গুৰুমূৰ্তী ভুৱনেশ্বৰী

গুৰুমূৰ্তি ভুৱনেশ্বৰী (জন্ম ১৯৬৫ চন) এগৰাকী ভাৰতীয় বৈদ্যুতিক অভিযন্তা, যাৰ গৱেষণাত শক্তি ইলেক্ট্ৰনিক্স, বৈদ্যুতিক শক্তি ৰূপান্তৰ, আৰু বৈদ্যুতিক মেচিন জড়িত হৈ আছে। তেওঁ মহিন্দ্ৰা বিশ্ববিদ্যালয়ৰ এগৰাকী অধ্যাপিকা।

শিক্ষা আৰু কেৰিয়াৰ

ভুৱনেশ্বৰী মূলতঃ দক্ষিণ ভাৰতৰ, এটা দৰিদ্ৰ পৰিয়ালৰ পাঁচটা সন্তানৰ ভিতৰত সৰু, আৰু তেওঁ ১৯৮৫ চনত আন্না বিশ্ববিদ্যালয়ৰ অভিযান্ত্ৰিক মহাবিদ্যালয় (গুইণ্ডী কেম্পাছ)ৰপৰা অভিযান্ত্ৰিক ডিগ্ৰী লাভ কৰে। স্নাতক অধ্যয়নৰ বাবে আই আই টি মাদ্ৰাজলৈ গৈ ১৯৮৮ চনত স্নাতকোত্তৰ ডিগ্ৰী লাভ কৰি পিছত ১৯৯২ চনত পি এইচ ডি সম্পূৰ্ণ কৰে।

তেওঁ আন্না বিশ্ববিদ্যালয়ত প্ৰবক্তা হিচাপে কাম কৰে, আৰু তাৰ পিছত ১৯৯৩ চনৰপৰা ১৯৯৭ চনলৈকে আমেৰিকাত চিকাগোৰ কমনৱেলথ এডিচনত কাম কৰি তাৰ পিছত ভাৰতলৈ উভতি আহে আৰু ১৯৯৭ চনৰপৰা ২০২১ চনলৈকে আই আই টি দিল্লীত অধ্যাপক হিচাপে শিক্ষা বিভাগত কাম কৰে। ২০২১ চনত মহিন্দ্ৰা বিশ্ববিদ্যালয়ৰ বৰ্তমানৰ পদলৈ গুচি যায়।

স্বীকৃতি

ভুৱনেশ্বৰী ভাৰতীয় ৰাষ্ট্ৰীয় অভিযান্ত্ৰিক একাডেমীৰ সদস্য। ২০১৭ চনৰ ফেলো শ্ৰেণীত তেওঁক "বৰ্ধিত শক্তিৰ মান ৰূপান্তৰক ডিজাইন আৰু বিকাশৰ বাবে অৱদানৰ বাবে" আই ই ই ই ফেলো হিচাপে নিৰ্বাচিত কৰা হয়। ২০১৮ চনত আই ই ই ই পাৱাৰ ইঞ্জিনিয়াৰিং ছ’চাইটিৰ ৱাণ্ডা ৰেডাৰ পাইয়নিয়াৰ ইন পাৱাৰ বঁটা লাভ কৰা দুগৰাকীৰ ভিতৰত তেওঁ অন্যতম।

২০২২ চনত তেওঁ "শক্তিৰ মান উন্নত কৰিবলৈ শক্তি ৰূপান্তৰকসমূহৰ উন্নতিৰ অৱদানৰ বাবে, আৰু শিক্ষাৰ বাবে উন্নত প্ৰযুক্তি ব্যৱহাৰ কৰাত নেতৃত্ব দিয়াৰ বাবে" আমেৰিকাৰ নেচনেল একাডেমী অৱ ইঞ্জিনিয়াৰিঙৰ আন্তঃৰাষ্ট্ৰীয় সদস্য হিচাপে নিৰ্বাচিত হয়। পিছৰ বছৰত এছিয়ান ছাইন্টিছৰ ১০০ এছিয়ান বিজ্ঞানী বঁটা বিজয়ী হয়।^১