ফাৰজানা আসলাম

ফাৰজানা আসলাম এগৰাকী পাকিস্তানৰ পদাৰ্থবিজ্ঞানী আৰু জ্যোতিৰ্বিজ্ঞানী। তেওঁ কভেণ্ট্ৰি বিশ্ববিদ্যালয়ৰ গণিত, পদাৰ্থ বিজ্ঞান আৰু জ্যোতিৰ্বিজ্ঞানৰ স্নাতক অধ্যয়নৰ প্ৰবক্তা। ^১ ইয়াৰ পূৰ্বে পাকিস্তানৰ কৰাচী বিশ্ববিদ্যালয়ৰ মহাকাশ আৰু গ্ৰহ জ্যোতিৰ্পদাৰ্থবিজ্ঞান প্ৰতিষ্ঠানত পদাৰ্থ বিজ্ঞান আৰু জ্যোতিৰ্বিজ্ঞানৰ অতিথি অধ্যাপিকা আছিল।

জীৱনী

শান্তিপূৰ্ণ পৰিৱেশ আৰু বিস্তৃত শৈক্ষিক সাধনাৰ বাবে পৰিচিত সৰু চহৰ ৱাহ কেণ্টত আচলামৰ জন্ম হৈছিল। তেওঁ ৱাহ ইঞ্জিনিয়াৰিং স্কুলত অধ্যয়ন কৰিছিল।^২ তেওঁ পঞ্জাৱ বিশ্ববিদ্যালয়ত নামভৰ্তি কৰে আৰু পদাৰ্থ বিজ্ঞানত প্ৰথম বিজ্ঞান স্নাতক (বি.এছ.চি.) ডিগ্ৰী লাভ কৰে। ^৩ ইয়াৰ পিছত তেওঁ ইছলামবাগলৈ গুচি যায় আৰু তাতেই কোৱাইদ-ই-আজম বিশ্ববিদ্যালয়ত অধ্যয়ন কৰি পদাৰ্থ বিজ্ঞানত স্নাতকোত্তৰ ডিগ্ৰী লাভ কৰে।

স্নাতকোত্তৰ ডিগ্ৰী লাভ কৰাৰ পাছত একেখন প্ৰতিষ্ঠানৰপৰাই কোৱাণ্টাম আৰু লেজাৰ পদাৰ্থ বিজ্ঞানত দৰ্শনত স্নাতকোত্তৰ (এম.ফিল.) লাভ কৰে। ইয়াৰ পিছত আচলামে মানচেষ্টাৰ বিশ্ববিদ্যালয়ত অধ্যয়নৰ বাবে যুক্তৰাজ্যলৈ গুচি যায়। ২০০৫ চনত মানচেষ্টাৰ বিশ্ববিদ্যালয়ৰ পদাৰ্থ বিজ্ঞান আৰু জ্যোতিৰ্বিজ্ঞান বিদ্যালয়ৰপৰা পদাৰ্থ বিজ্ঞান আৰু জ্যোতিৰ্বিজ্ঞানত ডাবল পি এইচ ডি লাভ কৰে। ২০০৫ চনত তেওঁ স্কুল অৱ ফিজিক্স এণ্ড এষ্ট্ৰ'নমিৰ সক্ৰিয় "ফ'টনিক্স ফিজিক্স গ্ৰুপ"ত যোগদান কৰে, য'ত তেওঁ দুটা ফ'টন পদাৰ্থ বিজ্ঞান আৰু লেজাৰ ফ'টনিক্সত বিশেষজ্ঞতা লাভ কৰে। ২০০৫ চনত লেজাৰ পদাৰ্থ বিজ্ঞানত পি এইচ ডি লাভ কৰে।^৪

পদাৰ্থ বিজ্ঞানৰ ডিগ্ৰী

পদাৰ্থ বিজ্ঞানত স্নাতকোত্তৰ ডিগ্ৰী সম্পূৰ্ণ কৰাৰ পাছত আচলামে পাঞ্জাৱ বিশ্ববিদ্যালয়ত প্ৰবক্তা হিচাপে যোগদান কৰে, য’ত তেওঁ স্নাতক আৰু স্নাতক পাঠ্যক্ৰমত পদাৰ্থ বিজ্ঞানৰ অধ্যাপনা কৰে। ^৫

মানচেষ্টাৰ বিশ্ববিদ্যালয়ত যোগদান কৰাৰ পিছৰেপৰা তেওঁ অৰ্ধপৰিবাহী নেনোকণাৰে সংবেদনশীল পলিমাৰ কম্পোজিটৰ ক্ষেত্ৰত এগৰাকী গুৰুত্বপূৰ্ণ গৱেষক হৈ পৰিছে, তথ্য সংৰক্ষণ আৰু প্ৰক্ৰিয়াকৰণ প্ৰয়োগৰ বাবে প্ৰয়োজনীয় উচ্চ মাত্ৰাৰ প্ৰতিক্ৰিয়াশীলতা আৰু বিৱৰ্তন কাৰ্যক্ষমতা লাভ কৰিছে। বিশ্ববিদ্যালয়ৰ ছাত্ৰ-ছাত্ৰীক স্নাতক গণিতৰ শিক্ষাও দি আহিছে। ^৬

