মজিদ বেহেস্তী

মজিদ বেহেস্তী (ফাৰ্চী ভাষা: مجید بهشتی; জন্ম ২২ অক্টোবৰ, ১৯৫৫) এজন ইৰানী অভিনেতা, চলচ্চিত্ৰ প্ৰযোজক আৰু থিয়েটাৰ পৰিচালক। তেওঁ বিভিন্ন টেলিভিছন ধাৰাবাহিকতো অভিনয় কৰিছে। এই অনুষ্ঠানসমূহত অংশগ্ৰহণ কৰি তেওঁ আটাইতকৈ বেছি জনপ্ৰিয়তা আৰু খ্যাতি অৰ্জন কৰিছে।

জীৱনী

মজিদ বেহেস্তী এজন ইৰানী চলচ্চিত্ৰ আৰু থিয়েটাৰ পৰিচালক, যিয়ে ১৯৭০ চনৰেপৰা বহুতো চলচ্চিত্ৰ আৰু মঞ্চ নাটক পৰিচালনা কৰিছে। কেৰমান চহৰত কটোৱা তেওঁৰ শৈশৱকালৰেপৰাই থিয়েটাৰৰ প্ৰতি গভীৰ আগ্ৰহ আছিল। তেওঁ নিজৰ সপোনক অনুসৰণ কৰিছিল, যি আছিল থিয়েটাৰ আৰু টেলিভিছনত উচ্চ শিক্ষাগত ডিগ্ৰী অৰ্জন কৰা। হাইস্কুলৰ শিক্ষা সমাপ্ত কৰাৰ পাছত তেওঁ তেহৰাণ চহৰলৈ যায় আৰু তাৰপৰাই স্নাতকোত্তৰ ডিগ্ৰী লাভ কৰে।

১৯৭৮ চনত তেহৰাণৰ ড্ৰামেটিক আৰ্টছ বিশ্ববিদ্যালয়ত নামভৰ্তি কৰাৰপৰাই বেহেস্তীয়ে কেইবাজনো প্ৰখ্যাত অধ্যাপক যেনে: ড° ৰোকনেদিন খোচৰাভী, হামিদ সামান্দাৰিয়ান, ড° হোছেইন পাৰভাৰেশ আৰু বেহজাদ ফাৰাহানীৰ তত্ত্বাৱধানত নিজৰ নাট্য কলাৰ চৰ্চা কৰিছিল। ১৯৮২ চনত তেওঁ ইছলামিক ৰিপাব্লিক অৱ ইৰান ব্ৰডকাষ্টিঙত বহুতো টিভি ধাৰাবাহিক আৰু চলচ্চিত্ৰৰ পৰিচালক আৰু প্ৰযোজক হিচাপে কাম কৰিবলৈ আৰম্ভ কৰে। তেওঁ ১৯৯৯ চনত ইৰানী চলচ্চিত্ৰ আৰু চিনেমাৰ আধাৰত ফিল্ম এণ্ড আৰ্ট নামৰ এখন আলোচনী প্ৰতিষ্ঠা কৰে। অৱশ্যে সাত বছৰৰ পাছত তেওঁ আলোচনীখন বন্ধ কৰি দিয়ে। তেওঁৰ কৰ্মজীৱনত তেওঁ ইছলামিক ৰিপাব্লিক অৱ ইৰান ব্ৰডকাষ্টিঙৰ বাবে বহুতো বিখ্যাত টিভি শ্ব’ আৰু চলচ্চিত্ৰ প্ৰযোজনা আৰু পৰিচালনা কৰিছিল, যিবোৰ ইৰানৰ ৰাষ্ট্ৰীয় টেলিভিছনত সম্প্ৰচাৰিত হৈছিল। তেওঁ ২০০৫ চনত ইৰান ত্যাগ কৰে আৰু বৰ্তমান যুক্তৰাজ্যত বাস কৰে।^১

বাহ্যিক সংযোগ

• Majid Beheshti in Omid Radio
• Beheshti in Iran Theatre
• Majid Beheshti in Festival of Arts
• Majid Beheshti