বীৰঝৰা মহাবিদ্যালয়

বীৰঝৰা মহাবিদ্যালয় (ইংৰাজী ভাষা: Birjhora Mahavidyalaya) হৈছে এখন সহ-শিক্ষা বিজ্ঞান মহাবিদ্যালয়। ইয়াক বীৰঝৰা বিজ্ঞান মহাবিদ্যালয় বুলিও জনা যায়। এই মহাবিদ্যালয়খন ১৯৮৬ চনত বঙাইগাঁওত প্ৰতিষ্ঠা কৰা হৈছিল।

পৰিচয়

বীৰঝৰা মহাবিদ্যালয় আৰম্ভ কৰা হৈছিল শ্ৰী পি. বি. চৌধুৰী, বিধায়ক (MLA)-ৰ নেতৃত্বত গঠিত এখন পৃষ্ঠপোষক সমিতিৰদ্বাৰা। স্থানীয় জনসাধাৰণৰ সক্ৰিয় সহযোগিতাৰে পাছত এই মহাবিদ্যালয়খন ৰাজ্য চৰকাৰৰ শিক্ষা মন্ত্ৰালয়ৰ অধীনত ঘাটতি অনুদান (Deficit Grant-in-Aid) প্ৰণালীৰ অধীনলৈ অনা হয় আৰু ২০০৫ চনৰ ডিচেম্বৰত এই মহাবিদ্যালয়খন প্ৰাদেশিকীকৰণ কৰা হয়।

এই মহাবিদ্যালয়খন গুৱাহাটী বিশ্ববিদ্যালয়ৰ সৈতে সংযুক্ত আৰু ৰাষ্ট্ৰীয় মূল্যায়ন আৰু স্বীকৃতি পৰিষদ (NAAC)-ৰদ্বাৰা B++ গ্ৰেড প্ৰাপ্ত কৰিছে।^১

পাঠ্যক্ৰম

পৰম্পৰাগত ডিগ্ৰী পাঠ্যক্ৰমসমূহৰ উপৰি এই মহাবিদ্যালয়ত তথ্য প্ৰযুক্তি (IT) বিষয়ত কেইবাটাও পাঠ্যক্ৰম প্ৰদান কৰা হয়। বীৰঝৰা মহাবিদ্যালয়ে তিনিবছৰীয়া বিজ্ঞান স্নাতক (BSc) মেজৰ আৰু সাধাৰণ পাঠ্যক্ৰম, তথ্য প্ৰযুক্তিত তিনিবছৰীয়া বৃত্তিমূলক পাঠ্যক্ৰম, একবছৰীয়া তথ্য প্ৰযুক্তি প্ৰমাণ-পত্ৰ পাঠ্যক্ৰম, কম্পিউটাৰ এপ্লিকেচনত স্নাতকোত্তৰ ডিপ্ল'মা (PGDCA), আৰু কাঠফুলা খেতিৰ ওপৰত প্ৰমাণ-পত্ৰ পাঠ্যক্ৰম আগবঢ়ায়।

এই মহাবিদ্যালয়ত ভৌতিক বিজ্ঞান, ৰসায়ন বিজ্ঞান, গণিত, উদ্ভিদবিজ্ঞান, প্ৰাণী বিজ্ঞান, আৰু পৰিসংখ্যা বিজ্ঞান বিষয়ত মেজৰ ডিগ্ৰী প্ৰদান কৰা হয়। সাধাৰণ বিষয়সমূহত ইংৰাজী, উদ্ভিদ বিজ্ঞান, ৰসায়ন বিজ্ঞান, অৰ্থনীতি, গণিত, ভৌতিক বিজ্ঞান, পৰিসংখ্যা বিজ্ঞান, প্ৰাণী বিজ্ঞান আৰু তথ্য প্ৰযুক্তি অন্তৰ্ভুক্ত।

ইয়াৰ উপৰি ইন্দিৰা গান্ধী মুক্ত বিশ্ববিদ্যালয়] (IGNOU) অধ্যয়ন কেন্দ্ৰ, গুৱাহাটী বিশ্ববিদ্যালয়ৰ দূৰত্ব শিক্ষা প্ৰতিষ্ঠান (IDOL), আৰু কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয় (KKHSOU)-ৰ জৰিয়তেও বিভিন্ন পাঠ্যক্ৰম প্ৰদান কৰা হয়।

বাহ্যিক সংযোগ

• বীৰঝৰা মহাবিদ্যালয়