তদুপৰি, মানচেষ্টাৰ বিশ্ববিদ্যালয়ৰ অভিযান্ত্ৰিক আৰু পদাৰ্থ বিজ্ঞান কাৰ্যসূচীত অংশগ্ৰহণ বৃদ্ধি কৰাৰ লক্ষ্যৰে অগডেন টিচিং ফেল’শ্বিপৰ জৰিয়তে আউটৰিচ কাৰ্যসূচীত সক্ৰিয়ভাৱে জড়িত হৈ আহিছে। এই ফেল’শ্বিপৰ উদ্দেশ্য হৈছে ব্ৰিটিছ ৰাজ্যিক বিদ্যালয়ত শিশুসকলৰ বাবে আদৰ্শ হিচাপে কৰ্মৰত বিজ্ঞানীসকলক নিয়োগ কৰা, নতুন প্ৰজন্মক বিজ্ঞান আৰু অভিযান্ত্ৰিক অধ্যয়ন কৰিবলৈ উৎসাহিত কৰা। ২০০৪ চনৰ ৫-৯ ছেপ্টেম্বৰলৈকে গ্লাছগোৰ পদাৰ্থ বিজ্ঞান প্ৰতিষ্ঠানৰ উদ্যোগত অনুষ্ঠিত হোৱা ফ’টন ০৪ সন্মিলনত তেওঁৰ অৱদানৰ বাবে তেওঁ বঁটা লাভ কৰে।

পাকিস্তানী মহিলাৰ ওপৰত মতামত

আচলামৰ দৃঢ়-বিশ্বাস যে পাকিস্তানী মহিলাৰ বুদ্ধিমত্তা আৰু যিকোনো বৃত্তিত অংশগ্ৰহণ কৰাৰ সম্ভাৱনা আছে। তেওঁলোকে সমাজৰ উন্নয়নত ইতিবাচক অৱদান আগবঢ়াব পাৰে আৰু ইয়াক সুস্থ আৰু শক্তিশালী ভেটিত গঢ়ি তোলাত গুৰুত্বপূৰ্ণ ভূমিকা পালন কৰিব পাৰে। তেওঁলোকে জীৱনৰ সকলো ক্ষেত্ৰতে, বিশেষকৈ ব্যক্তিগত, সামাজিক, অৰ্থনৈতিক, ৰাজনৈতিক ক্ষেত্ৰত নিজৰ সম্পূৰ্ণ সম্ভাৱনা উপলব্ধি কৰিব লাগিব আৰু তেওঁলোকে বুজিব লাগিব যে তেওঁলোকে নিজৰ ইছলামিক মূল্যবোধক বজাই ৰাখি এই কাম কৰিব পাৰে।

প্ৰকাশিত কৰ্মৰাজি

গৱেষণামূলক প্ৰবন্ধ

• (নেনোকণা-সংবেদনশীল ফটোৰিফ্ৰেক্টিভ পলিমাৰৰ বৰ্ণালীবিজ্ঞান অধ্যয়ন ১৭ )Spectroscopic studies of nanoparticle-sensitised photorefractive polymers 17 por Farzana Aslam; David J. Binks; Steve Daniels; Nigel Pickett; Paul O'Brien. Journal of Chemical Physics v. 316, 2005, p. 17
• (1-hexadecylamineদ্বাৰা নিষ্ক্ৰিয় CdSe নেনোকণাদ্বাৰা সংবেদনশীল পলিমাৰ কম্পোজিটৰ ফটোবিৱৰ্তন কাৰ্য্যক্ষমতা) Photorefractive performance of polymer composite sensitised by CdSe nanoparticles passivated by 1-hexadecylamine, por David J. Binks, Mark D. Rahn, David P. West, Paul O’Brien y Nigel Pickett. Journal of Modern Optics, v. 52 ( 7), 2005, P 945-953.
• .( এটা CdSe/ZnS কোৰ/শ্বেল নেনোকণা সংবেদনশীল পলিমাৰৰ আলোকবিৱৰ্তন কাৰ্য্যক্ষমতা) Photorefractive performance of a CdSe/ZnS core/shell nanoparticle sensitised polymer. Journal of Chemical Physics v. 316, 2005, p. 171-
• (ইফেক্ট অৱ নানো পাৰ্টিকল কমপজিচন অন দ্য পৰফৰ্মেচন অৱ ফটোৰিফেক্টিভ পলিমাৰচ) por F. Aslam, J.Stevenson-Hill, David J. Binks, Steve Daniels, Nigel Pickett y Paul O’ Brien. Chemical Physics v. 333, 2007, p. 42