বিভূষিতা দাস

বিভুষিতা দাস এগৰাকী ভাৰতীয় মেৰাইন ইঞ্জিনিয়াৰ। তেওঁ প্ৰথমগৰাকী ওড়িয়া মহিলা যিয়ে মেৰাইন ইঞ্জিনিয়াৰ হৈছিল।^১২৩ দাস হৈছে ওড়িশাৰপৰা অহা প্ৰথমগৰাকী মহিলা যিয়ে জাহাজত জাহাজ বিষয়া হিচাপে কাম কৰিছিল।^৪৫৬৭ সম্পূৰ্ণ পুৰুষৰ দলৰ মাজত একমাত্ৰ মহিলা হিচাপে তেওঁ সামাজিক হেঁচাক অৱজ্ঞা কৰি আহিছে আৰু তাৰ বাবে তেওঁ সমাজৰ নীতি-নিয়ম নিজ লক্ষ্যপথৰ পৰা আঁতৰাই ৰাখিছে।^২১

প্ৰাথমিক জীৱন আৰু শিক্ষা

বিভুষিতা দাসৰ জন্ম হৈছিল ওড়িশাৰ কটকত আৰু তাতেই ডাঙৰ-দীঘল হৈছিল।^৪ তেওঁৰ পিতৃ কৰুণাকৰ দাস ভাৰত সঞ্চাৰ নিগম লিমিটেডৰ (বি এছ এন এল) অৱসৰপ্ৰাপ্ত কৰ্মচাৰী।^৬ চাৰিগৰাকী ভগ্নীৰ ভিতৰত সৰু, তেওঁ পিতৃ-মাতৃক তেওঁলোকৰ সমৰ্থন^৫ আৰু উৎসাহৰ বাবে কৃতজ্ঞতা প্ৰকাশ কৰে।^২

বিভূষিতাই কয়, “মা আৰু দেউতাই সদায় আমাক পঢ়া-শুনা কৰিবলৈ উৎসাহিত কৰিছিল আৰু ছোৱালী আৰু ল’ৰাৰ মাজত কোনো পাৰ্থক্য নাই বুলি কৈছিল। মোৰ তিনিওজনী ভনী অভিযন্তা। কিন্তু মই একমাত্ৰ মেৰাইন ইঞ্জিনিয়াৰ।’’^২

২০০৭ চনত ওড়িশাৰ ভুৱনেশ্বৰৰ চি ভি ৰমন কলেজ অৱ ইঞ্জিনিয়াৰিঙৰপৰা চাৰিবছৰীয়া প্ৰযুক্তিবিদ্যাত স্নাতক (বি টেক) ডিগ্ৰী সম্পূৰ্ণ কৰে দাসে। তেওঁৰ অভিযান্ত্ৰিক গোটৰ ৭ গৰাকী ছোৱালীৰ ভিতৰত তেওঁ একমাত্ৰ যিয়ে অন-ব'ৰ্ড চেলিঙৰ পথ বাছি লৈছিল।^৩

কেৰিয়াৰ

বিভূষিতাই ছমাহ তিৰুনেলভেলীত প্ৰবক্তা হিচাপে কাম কৰাৰ পাছত ভাৰতীয় জাহাজ নিগমে তেওঁক নিযুক্তি দিয়ে আৰু অন-বৰ্ড পদৰ বাবে বাছি লয়।^৩

২০১২ চনত ভাৰতীয় জাহাজ নিগমৰ তৃতীয় অভিযন্তা হিচাপে পদোন্নতি লাভ কৰে।^১ ২০১৩ চনত মালবাহী জাহাজ এম ভি বিশ্বমহলৰ মেৰিন ইঞ্জিনিয়াৰ হিচাপে বিভূষিতা দাসক প'ৰ্ট ট্ৰাষ্টে সম্বৰ্ধনা জনায়, কাৰণ জাহাজখন অষ্ট্ৰেলিয়াৰপৰা বাটত পৰাদিপ বন্দৰত উপস্থিত হয়।^২

তেওঁৰ কামত জাহাজৰ যন্ত্ৰ-পাতি পৰিচালনা কৰাত কঠোৰ শাৰীৰিক শ্ৰম জড়িত হৈ আছিল। কেতিয়াবা ভ্ৰমণ এবাৰত ছমাহলৈকে চলিব পাৰে।^২ তেওঁৰ চাকৰিৰ ফলত তেওঁ অষ্ট্ৰেলিয়া, দক্ষিণ আফ্ৰিকা, তুৰস্ক, ব্ৰিটেইন, জাৰ্মানীকে ধৰি বহু দেশ ভ্ৰমণ কৰিবলৈ সক্ষম হৈছে।^১২

ব্যক্তিগত জীৱন

২০১৮ চনৰ পৰা তেওঁ ৰুৰকেল্লাৰ ক'ৱেল নগৰত বাস কৰিছিল।^৩