পূজা প্ৰিয়ংকা

পূজা প্ৰিয়ংকা (জন্ম: ২৩ মে’ ১৯৯১) এগৰাকী ফিজিয়ান-ভাৰতীয় অভিনেত্ৰী, মডেল, নৃত্যংগনা, উদ্যোগী আৰু সৌন্দৰ্য প্ৰতিযোগিতা বিজয়ী।^১ তেওঁ ২০১৬ চনৰ "মিছ ৱৰ্ল্ড ফিজি" বিজয়ী^২ আৰু তেওঁৰ বলীউড অভিষেক হৈছিল "দ্য ড্ৰিম কেচাৰ" নামৰ এখন ক্ষুদ্ৰ চলচ্চিত্ৰত ধৰ্মেন্দ্ৰৰ সৈতে অভিনয় কৰাৰ জৰিয়তে।^৩

কৰ্ম-জীৱন

প্ৰিয়ংকাই ১৮ বছৰ বয়সত স্থানীয় সৌন্দৰ্য প্ৰতিযোগিতাৰ জৰিয়তে নিজৰ কৰিয়াৰ আৰম্ভ কৰিছিল। ২০১৬ চনত তেওঁ মিছ ৱৰ্ল্ড ফিজি খিতাপ লাভ কৰি মিছ ৱৰ্ল্ড ২০১৬-ত ফিজিৰ প্ৰতিনিধিত্ব কৰিছিল, য’ত তেওঁ শীৰ্ষ ২০ চূড়ান্ত প্ৰতিযোগীৰ ভিতৰত আছিল।^৪

সৌন্দৰ্য প্ৰতিযোগিতা

মিছ ৱৰ্ল্ড ফিজি ২০১৬

প্ৰিয়ংকা ৭ মে’ ২০১৬-ত গ্ৰেণ্ড পেচিফিক হোটেল, ছুভাত অনুষ্ঠিত হোৱা প্ৰতিযোগিতাত মিছ ৱৰ্ল্ড ফিজি ২০১৬ বিজয়ী হয় আৰু মিছ ৱৰ্ল্ড ২০১৬-ত অংশগ্ৰহণ কৰে।^৫

মিছ ৱৰ্ল্ড ২০১৬

তেওঁ ফিজিৰ হৈ মিছ ৱৰ্ল্ড ২০১৬-ত অংশগ্ৰহণ কৰি শৈল্পিক প্ৰতিভা আৰু সমাজসেৱা শ্ৰেণীত শীৰ্ষ ২০-ত স্থান লাভ কৰে।