বাংলা (মদ)

বাংলা^১২ হৈছে এটা মদ, যি শাৰ্কৰ পৰা নিৰ্মিত হয় আৰু পশ্চিমবংগত বিক্ৰী কৰা হয়। চৰকাৰ অনুমোদিত বিক্ৰয়কেন্দ্ৰসমূহত এই পানীয়টো উপলব্ধ। বাংলা এটা পাতন কৰা দেশী মদ। উল্লেখযোগ্য বাংলা মদৰ ব্ৰেণ্ডসমূহ হৈছে উৰণ, কেপ্টেইন, পিনকন বাংলা নম্বৰ ৱান, সেনগুপ্তাৰ পাঞ্চ, সেনগুপ্তাৰ স্পাৰ্ক, টাৰ্জান, দাদা, ৱাণ্ডাৰ আদি।^৩

উপাদানসমূহ

বাংলা মদ জোৱাৰ, বজৰা আৰু গমৰ পৰা প্ৰস্তুত কৰা হয়।^৩

উৎপাদন আৰু ব্যৱহাৰ

২০১৫ চনৰ চৰকাৰী তথ্য অনুসৰি, পশ্চিমবংগৰ মদ বজাৰত ৪৮% ভাৰতীয় উৎপাদিত বিদেশী মদ (IMFL), ৩৯% বাংলা মদ, ১১% বীয়াৰ আৰু বাকী ২% দ্ৰাক্ষাৰস আৰু অন্যান্য মদৰ স্থান।^৩ সাধাৰণতে, বাংলা মদ সস্তা হোৱা বাবে সাধাৰণ জনতাই অধিক ব্যৱহাৰ কৰে।^৪ দেশীয় মদৰ বজাৰ বৃদ্ধি পাইছে, যাৰ কাৰণ হ’ল চৰকাৰী নীতিৰ পৰিৱৰ্তন, যাৰ ফলত বাংলা মদ অধিক বিক্ৰি স্থানত উপলব্ধ হৈছে, উৎপাদনৰ উন্নতি, উন্নত পেকেজিং আৰু নতুন বিপণন কৌশল।^৩ পশ্চিমবংগৰ আয়ৰ উল্লেখযোগ্য অংশ বাংলা মদৰ এক্সাইজ শুল্কৰ পৰা আহে। ২০১৪-১৫ বিত্তীয় বছৰত এই আয় ৩৬০০ কৰ টকালৈ বৃদ্ধি পাইছিল।^৩