পূব ইম্ফল জিলা

পূব ইম্ফল জিলা (Imphal East district, Pron:/ˈɪmfəl or ɪmˈfɑːl/) উত্তৰ-পূব ভাৰতৰ মণিপুৰ ৰাজ্যৰ এখন জিলা৷ ২০১১ চনৰ লোকপিয়ল অনুসৰি পশ্চিম ইম্ফল জিলাৰ পিছতে এই জিলা মণিপুৰৰ দ্বিতীয় জনবহুল জিলা৷^১ ১৯৯৭ চনৰ ১৮ জুনত পূব ইম্ফাল জিলা প্ৰতিষ্ঠা হয়৷

ভৌগোলিক অৱস্থান

পূব ইম্ফল জিলাৰ সদৰ ঠাই প’ৰম্পাত (Porompat) নগৰ৷ জিলাখনৰ মুঠ মাটিকালি ৭১০ বৰ্গ কিলোমিটাৰ৷ জিলাখন সাগৰ পৃষ্ঠৰ পৰা গড়ে ৭৯০ মিটাৰ উচ্চতাত অৱস্থিত৷ এই জিলাৰ উষ্ণতা সৰ্বনিম্ন ০.৬ ডিগ্ৰীৰ পৰা সৰ্বোচ্চ ৪১ ডিগহৰী ছেলছিয়াছ পৰ্যন্ত হ’ব পাৰে৷ জিলাখনত কোনো ৰেলপথেৰে সংযোগী নহয়৷ জিলাখন ৩৯, ৫৩ আৰু ১৫০ নং ৰাষ্ট্ৰীয় ঘাইপথেৰে সংযুক্ত৷

জনসংখ্যা

২০১১ চনৰ লোকপিয়ল অনুসৰি পূব ইম্ফল জিলাৰ মুঠ জনসংখ্যা ৪,৫২,৬৬১ জন৷^১ ভাৰতৰ মুঠ ৬৪০ খন জিলাৰ ভিতৰত জনসংখ্যাৰ ফালৰ পৰা এই জিলাৰ স্থান ৫৫১৷^১ জিলাখনৰ জনবসতিৰ ঘনত্ব প্ৰতি বৰ্গকিলোমিটাৰত ৬৩৮ জন৷^১ ২০০১-২০১১ দশকত এই জিলাৰ জনসংখ্যা বৃদ্ধিৰ হাৰ আছইল ১৪.৬৩% ৷^১ পূব ইম্ফল জিলাৰ প্ৰতি ১০০০ গৰাকী পুৰুষৰ বিপৰীতে মহিলাৰ সংখ্যা ১০১১ গৰাকী আৰু সাক্ষৰতাৰ হাৰ ৮২.৮১%৷^১

প্ৰশাসন

পূব ইম্ফল জিলা তিনিটা মহকুমাত বিভক্ত:

• প’ৰম্পাত (Porompat)
• কেইৰাও বিত্ৰা (Keirao Bitra)
• চাৱ'মবুং (Sawombung)

শেহতীয়াকৈ এই জিলাৰে কিছু অংশ পৃথক কৰি জিৰিবাম জিলা (Jiribam ) গঠন কৰা হয়৷

অৰ্থনীতি

কৃষি

কৃষি এই জিলাৰ মূল অৱলম্বন৷ এই জিলাত উৎপাদিত মূল শস্যসমূহ হৈছে ধান, আলু আৰু শাক-পাচলি৷ অন্যান্য শস্যৰ ভিতৰত কুঁহিয়াৰ, ঘেঁহু, সৰিয়হ আদি উল্লেখযোগ্য৷ জিলাখনৰ ৪৫০ হেক্টৰ গোমধান, ৬০ হেক্টৰ ঘেঁহু আৰু ৩৫০ হেক্টৰ আলু খেতিৰ বাবে ব্যৱহৃত হয়৷ ১৯৯১ চনৰ লোকপিয়ল অনুসৰি জিলাখনত কৃষকৰ সংখ্যা ৪২,৪৭৩ জন৷ ইয়াৰে ২৮,৬৬১ জন পুৰুষ আৰু ১৩,৮১২ গৰাকী মহিলা৷

উদ্যানকৃষি (Horticulture)

উদ্যানকৃষিৰ ক্ষেত্ৰতো পূব ইম্ফল জিলাই যথেষ্ট অগ্ৰগতি লাভ কৰিছে৷ ফলমূল যেনে আনাৰস, কল, নেমু আৰু অমিতা ইত্যাদি জিলাখনত উৎপাদন হয়৷ ১৯৯৮-৯৯ বৰ্ষত জিলাখনত উৎপন্ন হোৱা উদ্যানকৃষিজাত শস্যসমূহ হৈছে-

পোহনীয়া জীৱজন্তু

পূব ইম্ফল জিলাৰ পাঁচখন জন্তুৰ চিকিৎসালয় আছে৷ ১৯৯৭ চনৰ পিয়ল অনুসৰি এই জিলাৰ বিভিন্ন পোহনীয়া জীৱজন্তুৰ সংখ্যা তলৰ তালিকাত দিয়া হ’ল: