পেৰ্নিয়া কুৰেশ্বী

পেৰ্নিয়া কুৰেশ্বী (ইংৰাজী ভাষা: Pernia Qureshi) এগৰাকী ভাৰতীয় আমেৰিকা যুক্তৰাষ্ট্ৰন ফেশ্বন উদ্যোগী আৰু শাস্ত্ৰীয় নৃত্যশিল্পী। তেওঁ বৰ্তমান নতুন দিল্লী আৰু মুম্বাইত বসবাস কৰে।^১২৩৪

ব্যক্তিগত জীৱন

কুৰেশ্বীৰ শিপা উত্তৰ প্ৰদেশৰ ৰামপুৰ চহৰৰ সৈতে জড়িত।^৫ তেওঁ ভাৰতৰ মুছৌৰীৰ উডষ্টক স্কুলৰপৰা স্কুলীয়া শিক্ষা সমাপ্ত কৰিছিল আৰু তেওঁ জৰ্জ ৱাশ্বিংটন বিশ্ববিদ্যালয়ৰ এগৰাকী প্ৰাক্তন ছাত্ৰী।^৬২৭

জীৱন আৰু কৰ্মজীৱন

সৰুৰেপৰাই তেওঁ পদ্মভূষণ বঁটা বিজয়ী ৰাজা আৰু ৰাধা ৰেড্ডীৰ শিষ্যত্বত এগৰাকী কুচিপুডী নৃত্যশিল্পী হিচাপে প্ৰশিক্ষণ গ্ৰহণ কৰিছে। তেওঁ ভাৰতৰ লগতে সমগ্ৰ বিশ্বতে নৃত্য প্ৰদৰ্শন কৰিছে। তেওঁৰ অনুষ্ঠানসমূহৰ ভিতৰত কমনৱেলথ গেমছ, খাজুৰাহো নৃত্য মহোৎসৱ আৰু জশন-এ-ৰেখতা মহোৎসৱ অন্যতম।^৮

কৰ্মজীৱনৰ আৰম্ভণিতে কুৰেশ্বীয়ে হাৰ্পাৰছ বজাৰ, এলে আৰু কণ্ডে নাষ্টৰ শৈলী বিশেষজ্ঞ হিচাপে কাম কৰিছিল আৰু ২০১০ চনৰ বলিউড ছবি আইশাৰ বাবে পোছাক ডিজাইন কৰিছিল। ২০১২ চনত কুৰেশ্বীৰ উদ্যোগী যাত্ৰা আৰম্ভ হয় যেতিয়া তেওঁ 'পেৰ্নিয়াছ পপ আপ শ্বপ' প্ৰতিষ্ঠা কৰে। এয়া আছিল বিশ্বজুৰি গ্ৰাহকক ভাৰতীয় ডিজাইনাৰৰ পোছাক বিক্ৰী কৰা ভাৰতৰ প্ৰথমটো ই-কমাৰ্চ প্লেটফৰ্ম।^৯

কুৰেশ্বী এগৰাকী প্ৰকাশিত লেখিকা। কেৰিয়াৰৰ আৰম্ভণিতে তেওঁ পেংগুইন ৰেণ্ডম হাউচ ইণ্ডিয়াৰ সৈতে বি ষ্টাইলিছ উইথ পেৰ্নিয়া কুৰেশ্বী শীৰ্ষক এখন কিতাপ মুকলি কৰিছিল। ২০১৩ চনৰ অক্টোবৰ মাহত প্ৰকাশিত এই কিতাপখন দক্ষিণ এছীয় মহিলাসকলৰ বাবে এখন ফেশ্বন গাইড। ইয়াত শৰীৰৰ গঠন, সাংস্কৃতিক প্ৰেক্ষাপট আৰু বিভিন্ন অনুষ্ঠানৰ পোছাক আদিৰ বিষয়ে আলোচনা কৰা হৈছে। শেহতীয়াকৈ কুৰেশ্বীয়ে ৰোলি বুকছৰ সৈতে আম্মিছ কিচেন নামৰ এখন কিতাপ প্ৰকাশ কৰিছে। ইয়াত উত্তৰ প্ৰদেশৰ ৰামপুৰৰ শ্ৰেষ্ঠ ব্যঞ্জনসমূহৰ লগতে তেওঁৰ আইতাকৰ হাতৰ পৰম্পৰাগত ৰন্ধন প্ৰণালীসমূহ সন্নিৱিষ্ট কৰা হৈছে।^{১০১১১২}

২০২৪ চনত কুৰেশ্বীয়ে বিলাসিতা, জীৱন-শৈলী আৰু ফেশ্বন শ্ৰেণীত ভাৰতৰ প্ৰথমটো ভিডিঅ' পডকাষ্ট আৰম্ভ কৰে। 'ফেশ্বনেবলি কুৰেশ্বী' হৈছে বৰ্তমান ভাৰতৰ এই উদ্যোগসমূহৰ ওপৰত এক ভাষ্য আৰু প্ৰতিফলন। সব্যসাচী মুখাৰ্জী, মনীষ মালহোত্ৰা আৰু সোণম কাপুৰৰ দৰে জীৱন-শৈলী আৰু ফেশ্বন জগতৰ অগ্ৰগামী ব্যক্তিসকলে ইয়াত অতিথি হিচাপে অংশ লৈছে। এই পডকাষ্টটো বাবে স্পটিফাই আৰু ইউটিউবত উপলব্ধ।

ইনষ্টাগ্ৰামত বৃহৎসংখ্যক অনুগামী থকা কুৰেশ্বীয়ে ডাইচন, জিঅ' ৱৰ্ল্ড প্লাজা, বিএমডব্লিউ, কনৰাড হোটেলছ, লেভিছ আৰু লেনকম (Lancome Paris) আদিকে ধৰি কেইবাটাও ব্ৰেণ্ডৰ সৈতে অংশীদাৰিত্ব কৰিছে।

কৰ্মৰাজি

পেৰ্নিয়াই মুজফ্ফৰ আলীৰ স্বাধীনতাৰ পূৰ্বৰ ভাৰতৰ পটভূমিত নিৰ্মিত পিৰিয়ড ড্ৰামা ছবি জানিসাৰত এগৰাকী তৱাইফৰ মুখ্য চৰিত্ৰত অভিনয় কৰিছিল। এই ছবিখন ২০১৫ চনৰ ৭ আগষ্টত মুক্তি লাভ কৰিছিল।