বিদ্যুৎ গোৰে

বিদ্যুৎ গোৰে (Vidyut Gore, জন্ম-৬ ডিচেম্বৰ ১৯৭৬), এগৰাকী ভাৰতীয় অংশকালীন ব্লগাৰ, নতুন সংবাদ মাধ্যমৰ সাংবাদিক, প্ৰচাৰক আৰু কৰ্মী। ভাৰতীয় পৰিয়ালত ঘৰুৱা নিৰ্যাতন উন্মোচন কৰা কামৰ বাবে তেওঁ বিশেষ পৰিচিতি লাভ কৰিছিল৷^১ তেওঁ ভাৰতৰ ৰাজনৈতিক আৰু ৰাজহুৱা দুৰ্নীতি উন্মোচনৰ দিশত কৰি থকা কামসমূহ ভাৰতীয় সংবাদ মাধ্যম আৰু আন্তঃৰাষ্ট্ৰীয় সংবাদ মাধ্যম দুয়োটাতে প্ৰকাশ পাইছে।^২৩৪ ভাৰতীয় ডিজিটেল চেন্সৰশ্বিপৰ ক্ষেত্ৰত দেখা দিয়া প্ৰত্যাহ্বানসমূহ,^৫ শৈক্ষিক অধ্যয়ন,^৬ আৰু ৰাষ্ট্ৰসংঘৰ চিএছটিডি অধ্যয়নক তেওঁ গুৰুত্ব আৰোপ কৰিছে৷^৭৮ সামাজিক আৰু ৰাজনৈতিক বিষয়ত ভাৰতীয় মূলসুঁতিৰ সংবাদ মাধ্যমে তেওঁৰ বহুবাৰ উদ্ধৃতি দিছে।^{৯১০১১} ২০১৯ চনৰ আগষ্ট মাহত তেওঁ অল্ট চৰকাৰ স্পুফ বিকল্প চৰকাৰী ৰ'ল-প্লে প্ৰকল্প আৰম্ভ কৰে যিয়ে বিভিন্ন সংবাদ মাধ্যমৰ দৃষ্টি আকৰ্ষণ কৰিছে।^{১২১৩১৪}

ডিজিটেল সাংবাদিকতা

২০১৩ চনত গোৰৰ অৱদানক ৰাষ্ট্ৰসংঘৰ উন্নয়নৰ বাবে বিজ্ঞান আৰু প্ৰযুক্তি আয়োগে "ইণ্টাৰনেটৰ বিশ্বব্যাপী শাসনক গণতান্ত্ৰিকীকৰণ"ৰ কৰ্মগোটে স্বীকৃতি দিয়ে।^৭৮গোৰে গ্ৰাম্য বিষয়ত পালাগুম্মি ছাইনাথৰ ডিজিটেল পিপলছ আৰ্কাইভ অৱ ৰুৰেল ইণ্ডিয়া,^১৫আৰু ইংৰাজী-হিন্দী ভাষাৰ অন্যান্য ডিজিটেল বাতৰি ৱেবছাইট যেনে-দ্য কুইণ্ট,^১৬ ইণ্ডিয়া টুডেৰ অনলাইন ডেইলীঅ' নিউজ চাইট,^১৭ আৰু ভাৰতীয় ডিজিটেল মিডিয়া উদ্যোগী নিখিল পাৱাৰ নিউজ চাইট, মিডিয়ানামাত অৰিহণা যোগাইছে।^১৮১৯

ব্যক্তিগত জীৱন

গোৰ ইণ্ডিয়ান ছ'চাইটি ফৰ এপ্লাইড বিহেভিয়াৰ ছায়েন্স (আই এছ এ বি এছ)ৰ প্ৰাক্তন ছাত্ৰী আৰু তেওঁ নিজকে "অৰাজনৈতিক" বুলি অভিহিত কৰে।^২০

গোৰে হিমালয়ৰ ট্ৰেকিং গাইড আৰু কৰ্পৰেট প্ৰশিক্ষক আছিল, তাৰ পিছত বিয়া হৈ মুম্বাইৰ বিৰাৰত বিদ্যুৎ কালে হিচাপে বসতি স্থাপন কৰিছিল আৰু ২০০৯ চনত পুত্ৰৰ জন্মৰ লগে লগে পূৰ্ণকালীন মাতৃলৈ পৰিণত হৈছিল।^{১২৩২১} গোৰৰ পুত্ৰৰ জন্মগত অসুবিধাৰ বাবে তেওঁ ঘৰতে অধিক থাকিবলৈ বাধ্য হৈছিল৷ ইয়াৰ ফলত তেওঁ ৰাজনৈতিক ব্লগিঙক এটা মাধ্যম হিচাপে মনোনিৱেশ কৰিছিল।^২০ বিড়ম্বনাৰ কথাটো হ'ল, তেওঁ লক্ষ্য কৰিছিল যে তেওঁৰ পৰিয়াল আৰু তেওঁৰ তেতিয়াৰ স্বামী ভাৰতীয় জনতা পাৰ্টীৰ সমৰ্থক আছিল, আৰু তেওঁলোকে তেওঁৰ ব্লগটো কেতিয়াও পঢ়া নাছিল।^২ তেওঁ বৰ্ণনা কৰিছিল যে এই সময়ছোৱাত তেওঁৰ বিবাহ "বিচ্ছিন্ন হৈ পৰিছিল"৷ এসময়ত তেওঁ বিবাহ বিচ্ছেদ কৰিছিল।^২০