বাখচিছাৰাই গুহা মঠ

বাখচিছাৰাই গুহা মঠ( Bakhchysarai Cave Monastery), ডৰ্মিচন মঠৰ গুহা বা উচপেনস্কি গুহা মঠ বুলিও জনাজাত, ‌ই ক্ৰিমিয়াৰ বাখচিছাৰাই চহৰৰ ওচৰত অৱস্থিত। ই এটা শিলৰ পৰা খোদিত কৰা গুহাৰ মঠ, যিটো অষ্টম শতিকাত প্ৰতিষ্ঠা হোৱা বুলি বিশ্বাস কৰা হয়।^১

ইতিহাস

মঠটোৰ প্ৰতিষ্ঠাৰ তাৰিখ বিতৰ্কিত যদিও স্থানীয় সন্ন্যাসীসকলে কয় যে ইয়াৰ উৎপত্তি অষ্টম শতিকাৰ পৰাই হৈছিল। কিন্তু যেতিয়া বাইজেণ্টিয়ামে এই অঞ্চলত নিজৰ নিয়ন্ত্ৰণ হেৰুৱাই তেতিয়া ইয়াক পৰিত্যাগ কৰা হৈছিল।^১ বৰ্তমানৰ মঠৰ প্ৰতিষ্ঠানটো ১৫ শতিকাৰ পৰাই আৰম্ভ হৈছিল, যিটো কিয়ভ-পেচেৰ্চ্ক লাভ্ৰাৰ মঠৰ সন্ন্যাসীসকলে প্ৰতিষ্ঠা কৰিছিল।^২ মঠটো শিলৰ দেৱালৰ পৰা খোদিত কৰা হৈছে। অট্টালিকাবোৰ বগা ৰং কৰা হৈছে আৰু তাৰ ওপৰত সোণৰ গম্বুজ আছে।^৩

১৫ আৰু ১৮ শতিকাৰ ভিতৰত এই মঠটো পূব অৰ্থডক্স খ্ৰীষ্টান ধৰ্মৰ এক গুৰুত্বপূৰ্ণ কেন্দ্ৰত পৰিণত হয় আৰু গ্ৰীচত মুছলমান নিৰ্যাতনৰ পৰা পলায়ন কৰা লোকসকলৰ বাবে আশ্ৰয় প্ৰদান কৰে। ^১ ১৭৭৮ চনৰ আশে-পাশে ক্ৰিমিয়াৰ পৰা খ্ৰীষ্টানসকলক বহিষ্কাৰ কৰাৰ পিছত এই মঠটোৰ অৱনতি ঘটিবলৈ আৰম্ভ কৰে। গ্ৰীকসকলে গীৰ্জাৰ পৰা ঈশ্বৰৰ মাতৃৰ পবিত্ৰ প্ৰতিমূৰ্তি আঁতৰাই মাৰিউপলৰ আন এটা গীৰ্জালৈ লৈ যায় আৰু ১৯১৮ চনলৈকে তাতেই থাকে; তাৰ পিছত ই হেৰাই গ'ল।^১৪

১৯২১ চনত ধৰ্মবিৰোধী আইনৰ বাবে ছোভিয়েট চৰকাৰে মঠটো বন্ধ কৰি দিয়ে। ছোভিয়েট ইউনিয়ন ভংগ আৰু ইউক্ৰেইনৰ স্বাধীনতাৰ পিছত মঠটো পুনৰুদ্ধাৰ কৰা হয়, সন্ন্যাসীসকল ঘূৰি আহে আৰু ১৯৯৩ চনত ইয়াক জনসাধাৰণৰ বাবে মুকলি কৰা হয়।^৩৫