প্ৰীতি সাৰণ

প্ৰীতি সাৰণ (:Preeti Saran জন্ম ৫ ছেপ্টেম্বৰ ১৯৫৮) ভাৰতীয় বৈদেশিক সেৱাৰ কেডাৰ ১৯৮২ ব্যাচৰ এগৰাকী ভাৰতীয় চৰকাৰী কৰ্মচাৰী। ২০১৮ চনৰ ডিচেম্বৰ মাহত সাৰণ ২০১৯ চনৰ ১ জানুৱাৰীৰ পৰা ২০২২ চনৰ ৩১ ডিচেম্বৰলৈকে ৰাষ্ট্ৰসংঘৰ অৰ্থনৈতিক, সামাজিক আৰু সাংস্কৃতিক অধিকাৰ সমিতিলৈ বিনাপ্ৰতিদন্দিতাৰে নিৰ্বাচিত হয়। ^১

ব্যক্তিগত জীৱন

প্ৰীতি সাৰণে বি.এ. (অনাৰ্ছ) ডিগ্ৰী আৰু দিল্লী বিশ্ববিদ্যালয়ৰ লেডী শ্ৰী ৰাম কলেজ ফৰ উইমেনৰ পৰা ইংৰাজী বিষয়ত স্নাতকোত্তৰ ডিগ্ৰী লাভ কৰে। তেওঁ পংকজ সাৰণৰ সৈতে বিবাহ হৈছিল।^২ পংকজ সাৰণ ভাৰতীয় বৈদেশিক সেৱাৰ অন্তৰ্গত চৰকাৰী কৰ্মচাৰী আছিল^৩ আৰু ভাৰতৰ উপ-ৰাষ্ট্ৰীয় নিৰাপত্তা উপদেষ্টা হিচাপে কাৰ্যনিৰ্বাহ কৰি আহিছে। তেওঁলোকৰ দুজন পুত্ৰ আছে।^৪

কৰ্ম জীৱন

১৯৮২ চনৰ আগষ্ট মাহত প্ৰীতি সাৰণ ভাৰতীয় বৈদেশিক সেৱাত যোগদান কৰে। তেওঁ যথাক্ৰমে মস্কো, ঢাকা, কায়ৰো, জেনেভা, টৰন্টো আৰু ভিয়েটনামত ভাৰতীয় মিছনত সেৱা আগবঢ়াইছিল। ^১ সাৰণ টৰন্টোত ভাৰতৰ কনছুল জেনেৰেল আৰু ভিয়েটনামত ভাৰতৰ ৰাষ্ট্ৰদূত আছিল। ২০১৬ চনৰ মাৰ্চৰ পৰা ২০১৮ চনৰ ৩০ ছেপ্টেম্বৰলৈকে ভাৰতৰ বৈদেশিক পৰিক্ৰমা মন্ত্ৰালয়ত সচিব (পূব) হিচাপে কাৰ্যনিৰ্বাহ কৰিছিল।^৫

সাৰণ ২০১৯ চনৰ ১ জানুৱাৰীৰ পৰা ২০২২ চনৰ ৩১ ডিচেম্বৰলৈকে ৰাষ্ট্ৰসংঘৰ অৰ্থনৈতিক, সামাজিক আৰু সাংস্কৃতিক অধিকাৰ সমিতিৰ সদস্য হয়।^১ ভিজন ইণ্ডিয়া ফাউণ্ডেশ্যনৰ চেণ্টাৰ ফৰ ষ্ট্ৰেটেজিক এণ্ড ফৰেইন ৰিলেচনৰ গুৰু হিচাপেও কাৰ্যনিৰ্বাহ কৰি আহিছে।^৬