পেভিটা পিয়ৰ্চ

পেভিটা ক্লিঅ’ আইলিন পিয়ৰ্চ (ইংৰাজী: Pevita Cleo Eileen Pearce; জন্ম: ৬ অক্টোবৰ ১৯৯২) এগৰাকী ব্ৰিটিছ-ইণ্ডোনেছিয়া অভিনেত্ৰী আৰু মডেল। তেওঁ ৱেল্ছ আৰু বাঞ্জাৰ বংশৰ।

জীৱন আৰু শিক্ষা

পেভিটা পিয়ৰ্চ ৬ অক্টোবৰ ১৯৯২ত জাকাৰ্টা, ইণ্ডোনেছিয়াত জন্ম গ্ৰহণ কৰে। তেওঁৰ পিতৃ হৈছে ইংলেণ্ডৰ ব্ৰামৱেল পিয়ৰ্চ আৰু মাতৃ অৰ্নি আওলিয়াছাৰী। জুনিয়ৰ স্কুলৰ পিছত তেওঁ SMP Al-Azhar 9, কেমাং, দক্ষিণ জাকাৰ্টালৈ যায়, তাৰ পিছত SMA Al-Azhar আৰু SMA HighScope-ত শিক্ষা গ্ৰহণ কৰে। ২০১১ চনত নিউ ইয়ৰ্ক ফিল্ম একাডেমীত অধ্যয়ন কৰে আৰু ২০১২–২০১৪ চনত La Salle College International Jakarta-ত অধ্যয়ন শেষ কৰে।

কেৰিয়াৰ

পিয়ৰ্চে ২০০৬ চনত ডেনিয়াছ, চেনানডুং দি আটাছ আৱান চলচ্চিত্ৰত এঞ্জেলৰ চৰিত্ৰত অভিনয় কৰি খ্যাতি লাভ কৰে।^১ একে বছৰত তেওঁ ধাৰাবাহিক মুতিয়ৰা হতিৰ দ্বিতীয় চিজনত টাৰাৰ চৰিত্ৰত অভিনয় কৰে।^২

২০০৮ চনত পিয়ৰ্চ লষ্ট ইন লাভ চলচ্চিত্ৰত টিটাৰ চৰিত্ৰত অভিনয় কৰে।^৩ এই চৰিত্ৰ লাভ কৰিবলৈ তেওঁ ১,১০০ জন প্ৰাৰ্থীৰ মাজৰপৰা ৮জন চূড়ান্ত প্ৰাৰ্থীৰ সৈতে প্ৰতিযোগিতা কৰি নিৰ্বাচিত হৈছিল। এই চলচ্চিত্ৰৰ বাবে তেওঁ ২০০৮ চনৰ চিত্ৰা এৱাৰ্ড ফৰ বেষ্ট এক্ট্ৰেছত মনোনীত হৈছিল।^৪

ব্যক্তিগত জীৱন

সম্পৰ্ক

পিয়ৰ্চ ২০১০–২০১২ চনৰ মাজত গায়ক অনিন্দ্য বস্কোৰোৰ সৈতে সম্পৰ্কত আছিল। তেওঁ ৰেছিং ড্ৰাইভাৰ মৰেনো সোএপ্ৰাপ্টো, অভিনেতা বান্যু বীৰু, ব্যৱসায়ী ইন্দ্ৰ প্ৰিয়ৱান জোকোসুতোনো আৰু মডেল মাইক লুইছৰ সৈতে সম্পৰ্কত থকা বুলি জনা যায়। তেওঁ ২০২৪ চনত মালয়েছিয়াৰ ব্যৱসায়ী মীৰ্জান মীৰৰ সৈতে বিবাহবন্ধনত আবদ্ধ হয়।^৫৬

ৰোগ

২০১৪ চনত পিয়ৰ্চৰ বুকুত টিউমাৰ চিনাক্ত হয়, যিটো তেওঁ মেৰেচিয়াত অপসাৰণ কৰে।^৭