বিনা মায়া থিং লামা

বিনা মায়া থিং লামা (: Bina Maya Theeng Lama,নেপালী: बिना माया थिङ लामा; জন্ম ২৬ আগষ্ট ১৯৮০), পেছাগতভাৱে বিনা থিং তামাং নামেৰে পৰিচিত, নেপালৰ কাঠমাণ্ডুৰ এগৰাকী নেপালী শিক্ষাবিদ, লেখিকা আৰু কবি।^১২ তেওঁৰ চুটিগল্প আৰু কবিতাৰ বাবে তেওঁ বেছিকৈ পৰিচিত।^৩

প্ৰাৰম্ভিক জীৱন আৰু শিক্ষা

১৯৮০ চনৰ ২৬ আগষ্টত নেপালৰ মাকৱানপুৰ জিলাৰ হেটৌডা চহৰত জন্মগ্ৰহণ কৰিছিল তামাং। তামাঙে শ্ৰী প্ৰগতি মাধ্যমিক বিদ্যালয়ৰ পৰা মাকৱানপুৰত স্কুলীয়া শিক্ষা সাং কৰিছিল। কাঠমাণ্ডু শিক্ষা কেম্পাছ (ত্ৰিভুৱন বিশ্ববিদ্যালয়ৰ সৈতে জড়িত)ৰ পৰা শিক্ষা শাখাত স্নাতক ডিগ্ৰী লাভ কৰে।

সাহিত্যিক জীৱন

২০১৩ চনত ছাবদাহৰ ক্ৰিয়েচন ইনকৰ্পৰেশ্যনে তেওঁৰ চুটি গল্প সংকলন চুকী প্ৰকাশ কৰে। ২০১৫ চনত বিশ্ব নেপালী সাহিত্য ইনকৰ্পৰেশ্যনে ৰাটো ঘৰ নামৰ কবিতা সংকলন প্ৰকাশ কৰে। ৰাটো ঘৰক ২০১৬ চনৰ সুলভ তামাং ৱাংমায়া পুৰাস্কাৰ বঁটাৰে সন্মানিত কৰা হয়, যিটো সুলভ তামাং প্ৰতিভা প্ৰতিস্থানৰ দ্বাৰা প্ৰদান কৰা হৈছিল। ২০২০ চনৰ ২৬ আগষ্টত তেওঁৰ দ্বিতীয়খন চুটিগল্প সংকলন প্ৰকাশ পায় যাৰ নাম আছিল য়াম্বুনেৰা।^৪

তেখেত এগৰাকী অগ্ৰণী কবি যিয়ে তেওঁৰ কবিতাত শ্বাহ আৰু ৰাণা শাসনৰ স্বৈৰাচাৰীত্বৰ সময়ত দমন কৰা প্ৰান্তীয় জনজাতি, মধেচী আৰু অন্যান্য সৰু সৰু গোটৰ কণ্ঠ উত্থাপন কৰে।^৫ বৰ্তমান তেওঁ জয়া ভদ্ৰকালি মৌলিক বিদ্যালয়ত শিক্ষয়িত্ৰী হিচাপে কাম কৰি আছে, লগতে তেওঁ এই বিদ্যালয়খনৰ সহ-প্ৰধান শিক্ষয়িত্ৰী হিচাপেও দায়িত্ব পালন কৰি আছে।^৩৬

প্ৰকাশিত ৰচনা

তামাঙে এখন কবিতা সংকলন আৰু দুখন গল্প সংকলন প্ৰকাশ কৰিছে।

• চুকী – চুটিগল্প সংকলন, ২০১৩ চনত প্ৰকাশিত (২০৬৯ খ্ৰীষ্টাব্দ)^৭
• ৰাটো ঘৰ – কবিতা সংকলন, ২০১৫ চনত প্ৰকাশিত (২০৭২ খ্ৰীষ্টাব্দ)^৮
• Yambunera – চুটিগল্প সংকলন, ২৬ আগষ্ট ২০২০ তাৰিখে প্ৰকাশিত^৯

সাহিত্যিক বঁটা

তামাঙে লাভ কৰা সাহিত্যিক বঁটাঃ

ৰাষ্ট্ৰীয় কবিতা প্ৰতিযোগিতা

• প্ৰথম পুৰস্কাৰ (শক্তিৰ এফ এম ১০৩.৪ মেঘাহেৰ্জ, হেটৌদাই আয়োজন কৰা) ২০৭০ খ্ৰীষ্টাব্দত (২০১৩ খ্ৰীষ্টাব্দ)

আন্তঃৰাষ্ট্ৰীয় কবিতা প্ৰতিযোগিতা

• তৃতীয় পুৰস্কাৰ (দ্য হোৱাইট জ'ন নেপালৰ দ্বাৰা আয়োজিত), ২০৬৯ বি এছ (২০১২ খ্ৰীষ্টাব্দ)

ৰাষ্ট্ৰীয় ডিচহোম বৰহাখাৰী গল্প প্ৰতিযোগিতা

• প্ৰথম পুৰস্কাৰ (বাৰখাৰী বুকছৰ দ্বাৰা আয়োজিত), ২০৭৬ বি এছ (২০১৯ খ্ৰীষ্টাব্দ)^১০