মইনা (শিশু আলোচনী)

মইনা অসমীয়া ভাষাৰ শিশু আলোচনী৷ একে নামৰ একাধিক শিশু আলোচনী ভিন ভিন সম্পাদকৰ সম্পাদনাত ভিন ভিন সময়ত প্ৰকাশ পায়৷

ৰঘুনাথ চৌধাৰী সম্পাদিত মইনা

কবি ৰঘুনাথ চৌধাৰী সম্পাদিত অসমীয়া ভাষাৰ মাহেকীয়া শিশু আলোচনী মইনা ১৯২৩ চনত গুৱাহাটীৰ পৰা প্ৰকাশ পায়৷^১ ১৯২১ চনৰ অসহযোগ আন্দোলনত কাৰাবৰণ কৰি ওলাই আহি চৌধাৰীয়ে ল’ৰা-ছোৱালীৰ চৰিত্ৰ সংশোধন আৰু জ্ঞানৰ উৎকৰ্ষ লাভৰ উদ্দেশ্যে “মইনা’’ প্ৰকাশ কৰিছিল৷ কলিকতাৰ অৰুণোদই প্ৰেছত ছপা কৰা “মইনা’’ৰ প্ৰকাশক আছিল গজেন চন্দ্ৰ পাটোৱাৰী৷ এবছৰ প্ৰকাশ হোৱাৰ পিছত আলোচনীখন বন্ধ হৈ যায়৷^২

মইনা পাৰিজাত ৰ মুখপত্ৰ মইনা

অসমীয়া ভাষাৰ মইনা নামৰ এখন দুমহীয়া শিশু আলোচনী যোৰহাটৰ পৰা ১৯৬১ চনত প্ৰকাশিত হৈছিল৷ এইখন সদৌ অসম মইনা পাৰিজাতৰ মুখপত্ৰ৷ প্ৰকাশক আছিল হেমন্ত বৰদলৈ৷^৩

সূৰ্য্য কুমাৰ ভূঞা সম্পাদিত মইনা

মইনা অসমীয়া ভাষাৰ শিশু আলোচনী৷ ১৯৭৯ চনত প্ৰকাশিত হৈছিল৷^১ আলোচনীখন তিনিমহীয়া আছিল৷ সম্পাদক সূৰ্য্যকুমাৰ ভূঞা৷ এইখন আন্তৰ্জাতিক শিশু বৰ্ষত প্ৰকাশিত হৈছিল৷ প্ৰকাশক আছিল, উত্তৰ লখিমপুৰ জিলা মইনা পাৰিজাতৰ আলোচনী প্ৰকাশন সমিতিৰ হৈ অধ্যাপক বিশ্ব বৰুৱা৷^৪

আন এক তথ্যমতে মইনা পাৰিজাতৰ সভাপতি মহাদেৱ শৰ্মাৰ দ্বাৰাও মইনা নামৰ এখনি শিশু আলোচনী সংগঠনটোৰ মুখপত্ৰ হিচাপে প্ৰকাশিত হৈছিল৷^৫

জাহিদ চৌধুৰী সম্পাদিত মইনা নামৰ আন এখন শিশু আলোচনীও আছিল৷^১