প্ৰমথেশ বৰুৱা মহাবিদ্যালয়

প্ৰমথেশ বৰুৱা মহাবিদ্যালয় (Pramathesh Barua College) ১৯৬৪ চনৰ ১ জুনত প্ৰতিষ্ঠা হোৱা অসমৰ এখন আগশাৰীৰ শিক্ষানুষ্ঠান। মহাবিদ্যালয়খন ধুবুৰী জিলাৰ গৌৰীপুৰত অৱস্থিত। প্ৰমথেশ চন্দ্ৰ বৰুৱা, ড° বীৰেন্দ্ৰনাথ দত্ত, ড° কৃষ্ণ কুমাৰ বৰা, অধ্যাপক জয়ন্ত কুমাৰ চক্ৰৱৰ্তী, অধ্যাপক গঙ্গা শংকৰ পাণ্ডে, ড° অচিত কুমাৰ দাস আদিৰ দৰে শৈক্ষিক প্ৰশাসকৰ অধীনত মহাবিদ্যালয়খনে অগ্ৰগতি লাভ কৰে। আৰম্ভণিতে মহাবিদ্যালয়খন অঞ্চলটোৰ জনসাধাৰণৰ সহযোগিতাৰ লগতে গৌৰীপুৰৰ জমিদাৰ পৰিয়ালৰ আৰ্থিক সহযোগিতাৰে আৰম্ভ হৈছিল। এই সহ-শিক্ষামূলক উচ্চ শিক্ষানুষ্ঠানখন পৰৱৰ্তী সময়ত চৰকাৰে গ্ৰহণ কৰে। ১৯৬৯ চনত ই গুৱাহাটী বিশ্ববিদ্যালয়ৰ সৈতে স্থায়ী সংযোগ লাভ কৰে।^{১ ২}

ইতিহাস

১৯৬৪ চনত প্ৰতিষ্ঠিত এই মহাবিদ্যালয়খন প্ৰমথেশ চন্দ্ৰ বৰুৱাৰ স্মৃতিত নামাকৰণ কৰা হৈছে।

পাঠ্যক্ৰম

প্ৰমথেশ বৰুৱা মহাবিদ্যালয়ে কলা আৰু বাণিজ্য দুয়োটা শাখাতে উচ্চতৰ মাধ্যমিক আৰু স্নাতক পাঠ্যক্ৰম প্ৰদান কৰে। তদুপৰি মহাবিদ্যালয়খনৰ বিভিন্ন বিভাগে Add on courseৰ পাঠ্যক্ৰম প্ৰদান কৰে। যেনে-

Certificate Course on Terracotta Tradition (Assamese)

1. Certificate Course on Life Skill (Commerce)
2. Certificate Course on Rural Development (Economocis)
3. Certificate Course on Spoken English (English)
4. Certificate Course on Importance of Voting (Political Science)
5. Certificate Course on Yoga (Individual Course)
6. Certificate Course on Written English (Individual Course) ^৩

অধ্যক্ষসকলৰ তালিকা

^৪

বিভাগ

মহাবিদ্যালয়খনত বৰ্তমান মুঠ ১৫ টা বিভাগ আছে।কলা শাখাত ১৩ টা বিভাগ আৰু বাণিজ্য শাখাত ৩ টা বিভাগ আছে।^৫

কলা শাখা

1. অসমীয়া বিভাগ
2. ইংৰাজী বিভাগ
3. সংস্কৃত বিভাগ
4. বাংলা বিভাগ
5. ইতিহাস বিভাগ
6. ৰাজনীতি বিজ্ঞান বিভাগ
7. অৰ্থনীতি বিভাগ
8. দৰ্শন বিভাগ
9. শিক্ষা বিভাগ
10. হিন্দী বিভাগ
11. গণিত বিভাগ
12. আৰবী বিভাগ

বাণিজ্য শাখা

1. বিত্তীয় বিভাগ
2. হিচাপ বিজ্ঞান বিভাগ
3. বিত্তীয় ব্যৱস্থাপনা বিভাগ

বিভাগসমূহৰ পৰিচয়

১। অসমীয়া:

মহাবিদ্যালয়খন প্ৰতিষ্ঠা হোৱাৰ সমান্তৰালভাৱে ১৯৬৪ চনতে অসমীয়া বিভাগ প্ৰতিষ্ঠা কৰা হৈছিল। বিভাগটোৱে কলা (১৯৬৪) আৰু বণিজ্য (১৯৭৯) দুয়োটা শাখাত উচ্চতৰ মাধ্যমিক আৰু ডিগ্ৰী পাঠ্যক্ৰম প্ৰদান কৰে। ১৯৬৬ চনত গুৱাহাটী বিশ্ববিদ্যালয়ৰ অধীনত অসমীয়া বিষয়ত সন্মান পাঠ্যক্ৰম আৰম্ভ হয়।

প্ৰাক্তন অধ্যাপক-অধ্যাপিকা

• সাবিত্ৰী চৌধুৰী (১৯৬৪-৬৫)
• অমল কুমাৰ চৌধুৰী (১৯৬৫-৯২)
• ড° ধীৰেণ দাস (১৯৬৭-২০০০)
• ড° উপেন্দ্ৰনাথ সৰকাৰ (১৯৬৯-২০০১)
• ড° সুনীল কুমাৰ দত্ত (১৯৭৮-৭৯)
• ড° দ্বিজেন্দ্ৰ নাথ ভকত (১৯৮১-৮২)
• ঘনকান্ত দাস (১৯৮২-২০১৭)
• ড° গীতা সৰকাৰ (১৯৮৮-২০১৯)
• ড° ধীৰেণ চন্দ্ৰ বৰ্মন (১৯৯৫-২০২৩)।

বৰ্তমান কৰ্মৰত অধ্যাপক-অধ্যাপিকা

• ড° আখতাৰুল ইছলাম (বিভাগীয় প্ৰধান) (২০০২- )
• ড° জ্যোৎস্না দেৱী (২০২২- )
• হেমচন্দ্ৰ মিলি (২০২২- )
• নিকুমণি দাস।(২০২৪- ) ^৬

স্বীকৃতি

২০২৪ বৰ্ষত ৰাষ্ট্ৰীয় মূল্যাংকন আৰু স্বীকৃতি পৰিষদ (NAAC)-ৰ মূল্যায়ণত মহাবিদ্যালয়খনে বি+ স্বীকৃতি লাভ কৰিছে।^৭