বেলমায়া নেপালী

বেলমায়া নেপালী (নেপালীঃ बेलमाया नेपाली) হৈছে নেপালৰ এগৰাকী চলচ্চিত্ৰ নিৰ্মাতা। বিশেষকৈ নেপালৰ দলিত সম্প্ৰদায়ৰ মহিলাসকলৰ জীৱন-গাঁথাক চিত্ৰিত কৰি তেওঁ বহু কেইখন বঁটা বিজয়ী তথ্যচিত্ৰ নিৰ্মাণ কৰিছে।।^১২

জীৱনী

নেপালৰ পোখাৰাৰ লাহাচৌকত বেলমায়াৰ জন্ম হৈছিল। তেওঁ আছিল ছয়গৰাকী ভাই-ভনীৰ ভিতৰত আটাইতকৈ সৰু। তেওঁ ন বছৰ বয়সতে নিজৰ পিতৃ-মাতৃক হেৰুৱাইছিল। ২০১১ চনত তেওঁ বিবাহপাশত আৱদ্ধ হয়।^৩ প্ৰথম অৱস্থাত তেওঁ এটা চুটি প্ৰশিক্ষণ লৈছিল। তাৰ পিছত ফটোগ্ৰাফাৰ হিচাপে কাম কৰিবলৈ আৰম্ভ কৰিলে। ২০০৭ চনত মাই ৱৰ্ল্ড, মাই ভিউজ নামৰ এখন কিতাপত তেওঁৰ প্ৰথম কাম প্ৰকাশ হৈছিল।^৪

কাম

• আই এম বেলমায়া হৈছে তেওঁৰ নিজৰ জীৱনৰ ওপৰত আধাৰিত এখন তথ্যচিত্ৰ যিখনৰ সহ পৰিচালক চু কাৰ্পেণ্টাৰ৷ ^৫৬
• এডুকেট আওৱাৰ ডটাৰ্ছ হৈছে নেপালৰ নাৰী শিক্ষাৰ প্ৰসঙ্গসমূহ উত্থাপন কৰা এখন তথ্যচিত্ৰ।
• ৰ'য়িং এগেইনষ্ট দ্য ফ্লো হৈছে পোখৰাৰ ফেৱা হ্ৰদৰ নাৱৰ মহিলাসকলৰ বিষয়ে এখন তথ্যচিত্ৰ।
• ষ্ট্ৰংগাৰ হৈছে নেপালী মহিলা বিষয়ক এখন তথ্যচিত্ৰ।

বঁটা

• এডুকেট আওৱাৰ ডটাৰ্ছ-ৰ বাবে'টৰন্টো ৰিল এছিয়ান আন্তঃৰাষ্ট্ৰীয় চলচ্চিত্ৰ মহোৎসৱ' (নৱেম্বৰ ২০১৮, কানাডিয়ান প্ৰিমিয়াৰ)ত বিজয়ী হয়৷
• এডুকেট আওৱাৰ ডটাৰ্ছ-ৰ বাবে'ইউ কে এছিয়ান ফিল্ম ফেষ্টিভেল' (মাৰ্চ-এপ্ৰিল ২০১৯, ইউৰোপীয় প্ৰিমিয়াৰ)ত বিজয়ী হয়৷