প্ৰিয়ংকা জাৰকিহোলি

প্ৰিয়ংকা সতীশ জাৰকিহোলি (জন্ম ১৬ এপ্ৰিল ১৯৯৭) কৰ্ণাটকৰ এগৰাকী ভাৰতীয় ৰাজনীতিবিদ। বেলগাড়ি জিলাৰ চিক্কোডি লোকসভা সমষ্টিৰ পৰা তেওঁ প্ৰথমবাৰৰ বাবে সাংসদ হয়। তেওঁ ভাৰতীয় জাতীয় কংগ্ৰেছক প্ৰতিনিধিত্ব কৰে। তেওঁ কৰ্ণাটকত ২০২৪ চনৰ ভাৰতীয় সাধাৰণ নিৰ্বাচনত জয়ী হৈছিল।^১ তেওঁ ২০২৪ চনত ভাৰতৰ দ্বিতীয় কনিষ্ঠ মহিলা সাংসদ হিচাপে বিবেচিত হয়৷^২

প্ৰাথমিক জীৱন আৰু শিক্ষা

কংগ্ৰেছ নেতা তথা বিধানসভাৰ সদস্য সতীশ জাৰকিহোলিৰ কন্যা প্ৰিয়ংকা কৰ্ণাটকৰ চিক্কোড়ীৰ য়ামাকনমৰ্দি গাঁৱৰ জনজাতীয় সম্প্ৰদায়ৰ।^৩ তেওঁ নিজাকৈ ব্যৱসায় চলায়। ২০২১ চনত কৰ্ণাটকৰ বেলাগাভিৰ বিশ্বেশ্বৰয় প্ৰযুক্তিবিদ্যা বিশ্ববিদ্যালয়ৰ পৰা তেওঁ বিজনেছ এডমিনিষ্ট্ৰেচনত স্নাতকোত্তৰ ডিগ্ৰী লাভ কৰে।^৪

কৰ্মজীৱন

বেলগাম জিলাৰ চিক্কোডি লোকসভা সমষ্টিৰ পৰা (কৰ্ণাটকত) ২০২৪ চনৰ ভাৰতীয় সাধাৰণ নিৰ্বাচনত অংশগ্ৰহণ কৰি প্ৰিয়ংকাই ৰাজনৈতিকভাৱে অভিষেক ঘটায়। তেওঁ ভাৰতীয় জনতা পাৰ্টীৰ অন্নচাহেব শংকৰ জোলেক ৯০,৮৩৪ ভোটৰ ব্যৱধানত পৰাস্ত কৰে। তেওঁ মুঠ ভোটদানৰ ৫১.২১ শতাংশ ভোটৰ অংশীদাৰিত্ব লাভ কৰে।^৫

কৰ্ণাটকৰ অসংৰক্ষিত আসন লাভ কৰা তেওঁ প্ৰথমগৰাকী জনজাতীয় মহিলা। ২০২৪ চনত সংসদলৈ নিৰ্বাচিত হোৱা তেওঁ দ্বিতীয় গৰাকী কনিষ্ঠ সাংসদ। সদনলৈ নিৰ্বাচিত হোৱা সময়ত অৰ্থাৎ ২০২৪ চনৰ ৪ জুনত তেওঁৰ বয়স হৈছিল ২৭ বছৰ, ১ মাহ, ১৮ দিন।^২