; জন্ম: ২২ এপ্ৰিল ১৯৮৮)^১২ এগৰাকী কানাডিয়ান^৩৪ কাৰ্টুনকাৰ, ৰাজহুৱা বক্তা আৰু লেখিকা। তেওঁ ৱেবকমিক এচাইনড মেল তৈয়াৰ কৰিছিল, যিয়ে তেওঁৰ তৃতীয় লিংগৰ শিশু হিচাপে পোৱা অভিজ্ঞতাৰ ওপৰত আধাৰিত।^৩৫ তৃতীয় লিংগ অধিকাৰ আন্দোলনৰ তেওঁ এগৰাকী কৰ্মী, আৰু হিজৰা বা তৃতীয় লিংগৰ ইতিহাস আৰু হিজৰা নাৰীবাদৰ বিষয়ত মত প্ৰকাশ কৰে।^৬৭

প্ৰাথমিক জীৱন

লেবেলে চেট'গুৱেৰ ওচৰৰ কিউবেকৰ গ্ৰাম্য অঞ্চলত ডাঙৰ-দীঘল হৈছিল।^৪ তেওঁ প্ৰাথমিক বিদ্যালয়ৰ শিক্ষয়িত্ৰী হিচাপে কাম কৰিছিল, আৰু কানাডাৰ জেণ্ডাৰ ক্ৰিয়েটিভ কিডছ শিবিৰৰ সমন্বয়ক আছিল।^৮৯১০

কৰ্মজীৱন

ছফী লেবেল লিংগ নীতি আৰু বিশেষাধিকাৰৰ বিষয়সমূহত মত প্ৰকাশ কৰা ৱেবকমিক আৰু জিনৰ শৃংখলা এচাইনড মেলৰ লেখক আৰু চিত্ৰকৰ। ইয়াত ১১ বছৰীয়া ষ্টেফী নামৰ এগৰাকী তৃতীয় লিংগৰ ছোৱালীয়ে নিজৰ লিংগ আৱিষ্কাৰ কৰি সেইটোকে গ্ৰহণ কৰি লোৱা চৰিত্ৰটো দেখুওৱা হৈছে।^৩৬১০ লেবেলে কয় যে, তৃতীয় লিংগৰ শিশুৰ সৈতে কাম কৰাৰ সময়ত তেওঁ "লক্ষ্য কৰিছিল যে আমি তেওঁলোকক তেওঁলোকৰ নিজৰ শৰীৰৰ বিষয়ে কোৱা সকলো কথাই কিমান নেতিবাচক, গতিকে মই এনে এটা চৰিত্ৰ সৃষ্টি কৰিব বিচাৰিছিলোঁ যিয়ে ট্ৰেন্স ল’ৰা-ছোৱালীয়ে সকলো সময়তে শুনা সেই সকলোবোৰ ভয়ংকৰ কথাৰ প্ৰতি উত্তৰ হ’ব পাৰে।" ^৬ তেওঁ কমিকছৰ সৈতে শিক্ষামূলক গাইড তৈয়াৰ কৰিছে, তৃতীয় লিংগৰ যুৱক-যুৱতীসকলৰ বাবে সুৰক্ষিত স্থানৰ প্ৰচাৰ কৰিছে।^৬ ৱাশ্বিংটন ব্লেডে ৱেবকমিকটোক "হাস্যকৰ" বুলি অভিহিত কৰিছে আৰু ইয়াৰ দ্বাৰা দেখা গৈছে যে হিজৰা হাস্যৰস আপত্তিজনক নহৈ ধেমেলীয়া হ’ব পাৰে।^১১

লেবেলে লিংগ পৰিচয় আৰু প্ৰকাশৰ বিষয়ে কেইবাখনো কিতাপ আৰু জিন লিখিছে, য'ত আছে দ্য জেণ্ডাৰফিক কালাৰিং বুক, এ গাৰ্ল লাইক এনি অদাৰ, চিয়েল এট কেম্প ফেবুলাছ, আৰু জেণ্ডাৰ ইউফ'ৰিয়া।^১২১৩ চিয়েল ছিৰিজৰ দ্বিতীয় খণ্ড চিয়েল ইন অল ডাইৰেকচন (২০২০, ছেকেণ্ড ষ্ট’ৰী প্ৰেছ)ৰ ইংৰাজী অনুবাদ ২০২২ চনৰ বেংক ষ্ট্ৰীট শিশু গ্ৰন্থ সমিতিৰ বছৰৰ শ্ৰেষ্ঠ কিতাপ হিচাপে নিৰ্বাচিত হয়। টিকভা উলফৰ আস্ক মি এবাউট পলিম'ৰী: দ্য বেষ্ট অৱ কিমচি কাডলছ নামৰ কিতাপখনৰ প্ৰস্তাৱনা লিখিছিল।^১০১৪ ট্ৰেন্স ষ্টুডেণ্ট এডুকেচনেল ৰিচ'ৰ্ছৰ বাবে তেওঁ ট্ৰেন্স-চেণ্টাৰড যৌন শিক্ষা সামগ্ৰী তৈয়াৰ কৰিছে।^৪১৫

২০১৭ চনৰ মে’ মাহত লেবেলে ট্ৰেন্স আৰু কুইৰ ৱেইৰ্ডছৰ বাবে ডেটিং টিপছ কমিক বুক মুকলি কৰে। হেলিফেক্সৰ কিতাপৰ দোকান ভেনাছ এনভিত নিৰ্ধাৰিত উন্মোচনী অনুষ্ঠান বাতিল কৰা হয়, কাৰণ তেওঁ আৰু ষ্ট’ৰ দুয়োৰে বিৰুদ্ধে ভাবুকি দিয়া হৈছিল। তেওঁক মৃত্যুৰ ভাবুকি দিয়া হৈছিল, তেওঁৰ ঘৰৰ ঠিকনা অনলাইন ফ’ৰামত পোষ্ট কৰা হৈছিল আৰু তেওঁৰ ৱেব চাইট আৰু ছ’চিয়েল মিডিয়া একাউণ্টৰ সৈতে আপোচ কৰা হৈছিল (যাৰ ফলত তেওঁ সেইবোৰ সাময়িকভাৱে বন্ধ কৰিবলগীয়া হৈছিল)।^১৬১৭ এই হাৰাশাস্তিৰ পিছত লেবেলে লিংগ পৰিচয় আৰু প্ৰকাশভংগী সুৰক্ষিত কৰিবলৈ কানাডাৰ বিল চি-১৬ আৰু চাইবাৰ গুণ্ডাগিৰিৰ বিৰুদ্ধে শক্তিশালী আইন প্ৰণয়নৰ পোষকতা কৰে।^১৮