প্ৰিয়ংকা শ্বাহ

প্ৰিয়ংকা শ্বাহ (ইংৰাজী: Priyanka Shah) এগৰাকী ভাৰতীয় প্ৰাক্তন নেটবল খেলুৱৈ, অভিনেত্ৰী আৰু সৌন্দৰ্য্য প্ৰতিযোগিতাৰ খিতাপধাৰী। ২০০৭ চনৰ মিছ টুৰিজিম ইণ্ডিয়াৰ বিজয়ী আৰু ২০০৭ চনৰ ফেমিনা মিছ ইণ্ডিয়াৰ চূড়ান্ত প্ৰতিযোগী। তেওঁ ২০০৫ চনৰ গেট গৰ্জিয়াছৰো বিজয়ী।

প্ৰাৰম্ভিক জীৱন আৰু কেৰিয়াৰ

শ্বাহৰ পিতৃ-মাতৃ মহাৰাষ্ট্ৰৰ আৰু গুজৰাটী।^১ শ্বাহে এম আই টি কলেজ পুনেৰ পৰা অভিযান্ত্ৰিকত স্নাতক ডিগ্ৰী লাভ কৰিছে।

২০০২ চনত মালয়েছিয়াত অনুষ্ঠিত হোৱা এছিয়ান যুৱ চেম্পিয়নশ্বিপত শ্বাহে নেটবলত অভিষেক ঘটায়।^২ ভাৰতৰ ৰাষ্ট্ৰীয় নেটবল দলৰ প্ৰাক্তন অধিনায়ক।^৩ ২০০৫ চনৰ এছিয়ান নেটবল চেম্পিয়নশ্বিপত তেওঁ জাতীয় দলৰ অধিনায়ক আছিল।^৪

২০০৫ চনত তেওঁ ৰিয়েলিটি টেলিভিছন শ্ব' গেট গৰ্জিয়াছৰ দ্বিতীয় সংস্কৰণত জয়ী হয়।^৫

২০০৮ চনত অভিনেতা ছিবিৰাজ আৰু কানাড়া অভিনেতা বিশাল হেজৰ সৈতে কল্লা কাধলান (Kalla Kadhalan) নামৰ এখন তামিল ছবিৰ জৰিয়তে অভিষেক ঘটোৱাৰ কথা আছিল যদিও ছবিখন স্থগিত কৰা হৈছিল। শ্বাহে মুম্বাইৰ কিশোৰ নমিত কুমাৰ অভিনয় বিদ্যালয়ত অভিনয়ৰ পাঠ্যক্ৰম সম্পূৰ্ণ কৰিছে।